Morgunblaðið - 13.10.2022, Qupperneq 2

2
MORGUNBLAÐIÐ FIMMTUDAGUR 13. OKTÓBER 2022
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Gísli Freyr Valdórsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Winkel Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Hólmfríður María Ragnhildardóttir
Þorsteinn Ásgrímsson
Inga Þóra Pálsdóttir
Kristján Þórður Snæbjarnarson,
forseti ASÍ og formaður Rafiðnaðar-
sambandsins, segir, spurður hvort
raunhæft sé að sátt náist innan sam-
bandsins, það ekki sjálfgefið. „Við
þurfum að leggja orku í þetta samtal
og taka okkur tíma í þessa vinnu.“
Ólöf Helga Adolfsdóttir, ritari Efl-
ingar og frambjóðandi til forseta
ASÍ, telur það komið undir þre-
menningunum Sólveigu Önnu,
Ragnari Þór og Vilhjálmi að sátt ná-
ist innan ASÍ.
„Það er náttúrlega að mestu leyti
undir Sólveigu, Vilhjálmi og Ragnari
komið. Það eru þau sem taka þessa
ákvörðun að draga framboð sín til
baka. Það er þeirra að vera tilbúin að
vinna með ASÍ,“ sagði Ólöf í samtali
við mbl.is í gær.
Kristján Þórður telur það hafa
verið rétta ákvörðun að fresta þingi
sambandsins fram á næsta ár, enda
hafi aðstæðurnar sem upp voru
komnar verið „fordæmalausar“.
Kristján Þórður sem var í fram-
boði til fyrsta varaforseta ASÍ, hefur
ekki tekið ákvörðun um hvernig
hann muni haga framboði sínu á
næsta ári, en eins og stendur býður
hann sig áfram fram til fyrsta vara-
forseta.
Líkt og greint var frá í gær var
þingi ASÍ frestað fram á næsta ár.
Tillaga þess efnis var samþykkt með
miklum meirihluta á þinginu um há-
degisbil í gær, enda taldi margur
þingfulltrúinn ekki stætt á að halda
því áfram undir þeim kringumstæð-
um sem höfðu myndiast með klofn-
ingi ASÍ.
Tillagan var borin upp í kjölfar
uppákomu mánudagsins, þegar
Ragnar Þór Ingólfsson, formaður
VR, Sólveig Anna Jónsdóttir, for-
maður Eflingar, og Vilhjálmur Birg-
isson, formaður Starfsgreinasam-
bandsins og Verkalýðsfélags Akra-
ness, greindu frá því að þau væru
búin að draga framboð sín til mið-
stjórnar ASÍ til baka. Þá gengu for-
menn VR og Eflingar af þinginu
ásamt flestum þingfulltrúum sínum.
Að öllu óbreyttu mun Kristján
Þórður skipa embætti forseta ASÍ
fram að næsta þingi og gerir hann
ekki ráð fyrir því að segja sig frá for-
mannsembætti Rafiðnaðarsam-
bands Íslands fyrir komandi kjara-
viðræður.
Réttasta niðurstaðan
„Ég held að þetta hafi verið rétt-
asta niðurstaðan á þessum tíma-
punkti við þessar aðstæður. Ég tel
að við hefðum illa getað gert eitthvað
annað,“ sagði Kristján Þórður í sam-
tali við mbl.is í gær.
Samkvæmt dagskrá átti stjórnar-
kjör að fara fram eftir hádegi í gær.
Ljóst er að ekkert varð úr því. Eftir
að Ragnar Þór dró sitt framboð til
forseta til baka á mánudaginn var
Ólöf Helga Adolfsdóttir ein eftir í
framboði. Hún stendur enn við fram-
boð sitt.
Ragnar stendur við sitt
Í samtali við mbl.is. í gær, eftir að
ljóst var að þinginu yrði frestað,
sagðist Ragnar Þór vera staðfastur í
sinni ákvörðun. Hann ætlar ekki að
bjóða sig fram til forseta ASÍ.
Þá kallaði hann eftir því að hann
fengi vinnufrið til þess að sinna sínu
félagi og gagnrýndi málflutning
Halldóru Sigríðar Sveinsdóttur, for-
manns stéttarfélagsins Bárunnar.
Hún sagði í viðtali við mbl.is að at-
burðarás mánudagsins hefði ekki
komið sér á óvart og sagði hana hafa
verið hannaða fyrir þingið.
„Þetta lýsir í rauninni bara ná-
kvæmlega ástæðunni fyrir því að ég
ákvað að stíga til hliðar. Ég vissi það
í hjarta mínu að árásum þessa fólks
myndi aldrei linna – þó ég næði kjöri
sem forseti, að þau myndu aldrei
hætta. Þau hafa kallað mig ofbeldis-
mann, hafa kallað mig valdasjúkan,
hafa talað um að ég hafi ætlað mér að
reka starfsfólk VR ítrekað, ítrekað,“
sagði Ragnar við mbl.is í gær.
„Ég vil bara fá frið, ég vil fá vinnu-
frið til þess núna að vinna fyrir mitt
félag. Hvernig væri ef þau myndu
bara gefa mér þennan frið? Ég sagði
mig frá þessu til að gefa þessu fólki
rými til að taka yfir Alþýðusamband-
ið, ég hef ekki lýst því yfir að mark-
miðin séu einhver önnur. Þau fengu
þetta rými, þau voru með yfirlýst
markmið um að gera allt sem í þeirra
valdi stæði til að ganga úr skugga
um að við næðum ekki kjöri,“ sagði
Ragnar enn fremur.
