Heilbrigðisskýrslur - 02.12.1982, Blaðsíða 11

9
III. KAFLI
Einstök matvæli
Fiskmeti 0,3 -0,4 skammtar á dag (1938: 0,9 skammtar á dag)
Það mun ugglaust ekki ofmælt þótt sagt sé að fiskur hafi frá
örófi alda verið aðalfæða strandbyggja hvar sem er í heiminum.
Lengi mun fiskneysla hafa verið þýðingarmestur þáttur í mann-
eldi á Norðurlöndum. Þó fer fiskneysla hraðminnkandi hér á
seinni árum eins og þessar rannsóknir gefa til kynna.
Eins og niðurstöður þessara rannsókna 1977 - 78 bera með sér,
er fiskneysla ekki mikil, en þó heldur meiri að vorinu, þ.e.a.s
0,4 skammtar á dag, en aðeins 0,3 skammtar á dag að haustinu.
Fyrir 30 - 40 árum var fiskneysla þrisvar sinnum meiri eða 0,9
skammtar á dag.
Ekki er hægt að segja mikið um einstakar fisktegundir, þó virð-
ist augljóst að ýsan er aðalfiskur á íslandi en minna er um
þorsk. Lítið ber á feitum fiski svo sem lúðu eða kola. Er
feitfiskneyslan aðeins u.þ.b. 1/10 - 1/30 af heildarfiskneysl-
unni .
Um síld
Athyglisvert er að síld er mjög sjaldan á borðum og eiginlega
aðeins sem álegg á brauð í smáum stíl. Samkvæmt rannsókninni
frá 1938 var síld notuð sérstaklega einn dag í viku aðeins á
einum stað, þ.e.a.s. í heimavistarskólanum á Reykjanesi. Að
mati lækna og manneldisfræðinga er síldin talin vera einn besti
steinefna- og vítamíngjafi sem völ er á. Raunverulega hafa
íslendingar aldrei lært að nota síld til manneldis, en hafa
viðurkennt hana sem besta fóður fyrir kvikfénað ekki síst mjólk
urkýr.