Austurglugginn - 06.09.2007, Blaðsíða 2

2
AUSTUR • GLUGGINN
Fimmtudagur 6. september
Bylting í öryggismálum á sjó og hálendi
Talsamband um GSM síma mun nást langt á hafút umhverfis landið og víðast hvar á hálendinu með
tilkomu nýs langdrægs GSM farsímakerfis Vodafone. Alls verða settir upp um 40 langdrægir GSM sendar
á næstu mánuðum og er undirbúningur verkefnisins á lokastigi. Búið er að velja staðsetningar fyrir flesta
sendana um allt land og ráðgert er að uppbyggingu kerfisins Ijúki á fyrstu mánuðum næsta árs.
„Langdræga kerfið er hrein viðbót
við núverandi GSM kerfi og raunar
bylting í öryggismálum fyrir
marga sjófarendur og ferðalanga á
hálendinu. Fólk getur einfaldlega
notað GSM símann sinn miklu
víðar en hingað til og þarf ekki að
skipta um símtæki þegar farið er út
á sjó eða upp á hálendi,” segir Ami
Pétur Jónsson forstjóri Vodafone.
Enginn aukakostnaður fellur á
símnotandann við notkun á hinu
nýja langdræga kerfi, því sama
gjaldskrá mun gilda fyrir símtöl
í langdræga GSM kerfinu og því
hefðbundna.
Allt að 100 km
út á haf
Tilraunir með þennan langdræga
búnað hafa gengið vel á sjó og
landi. GSM samband hefur náðst
allt að 100 kílómetra á haf út og
nýtist því vel minni fiskibátum,
skemmtibátum og kajakræðurum
svo dæmi séu nefnd. Langdrægt
farsímakerfi Vodafone gjörbyltir
einnig ijarskiptum á hálendi Is-
lands því GSM samband mun nást
á helstu fjallvegum landsins.
Ekki öryggisnet
fyrir þjóðvegi
Á þjóðvegum Austurlandsflórð-
ungs er talsvert af svæðum þar sem
ekki næst GSM samband. Þetta
hefur valdið áhyggjum vegfarenda
sem og sveitastjórna í fjórðungnum
sem hafa ályktað til stjórnvalda
vegna málsins. “Það er ekki mark-
mið með uppsetningu kerfisins að
dekka dauð svæði á þjóðvegum,
en vonandi dettur inn samband á
svæðum sem ekki hafa verið inni.
Uppbygging öryggisnetsins er
annað aðskilið verkefni á vegum
stjómvalda.” segir Hrannar Péturs-
son upplýsingafulltrúi Vodafone.
EBÞ
Fyrsti fjallagarpur
Seyðisfjarðar
Borgþór Jóhannsson varð fyrstur til
að hljóta nafngiftina “Fjallagarpur
Seyðisfjarðar” árið 2007. Hann
lauk nýlega við að klífa þau sjö
fjöll sem ætlast er til að klifin séu.
Gönguklúbbur Seyðisfjarðar kom
upp gestabókahirslum á sjö fjalla-
toppa við Seyðisfjörð í vor. I hirsl-
unum er að finna gatatangir með
mismunandi munstri. Gatatangim-
ar eru svo notaðar til þess að gata
kort sem fæst í Upplýsingamiðstöð
ferðamanna á Seyðisfirði. Þegar
búið er að gata kortið með öllum
töngunum og öll fjöllin hafa verið
klifin fæst nafnbótin “Fjallagarpur
Seyðisfjarðar” og viðurkenning-
arskjal frá Gönguklúbbi Seyð-
isfjarðar. Nánari upplýsingar um
Fjallagarpa Seyðisfjarðar má finna
á www.sfk.is
EBÞ
íþróttasjóður:
Menntamálaráðuneyti
auglýsir eftir umsóknum
Menntamálaráðuneytið auglýsti
fyrir skömmu eftir umsóknum
um styrki úr lþróttasjóði sem
starfar samkvæmt íþróttalögum.
Veita má framlög úr sjóðnum
vegna sérstakra verkefna á
vegum íþróttafélaga og sam-
taka þeirra sem miða að því að
bæta aðstöðu til íþróttaiðkunar,
V_____________________________
út breiðslu- og fræðsluverkefna,
íþróttarannsókna sem og önnur
verkefni samkvæmt 13. grein
íþróttalaga. Hægt er að sækja
um á rafrænu formi á umsoknir.
menntamalaraduneyti.is og er
umsóknarfrestur til 1. október
2007.
EÞB
íslandspóstur eykur þjónustu sína:
Nýtt pósthús á Reyðarfirði
Fimmtudaginn 30. ágúst opnaði
Islandspóstur nýtt og glæsilegt
pósthús á Reyðarfírði. Fyrsta
skóflustungan var tekin 12. sept-
ember í fyrra og hefur húsið því
risið á innan við ári. Yfirverktaki
var Smiðir ehf. úr Fjarðabyggð, en
fjöldi undirverktaka tók einnig þátt
í byggingunni á þeirra vegum
Auðséð er að nýja pósthúsið
hentar mun betur undir rekstur
póstmiðstöðvar en eldra húsnæði
Islandspósts á Reyðarfírði. Mót-
taka, vinnuaðstaða og afgreiðsla
er mun betur sniðin að nútímanum
og greinilegt að mikil breyting á
Nýtt pósthús Islandspósts á Reyðarfirði
aðstöðumun fyrir starfsfólkið á sér
stað.
Um er að ræða annað pósthúsið af
tíu sem munu opna á næstu miss-
erum.
Ætlunin með nýju pósthúsunum er
að auka þjónustu við viðskiptavini
til muna. Hér er meðal annars átt
við sölu á ýmiskonar vörum, svo
sem skrifstofuvörum, ritföngum,
pappír, geisladiskum, kortum og
fleiru sem mikilvægt er fyrirtækj-
um, einstaklingum og ferðamönn-
um.
I pósthúsinu hefur verið sett upp
“Samskiptaborð” sem mun vera
nýjung í þjónustu Póstsins. Þar
verður hægt að kaupa netaðgang,
prenta út gögn og ljósmyndir,
skanna og ljósrita ásamt fleiru.
Viðskiptavinum gefst einnig
kostur á að panta aðra þjónustu
Samskipta á pósthúsunum og fá
senda um hæl.
Við opnun pósthússins var margt
um manninn og hélt Ingimundur
Sigurpálsson stutta ræðu um bygg-
ingu pósthússins. Að því loknu af-
henti hann Laufeyju Þóru Sveins-
dóttur útibússtjóra lyklavöldin að
húsinu.
EBÞ