Morgunblaðið - 04.10.2022, Side 27

ÍÞRÓTTIR 27
MORGUNBLAÐIÐ ÞRIÐJUDAGUR 4. OKTÓBER 2022
skora tvö mörk og leggja upp enn
fleiri í sjö deildarleikjum með
Stjörnunni.
Kraftleysi og mæði
Á síðasta tímabili lék hún aðeins
einn leik með Stjörnunni í efstu
deild eftir að hafa verið lykilmaður
hjá liðinu sumarið 2020 og í stóru
hlutverki sumarið á undan, þegar
Aníta var aðeins 16 ára gömul.
Hver var ástæðan fyrir fjarveru
hennar á síðasta tímabili og í byrj-
un nýafstaðins tímabils?
„Ég var sem sagt með einhver
óeðlileg einkenni. Ég byrjaði að
finna fyrir kraftleysi og mæði við
áreynslu sumarið 2020. Þá fór ég
og hitti fullt af læknum, fór í fullt
af rannsóknum og eitthvert alls
konar vesen. Þannig að ég er bara
búin að vera svolítið í því,“ útskýrði
hún.
Spurð hvort hún væri búin að fá
bót meina sinna sagði Aníta:
„Það er ekki beint búið að finna
almennilega ástæðu fyrir þessu eða
komast að niðurstöðu en ég er búin
að fá ágætis ráð og þetta hefur
lagast eitthvað. Ég er ekki 100 pró-
sent en ég er samt á leiðinni þang-
að, þetta er allt að koma. Ég er
náttúrlega bara nýkomin aftur.“
Kristján hefur staðið með mér
Samningur Anítu rennur út um
áramótin en sjálf kvaðst hún ekki
vita hvað framtíðin bæri í skauti
sér. „Ég er bara ekki alveg viss.
Ég er allavega ánægð með Kristján
og Stjörnuna, mér finnst þetta
geggjað lið.
Svo er Kristján líka búinn að
standa með mér í þessum
meiðslum, hefur haft trú á mér og
spilað mér þrátt fyrir að ég sé
kannski ekkert búin að vera 100
prósent. Mér líður allavega vel í
Stjörnunni en ég veit ekki hvað
verður.“
Þrátt fyrir það sagði Aníta að
viðræður um nýjan samning hefðu
átt sér stað en óvissan í kringum
líkamlegt ástand hennar hefði ef-
laust haft eitthvað með það að gera
að ekkert er klappað og klárt í
þeim efnum.
Eins langt og ég kemst
„Við erum alveg eitthvað búin að
ræða um nýjan samning en ég bara
var ekki viss hver staðan á mér
væri og hvað ég ætlaði að gera,“
útskýrði hún.
Aníta er þó þess fullviss að hún
vilji ná eins langt og hún mögulega
getur í knattspyrnunni þar sem
hana dreymir um að spila fyrir ís-
lenska A-landsliðið og komast út í
atvinnumennsku.
„Mig langar að fara eins langt og
ég kemst. Ég elska að spila fótbolta
og vona að ég nái sem lengst,“
sagði Aníta að lokum í samtali við
Morgunblaðið.
Elska að spila fótbolta
- Aníta sneri aftur á völlinn í sumar eftir mikla og langvarandi óvissu - Lét vel
til sín taka er Stjarnan tryggði sér Evrópusæti - Vonast til að ná sem lengst
Morgunblaðið/Kristinn Magnússon
Umkringd Hálft lið Aftureldingar reynir að hafa hemil á Anítu Ýri Þorvaldsdóttur í viðureign liðanna á dögunum.
BEST
Gunnar Egill Daníelsson
gunnaregill@mbl.is
„Ég er ánægð með eigin frammi-
stöðu á tímabilinu en það var
náttúrlega leiðinlegt að ná ekki
meira af því en þetta. Annars er ég
bara ánægð með að vera komin aft-
ur,“ sagði Aníta Ýr Þorvaldsdóttir,
kantmaður Stjörnunnar í knatt-
spyrnu kvenna, í samtali við Morg-
unblaðið.
Hún lék frábærlega með liðinu
síðari hluta tímabilsins og hjálpaði
því að krækja í 2. sæti Bestu deild-
ar kvenna, sem gaf Garðabæjarlið-
inu sæti í undankeppni Meist-
aradeildar Evrópu á næsta tímabili
þar sem það náði að komast upp
fyrir Breiðablik á lokasprettinum.
