Fréttablaðið - 11.01.2023, Síða 18

Í akstri í talsverð-
um snjó kom
bíllinn þægilega á óvart
fyrir að ráða vel við
þungan snjó.
Grunnverð: 8.790.000 kr.
Hestöfl: 213
Tog: 250 Nm
Eyðsla bl. ak.: 6,1 l/100 km
CO2: 139 g/100 km
L/B/H: 4.680/1.840/1.725 mm
Hjólhaf: 2.705 mm
Veghæð: 190 mm
Eigin þyngd: 1.992 kg
Dráttargeta: 1.650 kg
Farangursrými: 560 lítrar
Nissan S-Trail ePOWER
KOSTiR
n Vel búin grunnútgáfa
n Pláss í miðjusætaröð
gallaR
n Verð
n Fótapláss í öftustu
sætaröð
Reynsluakstur
Njáll
Gunnlaugsson
njall
@frettabladid.is
Einn af vinsælli jepplingum
landsins síðastliðna tvo ára-
tugi er Nissan X-Trail sem
kemur nú í nýrri útfærslu
með rafdrifi á öxlum en
bensínvél fyrir rafhlöðuna.
Mikið vatn hefur nú runnið til
sjávar síðan X-Trail var kynntur
hérlendis snemma árs 2002 hjá
Ingvari Helgasyni á Sævarhöfðan-
um. Bíllinn er áfram til sölu þar
þótt umboðið heiti nú BL en
áætlað er að kynna bílinn í febrúar.
Fréttablaðið hafði bílinn til
reynsluaksturs í byrjun janúar líkt
og þegar blaðamaður reynsluók
fyrstu kynslóð bílsins fyrir DV-bíla
fyrir 21 ári síðan. Eins og þá voru
alvöru vetraraðstæður til prófunar
og reyndi því vel á torfærueigin-
leika bílsins.
Óhætt er að segja að nýr X-Trail
hafi stækkað nokkuð frá fyrri kyn-
slóð svo ekki sé talað um fyrstu
kynslóð, en nýr X-Trail er nú sjö
manna bíll. Um stærsta jeppling
merkisins er að ræða sem áður
seldi sjö sæta bíla eins og Patrol.
Það er því ekki mikið hægt að
kvarta yfir plássleysi í bílnum fyrir
fremstu fimm farþegana, jafn-
vel þrátt fyrir stóran og breiðan
miðjustokk. Sætin eru mátulega
stór og þægileg og auðvelt að opna
hurðir þannig að allt aðgengi þar
er fyrsta flokks. Rýmið í miðju-
sætaröðinni er með besta móti og
er bæði fótarými og höfuðrými
allgott þó að glerþak taki aðeins
frá höfuðrými fyrir þá hávöxnu.
Það er kannski ekki alveg sama
sagan þegar kemur að aðgengi
í öftustu sætaröðina og ekki er
mikið af plássi þar heldur, en það
var nú viðbúið enda bíllinn í raun
byggður á sama grunni og nýr
Qashqai. Þess vegna er um sömu
innréttingu og mælaborð að ræða
í bílnum, og fá betur búnar útgáfur
12,3 tommu upplýsingaskjá. Einn-
ig er stór skjár í mælaborði ásamt
framrúðuskjá í dýrari útfærslum.
Líkt og í Nissan Qashqai er
bíllinn fyrst kynntur í E-Power-
útfærslu þar sem að bíllinn er í
raun rafdrifinn en með 1,5 lítra
bensínvél sem sér um að halda
rafhlöðunni fullhlaðinni. Vélin
er oftast í gangi og slekkur aðeins
á sér þegar stöðvað er og þegar
bíllinn reynir lítið á sig. Þannig er
bíllinn frekar hljóðlátur í f lestum
almennum akstri en vélin lætur þó
aðeins heyra í sér þegar bíllinn er
undir álagi. Í akstri í talsverðum
snjó kom bíllinn þægilega á óvart
Rafmagnaður sjö
sæta bensínbíll
Hægt er að velja á milli fimm mis-
munandi akstursstillinga og þar á
meðal snjóstillingar.
Með bílstjóra-
sætið í öftustu
stöðu er samt
gott pláss fyrir
fætur.
Nýja mælaborðið er þægilegt í notkun og munar um nýjan 12,3 tommu skjá.
Nýr Nissan X-Trail kemur sterkur inn á markað fyrir sjö sæta jepplinga með e-Power-rafdrifinu. MYNDIR/TRYGGVI ÞORMÓÐSSON
fyrir að ráða vel við þungan snjó
enda hægt að velja um mismun-
andi akstursstillingar eins og til
dæmis snjóstillingu, sem nýtir þá
betur fjórhjóladrifið. Í heildina
er gott að keyra bílinn, hann er
almennt hljóðlátur, léttur í stýri án
þess að það sé ónákvæmt og liggur
vel án teljandi boddíveltu.
En hvað fær maður fyrir pening-
inn í Nissan X-Trail? Við prófuðum
fjórhjóladrifinn e-Power-bíl í vel
búinni Tekna-útfærslu en sá bíll
kostar 10.990.000 kr. Vert er að
minnast á að Acenta-útgáfan er
einnig mjög vel búin en kostar
milljón minna, og ef framhjóladrif-
ið dugar er verðið komið niður í
8.790.000 kr. Talsvert framboð er á
sjö sæta bílum í þessum flokki hér-
lendis en helsti keppinautur hans
í verði er eflaust Peugeot 5008, en
dýrasta útgáfa hans kostar svipað
og ódýrasta útgáfa X-Trail. Einnig
er hægt að fá VW Tiguan í sjö sæta
útgáfu en sá bíll er ekki á verðlista
hjá Heklu. Hægt er að fá stærri
sjö sæta Toyota Highlander frá
11.890.000 kr. og Hyundai Santa
Fe frá 10.290.000 kr. Loks er Kia
Sorento frá 10.590.777 kr. svo að
segja má að X-Trail sé nær þessum
stærri bílum í verði. n
6 BÍ l a Bl a Ði Ð 11. janúar 2023 MIÐVIKUDAGUR