Fréttablaðið - 11.01.2023, Síða 6

Andstæðingur vindmyllu­
garða telur niðurstöðu könn­
unar gefa ástæðu til að fræða
samfélagið. Framkvæmda­
stjóri Samorku er á sama máli.
kristinnhaukur@frettabladid.is
orkumál Bæði andstæðingar og
stuðningsfólk vindorkuvera eru
sammála um að umræða og fræðsla
þurfi að fara fram um uppbyggingu
vindmyllugarða. Stjórnvöld þurfi að
marka stefnu um þetta.
Í könnun sem Prósent gerði fyrir
Fréttablaðið kemur fram að tæp­
lega helmingur styður uppbygg­
ingu vindorkuvera á Íslandi. Um
fjórðungur er á móti og fjórðungur
hefur ekki skoðun á málefninu.
„Fólk á eftir að kynna sér það
miklu betur hvað liggur að baki
uppsetningu vindorkuvera og iðn­
aði tengdum vindorku,“ segir Hulda
Guðmundsdóttir, íbúi í Skorradal,
sem hefur verið áberandi í umræð­
unni gegn vindorkuverum. „Sem
samfélag þurfum við að ákveða
hvort við viljum stefna í þessa átt.
Það verður að dýpka umræðuna og
skilgreina í hvað á að nota orkuna,“
segir hún.
Hulda telur að umræða um orku­
skort í landinu, vegna áætlana um
orkuskipti árið 2040, hafi áhrif á
viðhorf fólks. Stjórnvöld þurfi að
marka stefnu og kynna það fyrir
landsmönnum hvað það þýðir að
byggja upp vindmyllugarða.
„Því er haldið fram að hér sé orku­
skortur en þetta er í raun spurning
um forgangsröðun orkunnar eins
og orkumálastjóri hefur bent á,“
segir Hulda. Hún segir vindtúrb­
ín urnar vera gríðarleg mannvirki,
ekki sé einfalt að koma þeim upp,
vegagerð og efnistaka sé gríðarlegt
mál og afhendingaröryggi sé ekki
nema 30 til 40 prósent. „Ég efast
um að bygging þeirra sé afturkræf.
Hver ætlar að borga fyrir niðurrif og
hreinsun?“
Finnur Beck, framkvæmdastjóri
Samorku, segir að það liggi fyrir að
sækja þurfi mikla orku á komandi
áratugum. Könnunin sýni að verk sé
að vinna við að kynna þetta betur
fyrir fólki.
„Við finnum bæði fyrir stuðningi
og áhuga fólks á því að kynna sér
vindorkuna,“ segir Finnur. „Hún er
ný og eðlilegt að fólk hafi margar
spurningar. Hún á sér langa og far­
sæla reynslu í nágrannalöndum
okkar.“
Stjórnvöld hafi óskað eftir því
að fyrirtæki sendu inn upplýsingar
um vindorkukosti til að fjalla um í
rammaáætlun, en það þýðir ekki að
þeir verði allir að veruleika. Koma
þurfi á kerfi sem skili okkur áfram
og starfshópar umhverfisráðu­
neytisins séu að verki. Fjölbreyttur
hópur vilji reisa vindorkuver, bæði
Íslendingar og útlendingar.
„Það eru ýmsir aðilar sem tala
hátt gegn vindorkunni og setja fram
dökka mynd. Það er okkar að kynna
hana og kosti hennar betur,“ segir
Finnur. „Vindorkan er mjög mikil­
væg orkuöf lunarleið og sjálfsögð
viðbót við þessa flóru orkuvinnslu
sem við erum með hérna á Íslandi.
Hún verður í einhverju formi hluti
af orkuvinnslu landsins.“
Eðlilegt sé að samtalið sé virkt og
fólk geti viðrað hugmyndir sínar í
því nærumhverfi þar sem vindorku­
ver eru áætluð. Þau verkefni munu
fara í gegnum ítarlega samráðsferla
og umhverfismat. n
Við lítum á það þannig
að þetta sé ekki bara
verkefni borgarinnar.
Ingvi Kristinn
Skjaldarson,
flokksforingi í
Hjálpræðishern-
um í Reykjavik
Það verður að dýpka
umræðuna og skil-
greina í hvað á að nota
orkuna.
Hulda Guð-
mundsdóttir,
andstæðingur
vindorkuvera
Þörf sé á stefnumörkun
og umræðu um vindorku
lovisa@frettabladid.is
reykjavík Sorphirða á pappír
og plasti hjá Reykjavíkurborg
er um einni og hálfri viku á eftir
áætlun. Tæming grenndargáma á
höfuðborgarsvæðinu er sömuleiðis
nokkrum dögum á eftir áætlun.
Færð, veður og mikið magn rusls um
hátíðarnar spilar þar stórt hlutverk.
Guðmundur Tryggvi Ólafsson,
rekstrarstjóri endurvinnslustöðva
Sorpu, segir að hann eigi von á því
að tæming grenndargáma á höfuð­
borgarsvæðinu verði komin í lag
fyrir helgi en tveir bílar Terra, sem
sjá um tæmingu, biluðu en verða
báðir komnir í lag á morgun.
Sorphirða er mikið rædd í hverfa­
grúppum borgarinnar á Facebook
og má þar sjá myndir af sorpi sem
hlaðið hefur verið ofan á tunnur
sem eru fullar. Valur Sigurðarson,
rekstrarstjóri Sorphirðu Reykja­
víkurborgar, segir vandmeðfarið
að tæma við þessar aðstæður.