„Það var frábært að ná því. Þetta
er geggjað lið og geggjað að ná
þessu. Þetta var markmiðið hjá
okkur og við erum ánægðar með að
það hafi náðst,“ sagði Aníta, sem er
leikmaður septembermánaðar sam-
kvæmt M-gjöf Morgunblaðsins.
Fyrri hluta tímabilsins lék hún
sem lánsmaður hjá venslafélagi
Stjörnunnar, Álftanesi, í 2. deild
kvenna. Spurð hvað hafi komið til
að hún fór að láni í þriðju efstu
deild sagði Aníta:
„Ég er náttúrlega búin að vera
að glíma við meiðsli og missti af
öllu tímabilinu í fyrra. Ég var bara
að byrja að æfa aftur núna í byrjun
árs þannig að ég vildi prófa að spila
einhverja leiki og gerði það með
Álftanesi til þess að koma mér í
gang.“
Kölluð til baka ef mér liði vel
Stjarnan og Álftanes eiga í nánu
samstarfi þar sem sameiginlegt lið
þeirra leikur til að mynda í 2. flokki
kvenna og Stjarnan/KFG/Álftanes í
2. flokki karla. Aníta sagði að á
meðan hún var að koma sér aftur
af stað hefði það legið beinast við
að skipta yfir til nágrannanna, þar
sem hún skoraði fjögur mörk í fjór-
um leikjum í 2. deild.
„Það var einmitt planið. Ég
ræddi það við Kristján [Guðmunds-
son þjálfara] og fannst sniðugt að
prófa það. Svo yrði ég þá bara köll-
uð til baka ef mér liði vel.“
Sem var og gert og lauk Aníta
nýafstöðnu tímabili með því að
Aníta Ýr Þorvaldsdóttir, 19 ára kantmaður Stjörnunnar, var besti leik-
maður Bestu deildar kvenna í fótbolta í septembermánuði samkvæmt ein-
kunnagjöf Morgunblaðsins, M-gjöfinni.
Aníta kom mjög öflug inn í lið Stjörnunnar í sjö síðustu leikjum liðsins á
Íslandsmótinu. Í leikjunum fimm sem Garðabæjarliðið spilaði í september
fékk hún samtals 6 M fyrir frammistöðu sína auk þess að vera valin í lið
umferðarinnar í þremur síðustu umferðum deildarinnar.
Tveir aðrir leikmenn fengu 6 M í september en það voru Þórdís Hrönn
Sigfúsdóttir, Íslandsmeistari með Val, og Agla María Albertsdóttir úr
Breiðabliki. Þá fengu fimm leikmenn 5 M eins og sjá má á úrvalsliði sept-
embermánaðar hér til hliðar.
Þórdís og Danielle þrisvar í byrjunarliði
Þórdís Hrönn og Danielle Marcano úr Þrótti eru báðar í byrjunarliði
mánaðar í þriðja skipti af fjórum á tímabilinu 2022. Olga Sevcova úr ÍBV
hefur verið í liðinu í öllum fjórum mánuðum tímabilsins, tvisvar í byrj-
unarliðinu og tvisvar á varamannabekknum. Þær Agla María Albertsdóttir
og Gyða Kristín Gunnarsdóttir úr Stjörnunni eru báðar í byrjunarliði í ann-
að sinn og Gyða hefur auk þess verið einu sinni á varamannabekk. Sif Atla-
dóttir frá Selfossi er í 18 manna liðinu í þriðja sinn. Hún var tvisvar á vara-
mannabekknum en er nú í byrjunarliðinu.
Stjarnan fékk langflest M í september
Stjarnan fékk langflest M samanlagt í septembermánuði (lokaumferðin
1. október er talin með september). Stjarnan fékk alls 35 M í fimm leikjum.
Valur fékk 27 M, Selfoss 27, Breiðablik 23, Þróttur R. 21, ÍBV 21, Þór/KA
18, Keflavík 18, KR 14 og Afturelding 14.
Lið septembermánaðar hjá
Morgunblaðinu í Bestu deild kvenna 2022
Íris Dögg Gunnarsdóttir 3 Þróttur R.
Anna Rakel Pétursdóttir 2 3 Valur
Karitas Tómasdóttir 1 4 Breiðablik
Jasmín Erla Ingadóttir 1 4 Stjarnan
Bergrós Ásgeirsdóttir 1 4 Selfoss
Hildur K. Gunnarsdóttir 1 4 Afturelding
Ólöf Sigríður Kristinsdóttir 1 5 Þróttur R.
