Borgfirðingabók - 01.12.2014, Blaðsíða 207

207
B O R G F I R Ð I N G A B Ó K 2014
31. ág.má.: Um morguninn hjálpaði jeg síra Gísla til að sementera
kjallarann, síðan litlu fyrir morgunverð var mjer sagt
að fara með Andrjes og Eiríki og flytja mosann og vísa
þeim á hann. Þegar við komum heim með ferðina á 3
hestum borðuðum við. Þegar við vorum búnir fórum
við aðra ferð og fór þá Sverrir og Effa með til að tína
ber. Jeg og Andrjes ljetum í nokkra poka og bundum
á ferðina meðan Eiríkur fór á milli. Við fórum svo
öll heim til að borða síðdegisverð og fórum svo aftur
og varð Effa eftir en Sverrir og Ranka voru til kvelds.
Mosann tókum við fram með Litlá og síðan frammi í
gljúfrum er búið var að rífa.
1.sept.þri.: Hvasst og mistur mikið í lofti fyrri part dags. Andrjes
og Helgurnar tíndu mosa fram með Sanddalsá en
Eiríkur reiddi mosann heim. Jeg fór um morguninn til
Andrjesar og Eiríks áður en Helgurnar komu og hafði
jeg áður farið fram undir Ból í gljúfrinu, því ég hélt þeir
mundu taka mosahrúguna sem þar var, en það brást.
Þegar Helgurnar komu fjekk ég boð um að koma heim
og troða mosa í húsið, og gerði ég það sem eftir var
dags.
2. sept.mi.: Um daginn tróð ég tuskum í rifur á húsinu og Nonni
líka, niðri og uppi. Síra Stefán í Hítarnesi kom og
Ólaf ur búfr. bróðir hans. Jeg mætti þeim er ég var að
ríða með matinn til fólksins ofan á Hólsey á Rauð. Við
Nonni sváfum um nóttina úti í kirkju.
3. sept.fi.: Við Nonni fengum frí frá vinnu. Um morguninn fór
jeg að leita að hestum handa okkur Nonna og mömmu
fram að Gestsstöðum. Jeg gekk fram á Seleyrar, svo
fram á Múlann þar sem hann er hæstur og síðan heim
og var þá Molda og hestarnir heima á túni, því þeir
höfðu verið niður frá. Jeg var lengi í þessari leit. Síðan
fórum við Nonni og mamma með Stefáni og Ólafi fram
að Geststöðum og vorum þar fram á kveld, þegar við
fórum heim fór jeg með síra Stefáni fram undir Ból
til að leita að dauðum hestskrokk. Við Stefán komum
heim seint, kl. að ganga 11.