Morgunblaðið - 13.10.2022, Síða 24

24 FRÉTTIR
Innlent
MORGUNBLAÐIÐ FIMMTUDAGUR 13. OKTÓBER 2022
Málþing í tilefni af 10 ára afmæli
U3A Reykjavík verður haldið
laugardaginn 15. október,
kl. 13.00 í Ráðhúsi Reykjavíkur.
Enginn aðgangseyrir.
Hægt er að nálgast dagskrána
og skrá sig á u3a.is
Öll velkomin.
Seinni
hálfleikur
Fræðsla og virkni alla ævi
Danir hafa markað þá stefnu í lofts-
lagsmálum að draga úr losun
gróðurhúsalofttegunda um 70 pró-
sent árið 2030 borið saman við árið
1990 og ná kolefnishlutleysi árið
2050.
Þetta kom fram í máli Glendu
Napier, framkvæmdastjóra Orku-
klasa Danmerkur, á ráðstefnu sem
Orkuklasinn stóð fyrir nýlega undir
yfirskriftinni Klasar sem drifkraftur
nýsköpunar.
„Markmið okkar er að viðhalda og
styrkja hlut Danmerkur sem fyrir-
myndar í þróun grænnar nýsköp-
unar í alþjóðlegum lausnum í orku-
málum,“ sagði Napier, samkvæmt
útskrift af erindi hennar, sem Morg-
unblaðið hefur fengið. Sagði Napier
að nýsköpun væri lykill að því að ná
loftslagsmarkmiðunum og þau yrðu
því ekki aðskilin Orkuklasa Dan-
merkur.
Napier sagði frá reynslu sinni við
uppbyggingu danska orkuklasans og
fór yfir hlutverk hans í aðgerðum
Dana hvað viðkemur loftslagsað-
gerðum og orkuskiptum. Að sögn
Napier tóku Danir upp opinbera
klasastefnu árið 2013 og sú stefna er
ein af lykilstoðum nýsköpunarstefnu
þeirra. Klösunum er skipt upp í hér-
aðsklasa, landsklasa og alþjóðlega
klasa og sagði Napier nauðsynlegt
að vera í návígi við uppsprettu verð-
mætanna til að skapa alþjóðlegar
tengingar.
Napier sagði mikilvægt að klasar
fyndu lausnir á ágreiningsefnum.
Því þyrfti að liggja fyrir skýr stefna
um það hvernig klasinn forgangs-
raðaði fjármunum til verkefna og
hvernig áherslur og leiðir væru skil-
greindar í nýsköpun með það fyrir
augum að auka skilvirkni og samlegð
í klasasamstarfi á landsvísu og for-
gangsraða fjármunum til klasa þar
sem þekking og geta er sannarlega
fyrir hendi.
Guðlaugur Þór Þórðarson,um-
hverfis-, orku- og loftslagsráðherra,
flutti einnig ávarp á ráðstefnunni og
sagði m.a. að brýn þörf væri á nýjum
lausnum vegna óvissu í orkumálum
Evrópu og svo vegna loftslagsbreyt-
inga. Benti hann á að uppbygging Ís-
lendinga til að nýta jarðvarma hefði
gert kleift að skipta út innfluttri
óendurnýjanlegri orku yfir í inn-
lenda og endurnýjanlega orku. Þetta
skapaði þjóðinni ávinning sem næmi
um 7% af árlegri landsframleiðslu
þjóðarinnar. Framkvæmdirnar
hefðu einnig bætt þjóðaröryggi sem
kæmi vel fram í því að um um þessar
mundir væri þjóðin að miklu leyti
varin fyrir áhrifum stríðsátaka í
Evrópu sem meðal annars hefði
valdið verðhækkunum á olíu og verð-
bólgu. Þá væru innviðir í kringum
endurnýjanlega orku mikilvægir til
að gera okkur kleift að standa við al-
þjóðlegar skuldbindingar um lofts-
lagsmarkmið og orkuskipti.
Danir stefna að því að ná
kolefnishlutleysi 2050
- Nýsköpun lykill að því að ná loftslagsmarkmiðunum
Orkuklasar Glenda Napier flytur erindi á ráðstefnu Íslenska orkuklasans.
Sigurður Bogi Sævarsson
sbs@mbl.is
„Mynstrið í skemmtanalífinu hefur
breyst,“ segir Rafn Hilmar Olsbo
Guðmundsson, aðalvarðstjóri hjá
lögreglunni á höfuðborgarsvæðinu.
Hann starfar á stöðinni við Hverfis-
götu í Reykjavík sem meðal annars
sinnir löggæslunni í miðbænum, þar
sem fjöldi skemmtistaða er.
