Morgunblaðið - 30.11.2022, Page 22

ÍÞRÓTTIR22
MORGUNBLAÐIÐ MIÐVIKUDAGUR 30. NÓVEMBER 2022
Óðinn hetja
Kadetten
ÓðinnÞórRíkarðsson var hetja
svissneska liðsinsKadetten er það
lagði Benfica frá Portúgal að velli í
A-riðli Evrópudeildar karla í hand-
bolta í gærkvöldi, 26:25. Óðinn skor-
aði sigurmarkKadetten úr víti, eftir
að leiktíminn rann út. Óðinn, sem
hefur leikið afar velmeðKadetten
eftir að hann jafnaði sig ámeiðslum,
skoraði þrjúmörk í leiknum.Aðal-
steinnEyjólfsson þjálfarKadetten.
Liðið er í þriðja sæti A-riðilsmeð
sex stig, tveimur stigumá eftir
franska liðinuMontpellier.
Morgunblaðið/Árni Sæberg
Hetjan Óðinn Þór Ríkharðsson var
hetja Kadetten í sætum sigri í gær.
Lausir úr varð-
haldi í Íran
Tveir fyrrverandi landsliðsmenn
Írans í knattspyrnu voru látnir
lausir úr varðhaldi í Teheran í
gær. Voria Ghafouri, 35 ára leik-
maður Esteghlal í Teheran, var
handtekinn í síðustu viku, sakað-
ur um að skemma ímynd íranska
landsliðsins og dreifa áróðri
gegn ríkinu. Parviz Boroumand,
fyrrverandi landsliðsmarkvörð-
ur, var handtekinn fyrir tveimur
vikum þegar hann tók þátt í mót-
mælagöngu í Teheran. Þeir hafa
nú verið látnir lausir.
AFP
LausVoria Ghafouri er laus úr
haldi í Íran eftir handtöku.
KÖRFUKNATTLEIKUR
1. deild kvenna:
Garðabær: Stjarnan – Ármann ............. 19.15
Stykkishólmur: Snæfell – Tindastóll .... 19.15
Austurberg: Aþena/LU – Breiðablik b. 19.15
HANDKNATTLEIKUR
1. deild kvenna, Grill 66-deildin:
Kaplakriki: FH – HKU............................ 19.30
Evrópudeild karla
B-RIÐILL:
Aix – Valur.............................................. 32:29
Kristján Örn Kristjánsson lék ekki með
Aix vegna meiðsla.
Ystad IF – Flensburg ........................... 30:26
Teitur Örn Einarsson skoraði ekki fyrir
Flensburg.
Ferencváros – Benidorm ....................... 32:33
Staðan:
Flensburg 6, Aix 6, Valur 4, Ystad IF 4,
Ferencváros 2, Benidorm 2.
A-RIÐILL:
Kadetten – Benfica............................... 26:25
Óðinn Þór Ríkharðsson skoraði 3 mörk
fyrir Kadetten. Aðalsteinn Eyjólfsson
þjálfar liðið.
Veszprémi KKFT – Montpellier........... 31:39
Göppingen – Tatran Presov .................. 34:24
Staðan:
Montpellier 8, Göppingen 6, Kadetten
Schaffhausen 6, Benfica 4, Tatran Presov 0.
Veszprémi KKFT 0.
C-RIÐILL:
Skjern – Granollers.............................. 32:29
Sveinn Jóhannsson skoraði ekki fyrir
Skjern.
Alpla Hard – Nexe ................................ 24:35
Hannes Jón Jónsson þjálfar Alpla Hard.
Sporting Lissabon – Balatonfüredi...... 35:32
Staðan:
Nexe 8, Skjern 6, Granollers 6, Sporting
Lissabon 4, Balatonfüredi 0, Alpla Hard 0.
D-RIÐILL:
Motor Zaporozhye – Pelister ............... 30:33
Skanderborg – Bidasoa......................... 38:27
Füchse Berlín – Aguas Santas............. 34:20
Staðan:
Füchse Berlín 8, Skanderborg 8, Bidasoa
4, Pelister 4, Motor Zaporozhye 0, Aguas
Santas 0.
HM í Katar
A-RIÐILL:
Ekvador – Senegal................................. 1:2
Moisés Caicedo 68. – Ismaila Sarr 44. (v),
Kalidou Koulibaly 70.
Holland – Katar.................................... 2:0
Cody Gakpo 27., Frenkie de Jong 50.
