Tímarit rafvirkja - 01.12.1949, Side 15

heimahöfn, þegar dekkvindur eru ekk í notkun.
Fríið er þó aldrei minna en tilskilið er í samning-
um F. í. R. við skipafélögin.
— Telur þú að eftirspurn eftir rafvirkjum á skip
muni aukast á næstu árum?
Það þykir mér mjög líklegt. Hin sívaxandi notk-
un ýmissa rafknúina tækja í skipum gerir það óhjá-
kvæmilegt að rafvirkjar verði ráðnir á þau. Það
er að minstakosti í fyllsta máta ólíklegt að raunin
verði önnur hér, en hjá öðrum siglingaþjóðum
hvað þetta snertir. Eg hefi, síðan ég kom hér um
horð, átt þess nokkurn kost, að kynnast því hvernig
þessum málum er fyrir komið, m. a. hjá Norðmönn-
um, Svíum, Bandaríkjamönnum og Bretum. En
allar þessar þjóðir hafa fullgilda rafvirkja á skip-
um sínum í millilandasiglingum. Bandaríkjamenn
og Bretar hafa yfirleitt 2 rafvirkja á sínum skip-
um, en hjá Norðmönnum mun vera skortur á iðn-
lærðum mönnum til slíkra starfa og norsk skipa-
félög fá því aðeins rafvirkja á sín beztu skip.
íslenzka rafvirkjastéttin má ekki undir nein-
um kringumstæðum láta ganga á sinn hlut. Hún
verður að leggja áherslu á að tryggja atvinnu-
réttindi sín á þessu sviði, og færa öllum sem hlut
eiga að máli, heim sanninn um ótvíræðan rétt sinn.
— Eg er þér sammála um þetta Sveinn, og ég
fullyrði að rafvirkjum almennt sé þetta ljóst.
— En segðu mér, hvað hefur helzt vakið athygli
þína í sambandi við kynni þín af erlendum skipa-
rafvirkjum?
— Mér hefur fundist athyglisverðast hversu vel
er séð fyrir góðu vinnuherbergi þeim til handa.
Sérstaklega standa þó Bandaríkjamenn öðrum
þjóðum framar hvað þetta snertir, svo sem raun-
ar má sjá á hinu fullkomna veVkstæði rafvirkjans
á m/s „Tröllafoss“.
Þetta samtal okkar varð ekki lengra að sinni,
því að nú skyldi skipið brátt láta úr höfn, og
Sveinn hafði að vonum mörgu að sinna.
Aðurenn ég kvaddi, gekk ég með Sveini um
skipið og sýndi hann mér það helzta er snertir
störf hans. Fyrst komum við í vinnuherbergi raf-
virkjans, sem að vísu er lítið, en þó á margan
hátt þægilegt. Væri vel ef slíkt vinnuherbergi
fyndizt í öllum þeim íslenzkum skipum er hafa
rafvirkja. — Næst fórum við í vélarúmið. Þar vakti
fyrst athygli mína aðaltafla skipsins, er skipar veg-
legan sess, og mun vera um 36 fermetrar að stærð.
í vélarúminu eru þrír raflar, 120 kw. hver, sem
sjá skipinu fyrir raforku til ljósa og véla. Spenn-
an er 220 volt, jafnstraumur, fyrir hvorttveggja.
Auk þessa er 10 kw. neyðarljósvél á höfuðþilfari.
Annars er skemmst bezt að segja, að í vélarúm-
inu er vart hægt að þverfóta fyrir ýmiskonar
rafmótorum, sem knýja skilvindur, dælur, kælivél-
ar o. fl. sem of langt yrði að telja. í sambandi við
kælilestarnar er vert að geta þess, að kæliloftið
er framleitt fyrir utan lestarnar, en blásið þangað
inn með rafknúnum blásurum. Að síðustu skoð-
uðum við dekkvindurnar, en þar hvað Sveinn
einna mest hafa borið á bilunum, svo og í ljósa-
lögnum skipsins.
Eg vildi ekki tefja Svein meira en orðið var
með forvitni minni, þakkaði honum því þær ágætu
upplýsingar og þann mikla fróðleik er hann hafði
veitt mér með þessu samtali, árnaði honum góðs
gengis og kvaddi. Að síðustu bað Sveinn mig fyrir
kveðjur til allra félaga sinna í landi, og skila ég
þeim hér með.
Eins og getið var um í upphafi, var þetta samtal
fært í letur í þeirri von, að það gæti orðið að ein-
hverju gagni, þeim er áhuga hafa á þessum mál-
um. Verði raunin sú, er tilganginum náð. Eg er,
eftir þetta stutta samtal við Svein Sæmundsson,
samfærðari en fyrr um það, að með hinum nýja
skipastól landsmanna hefur rafvirkjastéttinni
bætzt nýr starfsvettvangur. Sá vettvangur mun
ekki eingöngu bundinn við kaupskipaflotann, held-
ur mun að mínum dómi þar fleira koma til áður
en lýkur. Rafvirkjastéttin ætti að minnstakosti að
vera við slíku búin.
OHg.
Myndir úr rafvirkjaiðn.
Ritnefndin óskar eftir að komast í samband
við þá rafvirkja sem kunna að eiga í fórum
sínum myndir er snerta iðnina. Gildir einu
hvort um er að ræða gamlar myndir eða
nýjar. En sérstaklega er óskað eftir myndum
af rafvirkjum við störf, orkuverum, lögnum,
tækjum og hópmyndum af rafvirkjum. Þeir
sem eiga slíkar myndir, ættu að gera ein-
hverjum úr ritnefndinni aðvart sem fyrst.
Ritnefndin.
TÍMARIT RAFVIRKJA 13