„Það er sorphirðusamþykkt þar
sem segir skýrt að við tæmum ílát­
in og að aðgengi að þeim þurfi að
vera í lagi og það er á ábyrgð íbúa
að tryggja það,“ segir Valur.
Hann segir aðstæðurnar sem
sköpuðust í desember hafa verið
erfiðar. Bæði hafi snjóað mikið og
svo sé rusl mikið í kringum hátíð­
arnar.
„Það gekk allt á hraða snigilsins.
Við lögðum þá áherslu á að hirða
almenna ruslið því það er verra
þegar það safnast saman. Það verð­
ur lykt og það sækja rottur og flugur
í það. Okkur hefur tekist að halda
því á áætlun með því að vinna auka­
lega,“ segir Valur en sorphirðufólk
vann á bæði aðfangadag og gamlárs­
dag sem voru báðir laugardagar.
„Við unnum líka síðasta laugar­
dag og vinnum þann næsta, auk
þess sem við erum búin að bæta
klukkustund við vaktina á virkum
dögum. Við erum að keyra eins
mikið á starfsfólk og hægt er. Það
er ekki hægt að keyra endalaust á
mannskapinn,“ segir Valur. n
Sorphirðufólk vinnur á kvöldin og um helgar til að tæma allt
Ruslið hefur safnast saman hér. FRÉTTABLAÐIÐ/sIgTRygguR ARI
Tæplega helm-
ingur styður
uppbyggingu
vindorkuvera á
Íslandi sam-
kvæmt nýrri
könnun.
FRÉTTABLAÐIÐ/
VALLI
helgisteinar@frettabladid.is
CovID-19 Kínversk yfirvöld hafa til­
kynnt að þau muni hætta að gefa
út skammtíma vegabréfsáritanir
til ferðalanga frá Suður­Kóreu og
Japan í hefndarskyni fyrir tak­
markanir þjóðanna á kínverskum
farþegum.
Í síðustu viku hætti ríkisstjórn
Suður­Kóreu að veita skammtíma
vegabréfsáritanir fyrir ferðamenn
sem koma frá Kína og eins þurfa
kínverskir ferðalangar að framvísa
neikvæðu Covid­prófi við komuna
til Japans.
Utanríkisráðuneyti Suður­Kóreu
sagði í samtali við fréttastofuna
BBC að ákvörðunin væri byggð á
hlutlausum og vísindalegum stað­
reyndum en talsmenn kínverska
utanríkisráðuneytisins hafa sagt
ákvörðunina óviðunandi.
Samkvæmt Sóttvarnastofnun
Suður­Kóreu hefur þriðjungur allra
farþega frá Kína greinst smitaður af
Covid­19 við komuna til landsins.
Kim Woo Joo, prófessor í smit­
fræðum við Kóreuháskóla, segir að
vandamálið liggi í skorti á gegnsæi
frá Kína og að nýtt af brigði gæti
komið þaðan án þess að önnur yfir­
völd viti af því.
„Það væri líka hörmulegt fyrir
suður­kóreska heilbrigðiskerfið.
Við erum nú þegar að glíma við
dauðsföll og mikið álag á sjúkra­
húsum okkar. Þar að auki á enn
eftir að bólusetja mikið af eldri
borgurum í landinu,“ segir Kim. n
Hefna sín á Suður-Kóreu og Japan
Þjóðir víða um heim hafa gripið til sérstakra ráðstafana varðandi ferðamenn
sem koma frá Kína. FRÉTTABLAÐIÐ/EPA
benediktboas@frettabladid.is
Samfélag „Við erum að vinna
saman, Rauði krossinn og Samhjálp
og við, um að standsetja og setja á
fót dagsetur. Við erum með allar
klær úti og viljum gera þetta hratt
og örugglega. Við viljum gera þetta
saman, sveitarfélög og ríki því það
er styrkur að geta unnið saman og
þetta bréf er hluti af því,“ segir Ingvi
Kristinn Skjaldarson, flokksforingi
í Hjálpræðishernum í Reykjavík, en
herinn sendi Garðabæ bréf varð­
andi aðstoð með rekstur dagseturs
fyrir heimilislausa.
Almar Guðmundsson bæjar­
stjóri og Svanhildur Þengilsdóttir,
sviðsstjóri fjölskyldusviðs, gerðu í
bæjarráði grein fyrir vinnu á vegum
Samtaka sveitarfélaga á höfuð­
borgarsvæðinu varðandi greiningu
á stöðu heimilislausra utan Reykja­
víkur. Gert er ráð fyrir að niður­
stöður liggi fyrir í lok febrúar.
„Við lítum á það þannig að þetta
sé ekki bara verkefni borgarinnar
heldur sveitarfélaganna í kring og
ríkisins líka,“ segir Ingvi sem hefur
sent f leiri sveitarfélögum bréf um
stofnun dagseturs sem herinn rak
hér áður fyrr. „Þetta er hættulegur
tími fyrir fólk sem býr á götunni.
Úti er kalt og mikið frost og mjög
erfiður tími. Borgin hefur staðið sig
vel en það er ekki boðlegt að fólkið
á götunni þurfi að vera í gistiskýli
allan sólarhringinn.
Að brjóta upp daginn og hafa
stað sem er öruggur fyrir það yfir
daginn. Fá sér kaffi og eiga öruggt
skjól sem það er velkomið í. Og við
þurfum að gera það saman,“ segir
Ingvi. n
Hættulegur tími til að búa á götunni
6 Fréttir 11. janúar 2023 MIÐVIKUDAGURFréttablaðið