Lokastaðan:
Holland 3 2 1 0 5:1 7
Senegal 3 2 0 1 5:4 6
Ekvador 3 1 1 1 4:3 4
Katar 3 0 0 3 1:7 0
Holland og Senegal fara í 16-liða úrslit en
Ekvador og Katar eru úr leik.
B-RIÐILL:
Íran – Bandaríkin.................................. 0:1
Christian Pulisic 38.
Wales – England ................................... 0:3
Marcus Rashford 50., 68., Phil Foden 52.
Lokastaðan:
England 3 2 1 0 9:2 7
Bandaríkin 3 1 2 0 2:1 5
Íran 3 1 0 2 4:7 3
Wales 3 0 1 2 1:6 1
England og Bandaríkin fara í 16-liða úrslit
en Íran og Wales eru úr leik.
16-LIÐAÚRSLIT:
3.12. Holland – Bandaríkin
3.12. C1 – D2
4.12. D1 – C2
4.12. England – Senegal
5.12. E1 – F2
5.12. G1 – H2
6.12. F1 – E2
6.12. H1 – G2
MARKAHÆSTIRÁHM:
Kylian Mbappé, Frakklandi.......................... 3
Cody Gakpo, Hollandi.................................... 3
Marcus Rashford, Englandi ......................... 3
Enner Valencia, Ekvador .............................. 3
Bruno Fernandes, Portúgal.......................... 2
Olivier Giroud, Frakklandi ........................... 2
Cho Gue-sung, Suður-Kóreu ........................ 2
Andrej Kramaric, Króatíu............................ 2
Mohammed Kudus, Gana ............................. 2
Lionel Messi, Argentínu................................ 2
Álvaro Morata, Spáni .................................... 2
Richarlison, Brasilíu ...................................... 2
Bukayo Saka, Englandi ................................. 2
Mehdi Taremi, Íran........................................ 2
Ferran Torres, Spáni ..................................... 2
LEIKIR Í DAG:
15.00 D Ástralía – Danmörk
15.00 D Túnis – Frakkland
19.00 C Pólland – Argentína
19.00 C Sádi-Arabía – Mexíkó Rashford á skotskónum
AFP
Ánægðir Gareth Southgate, þjálfari Englendinga, fagnar Marcusi Rash-
ford eftir að hann skoraði tvívegis gegnWales.
AFP
Sigurmarkið Christian Pulisic sendir boltann í mark Írans undir lok fyrri
hálfleiks og þetta dugði Bandaríkjamönnum til að komast áfram.
lSkoraði tvö þegar England vann Wales 3:0lEngland mætir Senegal í 16-liða
úrslitumlBandaríkin unnu Íran í hreinum úrslitaleik og mæta Hollendingum
HM Í KATAR
Víðir Sigurðsson
vs@mbl.is
Holland mætir Bandaríkjunum og
England mætir Senegal í sextán liða
úrslitum heimsmeistaramótsins í
fótbolta í Katar.
Þetta er niðurstaða gærdagsins
en þá lauk keppni í A- og B-riðli
mótsins. Ekvador, Íran og Wales
hafa spilað sinn síðasta leik og eru
á heimleið eins og gestgjafarnir í
Katar sem vissu reyndar þau örlög
sín áður en flautað var til leikjanna
í gær.
Englendingar voru í basli með
nágranna sína frá Wales í fyrri
hálfleiknum og sköpuðu sér aðeins
eitt virkilega gott marktækifæri. En
þeir lyftu leik sínum á hærra plan
í byrjun síðari hálfleiks og skoruðu
þá tvö mörk með mínútu millibili,
Marcus Rashford og Phil Foden,
sem báðir komu inn í byrjunarliðið
fyrir þennan leik, skoruðu mörkin,
og rúmu korteri síðar hafði Ras-
hford skorað aftur með glæsilegu
skoti úr aukaspyrnu, 3:0.
Það urðu lokatölurnar og England
er þrátt fyrir allt búið að skora níu
mörk í mótinu. Rashford er nú einn
fjögurra leikmanna sem hafa skorað
þrjú mörk í keppninni til þessa.
Gareth Bale fór meiddur af velli í
hálfleik og þetta gæti því hafa verið
hans síðasti landsleikur fyrir Wales.
Pulisic var bjargvætturinn
Bandaríkjamenn höfðu betur
gegn Íran í hreinum úrslitaleik
liðanna, 1:0, með marki frá Christ-
ian Pulisic seint í fyrri hálfleik.