3-4-3 Hversu oft leikmaður
hefur verið valinn í lið
umferðarinnar í ágúst
2
Fjöldi sem
leikmaður fékk í ágúst
2Cornelia Sundelius
KR
Þórdís Hrönn
Sigfúsdóttir
Valur
Aníta Ýr Þorvaldsdóttir
Stjarnan
Miranda Nild
SelfossGyða Kristín
Gunnarsdóttir
Stjarnan
Olga Sevcova
ÍBV
Danielle Marcano
Þróttur R.
Kristrún Ýr Holm
Keflavík
Sif Atladóttir
Selfoss
Agla María Albertsdóttir
Breiðablik
Haley Thomas
ÍBV
VARAMENN
3
1
4
4
1
1
5
1
5 5
11
6
2
6
3 5
2
6
2
4
1
Aníta Ýr sú besta í
deildinni í september
Ég játa að ég skil ekki full-
komlega norska knattspyrnu-
manninn Erling Haaland. Skil
ekki hvernig er hægt að vera
þetta góður í að skora mörk.
Það er svolítið eins og Man-
chester City, sem fyrir var besta
lið Englands, hafi nælt sér í
svindlkarl. Ég tala nú ekki um
þegar Kevin De Bruyne, besti
sendingamaður heims, er fyrir
hjá liðinu og setur boltann svo til
alltaf á réttan stað. Það er ágætt
fyrir sóknarmann eins og Haa-
land sem virðist varla geta tekið
rangt hlaup.
Að skora 14 mörk í átta fyrstu
leikjunum þínum í ensku úrvals-
deildinni er magnað afrek. Ekki
síður magnað er það að skora
þrennu þrívegis í þessum átta
leikjum. Haaland er þá fyrsti leik-
maðurinn í 30 ára sögu úrvals-
deildarinnar til að skora þrennu í
þremur heimaleikjum í röð.
Til þess að setja það að skora
þrennu þrisvar í fyrstu átta leikj-
um sínum í deildinni í samhengi
má líta til þess að Michael Owen
er í öðru sæti yfir það afrek.
Hann var fljótur að ná því að
skora þrennu þrívegis fyrir Liver-
pool undir lok síðustu aldar en
þurfti hins vegar til þess 48 leiki!
Annar samanburður hefur
dúkkað upp að undanförnu. Haa-
land er aðeins 22 ára gamall og
hefur á ferlinum skorað 172
mörk í öllum keppnum fyrir fé-
lagslið sín.
Tveir bestu leikmenn og
drjúgustu markaskorarar allra
tíma, Lionel Messi og Cristiano
Ronaldo, höfðu til samanburðar
skorað færri mörk til samans
þegar þeir voru 22 ára; Messi 91
mark og Ronaldo 47. Ef fram
heldur sem horfir mun Haaland
slá öll möguleg markamet og
kæmi það fáum á óvart.
BAKVÖRÐUR
Gunnar Egill
Daníelsson
gunnaregill@mbl.is
Eitt
ogannað
_ Jón Axel Guðmundsson, landsliðs-
maður í körfuknattleik, skoðar þann
möguleika að spila í bandarísku G-
deildinni í vetur en liðin sem leika þar
eru nokkurs konar varalið NBA-
félaganna. Jón æfði í vikutíma með
meistaraliðinu Golden State Warriors
á dögunum og staðfesti við Morgun-
blaðið að varalið þess, Santa Cruz
Warriors, væri eitt þeirra liða sem
kæmu til greina. Hann væri með til-
boð þaðan, sem og frá varaliðum
Miami Heat, Brooklyn Nets, Milwau-
kee Bucks og Chicago Bulls.
_ Christopher Harrington hyggst
hætta sem þjálfari kvennaliðs KR í
knattspyrnu. Arnar Páll Garðarsson,
sem þjálfaði liðið ásamt Harrington,
verður ekki heldur áfram. Harrington
staðfesti tíðindin í samtali við Fót-
bolta.net í gær. KR féll úr efstu deild
á dögunum undir þeirra stjórn.
_ Langhlauparinn Baldvin Þór Magn-
ússon bætti sinn besta árangur í átta
kílómetra víðavangshlaupi er hann
hljóp vegalengdina á 23:44,3 mín-
útum í Lousiville í Kentucky um
helgina. Er þetta annað víðavangs-
hlaup Baldvins á tímabilinu en hann
hljóp 5 kílómetra í Michigan í byrjun
september, kom fyrstur í mark og
bætti sinn besta árangur um tæpa
mínútu.