Flug : málgagn Flugmálafélags Íslands - 01.03.1939, Side 7
HVERT STEFNIR?
Agnar E. Kofoed Hansen
I.
Gleði okkar Islendinga var mikil á 25 ára
afmæli Eimskipafélagsins, en vart hefir hjá
því farið, að einstaka menn hafi látið hugann
hvarfla aftur til stofnunarára félagsins, þegar
meira gætti bölsýni en bjartsýni um afkomu-
möguleika slíks félags. Enn í dag sigla skip
félagsins landa á milli, sjálfstæði lands vors til
mikils sóma. Aðrir minnast komu fyrstu bif-
reiðanna hingað til landsins og baráttu áhuga-
manna fyrir lagningu fyrstu akveganna. Al-
menningi hættir við að gleyma þessu, þegar
þotið er að sumarlagi milli Suður- og Norð-
urlandsins á réttum degi í nýtísku langferða-
bifreiðum.
Allir hlutir þurfa sinn tíma og eins mun það
verða með flugið, við sjáum viðhorfið til þeirra
mála í dag, og sjáum hæga framför frá því
sem var fyrir 2—3 árum.
Hvernig viðhorfið til þessara mála verður
að 25 árum liðnum er ómögulegt að segja neitt
um með vissu, þótt þróun flugmálanna erlend-
is hinsvegar freisti margra til þess að spá mjög
björtu um framtíð þeirra mála hér á landi. En
hlutirnir koma ekki af sjálfu sér, ekkert á-
vinnst með því að bíða og halda að sér hönd-
um, þessvegna er okkur lífsnauðsyn að búa
þannig í haginn fyrir þessi mál, að þeim sé séð
fyrir hægri en öruggri þróun. Oss skortir enn
mjög tilfinnanlega reynslu, og verkefni á sviði
reynsluflugs verða ærin næstu 5—10 árin.
Það er skoðun mín, að flugmálunum henti
bezt að hægt og gætilega sé að þeim unnið,
byggja verður upp smátt og smátt á traustum
grundvelli fenginnar reynslu. Það eru þess-
vegna tiltölulega litlar fjárfórnir sem þjóðin
þarf að færa á þessu reynslutímabili, en hún
verður að vera málinu trygg.
II.
Við Islendingar höfum tvisvar gert mis-
hepnaðar tilraunir til þess að koma hér á flugi.
Fyrri tilraunin var glæsilegt sýnishorn af ís-
lenzkum stórhug, en ekki fyllilega tímabær.
Önnur tilraunin var í hvívetna hin myndar-
legasta og á tímabili horfði prýðilega um
framtíð félagsins, en stakkurinn var ekki snið-
inn eftir okkar smáa vexti, hann var of stór
og þegar félagið lenti í pólitísku óári, þar
sem menn töldu sig hafa um annað að hugsa
en bjargráð flugmálunum til handa, fékk
það ekki staðist. Núna stöndum við svo í þriðju
tilrauninni, sem enginn kann að spá neinu um.
Eitt er þó víst, að reynsla fyrri félaga kem-
ur þessu nýja félagi að haldi. Það hefir sýnt
sig, að rekstur innlends flugfélags getur því
aðeins átt framtíð fyrir höndum, að þar sé í
hvívetna gætt ýtrustu hagsýni, og sparsemi.
Þetta sama sjónarmið hefir hið nýja félag.
Fengin reynsla bendir eindregið til hæg-
fara þróunar, í stað stórra en ótímabærra á-
taka og verkefna. Hið nýja félag mun eftir
föngum gera sér far um að tryggja hvert stigið
spor, áður en hugsað er til þess að stíga það
næsta.
III.
Sýnilegt er, að áður en reglulegt áætlunar-
flug milli hinna ýmsu staða landsins getur
hafist, þarf margra ára samfeldar rannsóknir,
einkum vegna vetrarflugferða.
Sú reynsla, sem þegar hefir fengist með
landflugsrannsóknum, hefir sýnt að mikla á-
herzlu verður að leggja á landflugið.
Það, sem máli skiftir, er því þetta: Saman-
lögð reynsla 3ja flugfélaga hefir sýnt, að land-
flug á mikla framtíð fyrir höndum. Nothæfir
flugvellir eru þegar til víða úti um land, það
vantar aðeins flugvöll fyrir höfuðstaðinn og
nokkrar ódýrar lagfæringar á Akureyri. Ekki
má reikna með minna en 2ja ára tíma til flug-t
vallargerðar í Rvík; ætti því að mega búast
við að landflug geti hafist vorið 1941, en auð-
vitað því aðeins, að hafist verði handa þegar
FLUG
5.