Borgfirðingabók - 01.12.2014, Blaðsíða 129

129
B O R G F I R Ð I N G A B Ó K 2014
voru þá bæði í vinnumennsku á
Sámsstöðum. 20 daga gömlum var
Ingvari komið í fóstur í Síðumúla
til hjónanna Sigurðar Helgasonar
frá Lambastöðum og Þuríðar Jóns-
dóttur frá Sanddalstungu.
Sigurður var sonarsonur Margrétar
Þorláksdóttur í Fljótstungu, ætt-
aðrar úr Dölum en af henni og
þremur eiginmönnum hennar eru
komin mörg skáld, andans menn
og tónlistarfólk. Bróðir hans var
Guðjón Helga son faðir Halldórs
Laxness. Guðjón lék sjálflærður á
fiðlu og fleiri hljóð færi. Sigurður
var góður söngmaður og sagt
var að hann „kynni alla bassa í
sálmasöngbók Guðjónsens“. Hann
eignaðist aldrei hljóðfæri, en teiknaði nótnaborð til að hafa eitthvað
til að spila á. Þriðji bróðirinn var Árni, sem settist að í Grindavík og
var þar lengi kirkjuorganisti og kórstjóri, og er sonardóttir hans Selma
Guðmundsdóttir píanóleikari. Af öðrum skáldum og tónlistarfólki í
ætt inni má nefna Guðmund Böðvarsson og syni hans Böðvar skáld og
Sig urð organista, Stefán Jónsson barnabókahöfund frá Háafelli, Þór-
unni Elfu Magnúsdóttur skáldkonu frá Beitistöðum og Magnús Þór
(Meg as) son hennar, Guðnýju Halldórsdóttur kvikmyndaleikstjóra, Auði
Jónsdóttur rithöfund o.m.fl.
Þuríður og Sigurður gengu í hjónaband 1898. Hún var tuttugu árum
eldri og komin úr barneign en hafði verið gift áður manni sem var
tuttugu árum eldri en hún og eignast 8 börn sem hún mátti sjá öllum á
eftir, fimm í gröfina og þremur til Vesturheims með föður þeirra. Þannig
var 40 ára aldursmunur á eiginmönnum hennar. Sorg hennar var mikil
og töldu ýmsir að Sigurður hefði kvænst henni af meðaumkun. Af
umsögnum um hana má ráða, að hún hefur verið mikil heiðurs- og
gæðakona. Þau voru fyrst í vinnumennsku á nokkrum stöðum en bjuggu
í Síðumúla 1903-1908. Þá tókst þeim að kaupa Hvamm í Hvítár síðu
Helga Jónsdóttir, móðir Guðmundar.