Efast um gagnsemi aðildar
Sólveig Anna og Ragnar Þór hafa
bæði efast um að sín félög eigi heima
innan raða ASÍ.
Í samtali við mbl.is í gær sagði
Sólveig Anna niðurstöðu þings ASÍ,
að því skuli frestað til næsta árs,
ekki breyta afstöðu sinni. Þá sagðist
hún ekki eiga von á því að Efling
muni taka þátt í komandi kjaravið-
ræðum á vettvangi ASÍ, en fulltrúar
stærstu félaga sambandsins hafa
tekið þátt í samninganefnd ASÍ, þar
sem fjallað er um sameiginleg mál
launþega í hreyfingunni.
Sáttin um ASÍ ekki sjálfgefin
- Forseti ASÍ sáttur við að þinginu hafi verið frestað - Mikill meirihluti samþykkti að fresta
- Ólöf Helga heldur ótrauð áfram með sitt framboð - Ragnar Þór óskar eftir vinnufriði fyrir VR
Morgunblaðið/Kristinn Magnúss
ASÍ Ekki er að sjá á mætingunni á þingið í gærmorgun að meirihluti þingfulltrúa hafi gengið frá störfum þingsins. Samþykkt var að fresta þinginu.
Morgunblaðið/Eggert
Formaður Halldóra S. Sveinsdóttir, formaður stéttarfélagsins Bárunnar.
Ragnheiður Birgisdóttir
ragnheidurb@mbl.is
Trúverðugleiki Alþýðusambands Ís-
lands er í húfi og ástandið sem skapast
hefur innan hreyfingarinnar er þeim,
sem hlut eiga að máli, til hneisu. Þetta
segir Sumarliði R. Ísleifsson, sagn-
fræðingur, í samtali við Morgunblaðið,
en hann skrifaði sögu Alþýðusam-
bandsins sem kom út árið 2013.
„Þetta er náttúrlega verst fyrir
fólkið í hreyfingunni, hinn almenna
félaga. Hreyfingin virðist vera óstarf-
hæf. Þegar maður er bara að berjast
við samherja sína fer alveg rosaleg
orka í það og fólk hugsar kannski
ekki um margt annað,“ segir hann.
„Er ekki hægt að orða þetta þann-
ig að þetta sé bara fólki til hneisu,
fólkinu sem á að standa fyrir sam-
stöðu fólks og berjast fyrir sameig-
inlegum hagsmunum? Þegar mál
hafa þróast svona
er trúverðugleiki
hreyfingarinnar í
húfi.“
Spurður út í
áhrif þessarar
sundrungar á
kjaraviðræður
segir Sumarliði:
„Kjaraviðræður
snúast ekki bara
um laun heldur
snúast þær líka um alls konar sam-
eiginleg mál. Þar hefur þurft að hafa
sameiginlegan vettvang, eins og Al-
þýðusambandið er. Það er náttúrlega
frekar ljóst að Alþýðusambandið
stendur ekki sterkt og það er líka
ljóst að það er erfitt að ræða sameig-
inleg mál við einstök félög. En maður
veit ekki hvernig mál þróast.“
Vitaskuld geti komið upp bandalög
og þá minnir hann á að VR og Efling
standi fyrir býsna stóran hluta verka-
lýðsins. „Engu að síður hefur Alþýðu-
sambandið gegnt mikilvægu hlut-
verki í þessu samhengi.“
Sumarliði telur ómögulegt að segja
hvort ASÍ muni lifa af þessa sundr-
ungu og hægt verði að koma sam-
bandinu á réttan kjöl með nýju þingi.
En líta megi á það að núverandi for-
seti sambandsins, Kristján Þórður
Snæbjarnarson, sitji áfram í nokkurs
konar málamiðlunarskyni.
„Hann virðist að einhverju leyti
standa á milli þessara fylkinga. Það
hefur verið barist áður innan verka-
lýðshreyfingarinnar og stundum hafa
mál verið leyst þannig að það sé kall-
aður til aðili sem talinn er geta staðið
milli fylkinga. En ég geri ráð fyrir að
það þurfi að lækka hitann áður en
fólk geti farið að ræða saman af ein-
hverju viti. Svo er ómögulegt að segja
hvort það er hægt.“
Ástandið fólki til hneisu
- Sumarliði R. Ísleifsson segir trúverðugleika ASÍ í húfi
- Telur óvíst að óstarfhæfri hreyfingunni verði bjargað
Sumarliði R.
Ísleifsson
Bi
rt
m
eð
fy
rir
va
ra
um
pr
en
tv
ill
ur
.H
ei
m
sf
er
ði
rá
sk
ilj
a
sé
rr
ét
tt
il
le
ið
ré
tti
ng
a
á
sl
ík
u.
At
h.
að
ve
rð
ge
tu
rb
re
ys
tá
n
fy
rir
va
ra
. Skíðaferða
Fjölbreytt úrval
595 1000 www.heimsferdir.is
Flug & hótel frá
124.250
Frábært verð!að
ve
rð
br
e
s
f
rir
va
r
Í JANÚAR & FEBRÚAR
Átökin innan ASÍ