Heilbrigðisskýrslur - 02.12.1982, Page 24

22
markaði, því að offita er algengur kvilli meðal fólks. Um-
ræður og aðgerðir í manneldismálum mega þó ekki draga athygl-
ina frá höfuðvandamálinu sem er að æska þessa lands elst upp
á járn- og vítamínrýru fæði og temur sér gallaðar neysluvenjur.
Manneldisstefna íslendinga hefur verið nokkuð umdeild. ÞÓ
ber að hafa £ huga að sú kynslóð sem ólst upp á fyrri hluta
þessarar aldar hér á landi virðist hafa nokkra sérstöðu.
NÚ liggja fyrir óyggjandi tölur um að karlar á aldrinum 30 ára
til 61 árs í Reykjavík eru allt að 2 cm hærri en félagar þeirra
á öðrum Norðurlöndum og í BandaríkjunumEnnfremur er meðal-
ævi hérlendis nú lengri en almennt gerist í vestrænum löndum.^)
Framangreindar staðreyndir ber að hafa í huga áður en teknar
eru upp erlendar venjur í manneldismálum. Síðast en ekki síst
ber að gjalda varhug við þeim neysluvenjum sem æskan temur sér
í dag.
Nauðsynlegt er að halda áfram næringarefnarannsóknum eins
og þeim sem birtar eru í viðauka þessarar skýrslu.
Loks skal lögð áhersla á að með aukinni fræðslu í grunnskólum
um heilnæmar neysluvenjur má vænta betri samvinnu við nemendur
um breytingar til batnaðar.