Þeir stóðust þunga sókn Írana á
lokakafla leiksins og leika í sextán
liða úrslitum í fjórða sinn frá 1994.
Aðeins einu sinni, 2002, hafa þeir
komist í átta liða úrslit. Íran hefði
nægt jafntefli til að komast áfram
en þarf að sætta sig við að sitja eftir
á fjórða heimsmeistaramótinu í röð.
Í þrjú síðustu skiptin hefur liðið
ávallt unnið leik en vantað herslu-
mun til að fara lengra.
Pulisic meiddist þegar hann skor-
aði, lenti í árekstri við markvörð
Íran, og það er áhyggjuefni fyrir
bandaríska liðið ef meiðsli hans
reynast alvarleg.
Bandaríkjamenn náðu með sigrin-
um fram síðbúnum hefndum en Ír-
anir sigruðu þá á HM 1998 og gerðu
út um vonir þeirra um að komast í
sextán liða úrslit.
Öruggt hjá Hollendingum
Hollendingar voru alltaf með
toppsæti A-riðilsins í höndum sér.
Þeim nægði jafntefli gegn Katar
og unnu tiltölulega öruggan sigur,
2:0, þar sem hinn ungi Cody Gakpo
skoraði í þriðja leiknum í röð og
Frenkie de Jong innsiglaði sigurinn.
Hollendingar með Davy Klaassen
í aðalhlutverki voru líklegri til að
bæta við mörkum en þeir hefðu
getað fallið úr keppni með ósigri.
Sem var aldrei í spilunum.
Hollenska liðið er þar með komið
áfram án þess að sýna einhver
snilldartilþrif í riðlinum. Hvort liðið
sé nógu sterkt til að fara lengra en í
sextán liða úrslitin er stór spurning.
Mannskapurinn er samt til staðar
og Holland er eitt þeirra liða sem
gætu sprungið út á réttum tíma á
svona móti.
Slagur Senegals og Ekvadors
var hins vegar harður og tvísýnn
fram á síðustu sekúndu. Fyrir-
liðinn Kalidou Koulibaly skoraði
sigurmark Senegala, 2:1, þremur
mínútum eftir að Moisés Caicedo,
leikmaður Brighton á Englandi,
hafði jafnað metin fyrir Ekvador,
sem hefði nægt jafntefli.
Frábær árangur Cissé
Fáir höfðu ríkari ástæðu til að
gleðjast en Aliou Cissé, hinn litríki
þjálfari Senegala. Hann má vera
ánægður, Cissé var fyrirliði þegar
Senegal sló í gegn á sínu fyrsta
heimsmeistaramóti árið 2002,
sigraði ríkjandi heimsmeistara og
komst í átta liða úrslit. Nú hefur
hann sem þjálfari komið liðinu í
16-liða úrslit, sem þar með er næst-
besti árangur liðsins.
Gleymum því ekki að aðalstjarna
Afríkumeistaranna, Sadio Mané, er
fjarri góðu gamni vegna meiðsla en
þeir hefðu svo sannarlega þurft á
kröftum hans að halda í sextán liða
úrslitunum.
Leikur Bandaríkjanna og
Hollands verður fyrsta viðureign 16-
liða úrslitanna á laugardaginn kem-
ur, 3. desember, en leikur Englands
og Senegals fer hinsvegar fram á
sunnudagskvöldið 4. desember.
Þrjú lið komast áfram í dag
Í dag og í kvöld skýrist hvaða lið
fara áfram úr C- og D-riðli keppn-
innar. Pólland, Argentína, Sádi-Ar-
abía og Mexíkó slást um tvö efstu
sæti C-riðilsins en í D-riðlinum eru
Frakkar komnir áfram og baráttan
er á milli Ástralíu, Danmerkur og
Túnis um eitt sæti.
Með því að horfa aðeins fram í
tímann má nú sjá fyrir sér leik á
milli Frakklands og Englands í átta
liða úrslitum, komist bæði liðin í
gegnum sextán liða úrslitin.
Þá sést núna að sigurliðið í leik
Hollands og Bandaríkjanna í sextán
liða úrslitunum mun mæta sigurliði
C-riðils eða liðinu í öðru sæti D-rið-
ils í átta liða úrslitum.
AFP
Mark Fyrirliðinn og miðvörðurinn Kalidou Koulibaly fremstur í fögnuði
Senegala eftir að hann skoraði sigurmarkið gegn Ekvador, 2:1.