Allt fram á árið 2020 eða þar um
bil tók fyrir mannamót í langan tíma
vegna heimsfaraldurs kórónuveir-
unnar og var algengt að fólk sem
ætlaði á skemmtistaði mætti í mið-
bæinn um miðnæturbil og væri á
svæðinu gjarnan fram til klukkan 5
og 6 á morgnana.
Verkefnum lögreglu
hefur fækkað
Eftir að hömlum og samkomutak-
mörkunum var aflétt í byrjun þessa
árs er gangurinn æ oftar sá að fólk
mætir í bæinn snemma kvölds. Sum-
ir jafnvel síðdegis þegar á ölstofum
eru tilboð undir merkjum „happy
hour“. Í framhaldinu fara margir til
dæmis á dansstaðina en halda svo
heim á leið milli klukkan þrjú og
fjögur.
„Áður var mjög algengt að fjöl-
mennt væri í miðbænum alveg fram
til klukkan fimm og jafnvel til sjö á
morgnana um helgar. Nú er sárafátt
á svæðinu á þeim tíma og því fögn-
um við í lögreglunni. Verkefnum
okkar í miðbænum á þessum tíma
hefur fækkað, enda þó alltaf sé eitt-
hvað um ölvun, pústra og minnhátt-
ar árásir. Heilt yfir er ástandið þó
mun betra en áður var,“ segir Rafn
Hilmar spurður um stöðu mála.
„Miðborgarlífið um helgar ræðst
annars af mörgum þáttum. Veður
hefur mikið að segja og fyrsta helgi í
mánuði, þegar unga fólkið eru ný-
lega búið að fá laun útborguð, kemur
alltaf sterk inn. Svo er alltaf rólegra
yfir á prófatíma í framhalds-
skólunum. Þetta segi ég án þess að
byggja á rannsókn en þessi atriði
eru þó engin vísindi fyrir lögreglu-
mönnum sem hafa verið í miðborg-
inni flestar helgar í mörg ár,“ segir
Rafn.
Hann bætir við að þótt borgar-
bragurinn um helgar sé heldur rórri
nú en fyrrum var sé ekkert gefið í
löggæslunni. Fjölgað sé á miðborg-
arvöktum um helgar. Sérstaklega sé
þá horft til þess að alltaf sé mann-
skapur á varðpóstum í Austurstræti
og Kvos, enda séu margir skemmti-
staðir þar og mannfjöldi oft mikill.
Kunnugir segja enga leið að nefna
hve margir sæki næturlíf miðborg-
arinnar um helgar. Hundruð eða
þúsund? Talan er óþekkt nema hvað
jafnan eru fleiri í bænum á föstu-
dags- en laugardagskvöldi. „Fólk
mætir fyrr en áður. Í rekstri
skemmtistaða er líka alveg stílað
upp á slíkt, enda byrjar dagskrá
kvöldsins nú gjarnan fyrr en áður,“
segir Jónas Óli Jónsson sem starf-
rækir næturklúbbinn Hax, sem er á
horni Hverfisgötu og Smiðjustígs.
Sá rekstur hófst í ágúst síðastliðn-
um og hefur rúllað vel hingað til.
Sunnudagurinn nýtist betur
„Á pöbbum eru stundum tilboð
fyrri hluta kvöldsins. Hjá okkur sem
rekum dansstaðina er plötusnúður-
inn svo stundum byrjaður upp úr
klukkan 10 á kvöldin, mun fyrr en
áður. Núna er líka mjög algengt að
fólk sem fer út á laugardagskvöldi
fari heim af djamminu kannski milli
klukkan tvö og þrjú á nóttunni í stað
þess að vera úti fram til klukkan
fimm eða sex. Með þessu kemst fólk
fyrr í hvíld og þá nýtist sunnudag-
urinn betur,“ segir Jónas Óli Jón-
asson um stöðu mála.
Næturgleðin við völd á nýjum tímum
Morgunblaðið/Ari Páll
Reykjavíkurnætur Margir fara í miðbæinn um helgar og á skemmistaðina þar. Bragurinn hefur þó breyst og færri
eru að alveg fram í morgunsárið. Áður var algengt að miðborgin væri full af fólki á heimleið við dagrenningu.
Jónas Óli
Jónasson
Rafn Hilmar
Guðmundsson
- Breyttur taktur í skemmtanalífinu í Reykjavík eftir heimsfaraldur - Fólkið er fyrr á ferðinni
- Ástandið er betra að mati lögreglu - Veður stór áhrifaþáttur - Dagskrá byrjar fyrr á kvöldin