Fréttablaðið - 12.10.2022, Blaðsíða 1

2 2 6 . T Ö L U B L A Ð 2 2 . Á R G A N G U R f rettab lad id . i s M I Ð V I K U D A G U R 1 2 . O K T Ó B E R 2 0 2 2
Viðamikil og
fjölbreytt hátíð
Minnast
Hrafns í skák
Menning ➤ 17 Lífið ➤ 18
Íslenska landsliðið fór heim með brostna drauma frá Portúgal í gær þegar HM-draumurinn var úr sögunni. Umdeildir dómar og rautt spjald á íslenska liðið lituðu leikinn sem tapaðist að lokum í
framlengingu. Þungt var yfir íslenska liðinu þegar flautað var til leiksloka í Porto en liðið skildi allt eftir á vellinum. SJÁ SÍÐU 12 FRÉTTABLAÐIÐ/ANTON BRINK
Er þitt fyrirtæki
tryggt fyrir
netárásum? Hugsum í framtíð
2-3 DAGA
AFHENDING
S K AT TA M ÁL Forkólfar Félags
atvinnurekenda gagnrýna harð-
lega auknar álögur á almenning
og fyrirtæki sem þeir segja felast
í nýju fjárlagafrumvarpi.
Félag ið beinir sérst ak lega
sjónum að áfengissköttum. Gangi
frumvarpið eftir muni áfengis-
gjald hækka um 7,7 prósent. Í frí-
hafnarverslunum komi ofan á þá
hækkun 150 prósenta hækkun
gjaldsins.
„Fyrir hinn almenna neytanda
þýða þessar skattahækkanir að
hæsta áfengisverð í Evrópu hækk-
ar enn,“ segir Ólafur Stephensen,
framkvæmdastjóri félagsins, en
léttvínskassinn hækki um 600
krónur og bjórkippan um 150
krónur.
SJÁ SÍÐU 4
Gagnrýna auknar
álögur á áfengi
Ótímabært er að segja til um
aðskilnað innan Alþýðusam-
bands Íslands en ljóst er að
einhver stéttarfélög munu
skoða stöðu sína innan sam-
bandsins í ljósi atburða gær-
dagsins. Sagnfræðingur man
ekki eftir viðlíka fordæmi í
sögu Alþýðusambandsins.
helenaros@frettabladid.is 
KJARAMÁL Erfitt er að gera sér grein
fyrir því hvað er að gerast innan
Alþýðusambands Íslands vegna
þess hve vanstillt umræðan er og
erfitt er að sjá hvaða málefnaágrein-
ingur er til staðar segir Guðmundur
Hálfdánarson, prófessor í sagnfræði
við Háskóla Íslands. Hann man ekki
eftir viðlíka fordæmi í sögunni og
segir fréttir gærdagsins hafa komið
að óvart.
Ragnar Þór Ingólfsson, Sólveig
Anna Jónsdóttir og Vilhjálmur
Birgisson drógu öll framboð sín til
forystu til baka í gær. Eftir stendur
Ólöf Helga Adolfsdóttir ein í fram-
boði og fari svo að hún fari ein fram
verður hún sjálfkjörin.
Vilhjálmur sagði við Fréttablaðið
í gær að ástæðan væri tillaga um að
víkja öllum fulltrúum Eflingar frá
aðalfundi ASÍ. Ótímabært væri að
segja til um klofning, hvert félag
yrði að taka þá ákvörðun út af fyrir
sig. Ekki náðist í Sólveigu Önnu
þrátt fyrir ítrekaðar tilraunir. Hún
tjáði sig þó um málið á Facebook-
síðu sinni í gær. „Í dag er mér ljóst
að vonin um umbætur á ASÍ er úti.
Í forystu ASÍ getur ekki átt erindi
nein manneskja sem vill af heilum
hug berjast fyrir bættum kjörum
almennings á Íslandi. Þær mann-
eskjur verða að leita annað,“ segir
Sólveig Anna. Ekki náðist í Ragnar
Þór í gær þrátt fyrir ítrekaðar til-
raunir.
Ef ASÍ er ekki að leysast upp þá
er að minnsta kosti eitthvað að
kvarnast úr sambandinu, segir
Guðmundur spurður hvort hann
telji ASÍ vera að liðast í sundur. „Það
er að minnsta kosti verið að ræða
það að stór félög ætli að ganga út,“
segir hann.
Að sögn Guðmundar eru átök
innan ASÍ ekki ný af nálinni. Nú séu
átökin þó með öðrum hætti en áður
og snúist frekar um stjórnunarstíl
og persónuleg átök fremur en pól-
itísk málefni.
Guðmundur segir stöðuna vond
tíðindi fyrir verkalýðshreyfinguna
og að þetta muni hafa áhrif á kjara-
viðræður. „Það er stór hluti kjara-
samninga sem verða lausir og þung-
ar samningaviðræður fram undan.“
Spurður um sættir segir Guð-
mundur erf itt að segja til um
það. „Það er eins og fólk geti ekki
almennilega talað saman. Bar-
áttan hefur mikið farið fram í fjöl-
miðlum og á samfélagsmiðlum þar
sem stóru orðin eru ekki spöruð og
það auðvitað veit aldrei á gott þegar
það kemur að því að vinna saman
þar sem fólk sakar hvert annað um
óheilindi, svik og annað slíkt.“ n
Sjá nánar á frettabladid.is.
Fordæmalausir tímar séu innan ASÍ  
Guðmundur
Hálfdánarson,
sagnfræðingur