Fréttablaðið - 18.10.2022, Blaðsíða 2

Félagsmenn okkar eru
fjölmennur hópur
með fjölbreyttar skoð-
anir, upplifanir og
tilfinningar.
Berglind Kristófersdóttir, for-
maður Flugfreyjufélags Íslands
Ábendingar á Alþingi
Það virtist sem svo að Katrín Jakobsdóttir forsætisráðherra væri að lesa Sigurði Inga Jóhannessyni innanviðaráðherra pistilinn þegar þau ræddu saman í
þingsalnum í gær en líklegast var spjallið á léttu nótunum. Ef til vill var Katrín að ræða titilvonir Liverpool eftir sigur helgarinnar. FRÉTTABLAÐIÐ/VALLI
birnadrofn@frettabladid.is
KJARAMÁL Berglind Kristófersdóttir,
formaður Flugfreyjufélags Íslands,
segir að stjórn félagsins hafi ekki
farið varhluta af umræðunni um
álag, ógnarstjórn og starfsaðstæður
flugfreyja.
„Félagsmenn okkar eru fjölmenn-
ur hópur með fjölbreyttar skoðanir,
upplifanir og tilfinningar. Málefnin
sem rata á borð Flugfreyjufélagsins
eru oftar en ekki af neikvæðum toga
enda tilgangur og hlutverk félagsins
að standa vörð um réttindi og hags-
muni okkar félagsmanna,“ segir
Berglind spurð um viðbrögð félags-
ins við svona frásögnum og umfjöll-
un. Hún segir að það sem félagið hafi
gert sé að funda með æðstu stjórn-
endum Icelandair. „Það getur reynst
erfitt að tala máli allra félagsmanna
einni röddu en við tökum þessum
umræðum og umfjöllunum alvar-
lega, af varfærni og virðingu. Þar af
leiðandi vinnum við að því að leysa
málin á öðrum vettvangi en í fjöl-
miðlum,“ segir Berglind. n
Erfitt að tala máli allra félagsmanna
Heilsuvara vikunnar
GJAFALEIKUR
lovisa@frettabladid.is
STJÓRNSÝSLA Ríkisendurskoðun
hefur framlengt frest til 25. október
til að skila umsögn um drög að
skýrslu embættisins um sölu á hlut
ríkisins í Íslandsbanka, að beiðni
Bankasýslu ríkisins.
Samkvæmt upplýsingum frá
Bankasýslunni er almennt hæfi-
legur frestur tvær vikur og því var
beðið um framlengingu. Ríkisend-
urskoðun sendi fjármála- og efna-
hagsráðuneyti, Bankasýslu ríkisins
og stjórn hennar til umsagnar drög
að skýrslu embættisins fyrir helgi
og átti fresturinn að renna út á mið-
vikudag.
Í tilkynningu á fimmtudag kom
fram að trúnaður gildir um skýrslu-
drögin og að ekki verði fjallað um
þau efnislega í umsagnarferlinu,
hvorki af hálfu Ríkisendurskoðunar
né umsagnaraðila. n
Framlengja frest
til að skila skýrslu
Jón Gunnar Jónsson forstjóri og
Lárus Blöndal stjórnarformaður
Bankasýslu ríkisins.
Sveitarstjóri Langanesbyggð-
ar segir að það ríki almenn
ánægja með geimflaugarskot-
tilraun síðustu viku þó að
skotið sjálft hafi misheppnast.
Hann segist sjá markaðstæki-
færi fyrir sveitarfélagið í að
verða að eldflaugamiðstöð.
kristinnpall@frettabladid.is
LANGANESBYGGÐ „Við fylgdumst
með þessu úr góðri fjarlægð frá
þessu því það voru margir á svæð-
inu, viðbragðsaðilar og fleiri til. Það
var reyndar svolítið mistur í loftinu,
þannig að við sáum ekki vel til
skotsins sjálfs,“ segir Björn S. Lárus-
son, sveitarstjóri Langanesbyggðar,
spurður hvort hann hafi fengið að
fylgjast með eldf laugarskoti sem
átti sér stað í sveitarfélaginu á dög-
unum.
„Björgunarsveitin var að gæta
upp á svæðið og slökkviliðið var
um leið mætt til að fylgjast með að
fólk væri ekki að fara of nálægt. Við
vorum búin að koma okkur vel fyrir
en mistrið í loftinu skyggði aðeins
á útsýnið.“
Umrædd eldflaug, Skylark L sem
er ellefu metra löng, endaði í sjón-
um en skoska fyrirtækið Skyrora
var þarna að gera sína aðra tilraun
með geimf laugarskot á svæðinu.
Tilraunin var hluti af undirbúningi
Skyrora sem stefnir á að reyna að
koma stærri eldflaugum út í geim
frá og með næsta ári.
Björn tekur undir að Langanes-
byggð gæti séð markaðstækifæri í
því að bjóða upp á staðsetningu til
slíkra tilrauna.
„Þetta var skemmtileg tilbreyting
og þetta hefur vonandi bara jákvæð
áhrif á samfélagið. Það gæti reynst
ákveðin framtíð í því að Langanes-
byggð yrði staðurinn á Íslandi sem
kæmi fyrst til greina þegar kemur
að því að skjóta upp tilraunaeld-
f laugum,“ segir Björn og heldur
áfram:
„Við sjáum ákveðin markaðstæki-
færi í þessu. Við erum með fjarlægð
frá byggð, innan gæsalappa, og að
hér sé staður til að framkvæma þessi
tilraunaskot.“
Björn segist ekki vera búinn að
heyra frá forráðamönnum Skyrora
þar sem hann hafi verið upptekinn
í gær þegar Skotarnir leituðu eftir
fundi en segist eiga von á því að
ræða við þá um næstu skref og frek-
ara samstarf. Hann segir að heima-
menn hafi vitanlega sýnt þessu
mikinn áhuga.
„Við fundum það alveg að fólk var
spennt fyrir þessu og spennt fyrir
því að Langanesbyggð yrði fyrir
valinu í þessu verkefni.“
Sveitarstjórinn segist ekki vera
með nákvæmari upplýsingar um
hversu langt f laugin fór né tækni-
legu atriðin en blaðamaður BBC á
svæðinu fullyrti að umrædd flaug
hefði lent í sjónum hálfum kíló-
metra frá skotpallinum. n
Langanesbyggð geti orðið
mistöð geimflaugaskota
Þetta var önnur tilraun skoska fyrirtækisins til að skjóta eldflaug frá Langa-
nesbyggð sem stefnir á að koma flaug út í geim á næsta ári. MYND/SKYRORA
Við fundum það alveg
að fólk var spennt fyrir
þessu og spennt fyrir
því að Langanesbyggð
yrði fyrir valinu.
Björn S. Lárus-
son, sveitarstjóri
Langanes-
byggðar
2 Fréttir 18. október 2022 ÞRIÐJUDAGURFRÉTTABLAÐIÐ