Víkurfréttir - 02.02.2022, Blaðsíða 13

Reykjaneshöfn
loksins rekstrarhæf
Hjörtur M Guðbjartsson,
formaður stjórnar Reykjaneshafnar.
Í lok síðasta árs samþykkti stjórn
Reykjaneshafnar framtíðarsýn sína
til ársins 2030. Ég hef setið í stjórn
hafnarinnar frá árinu 2009 og gegnt
ýmsum hlutverkum, bæði í minni­
hluta og meirihluta og nú síðast sem
formaður.
Ég hef á þessum árum tekið þátt í
þremur framtíðarsýnum og tveimur
fjárhagslegum endurskipulagningum.
Það hefur ekki alltaf verið dans á
rósum að sitja í stjórn skuldugasta
hafnasjóðs Íslands en með samhentu
átaki allrar stjórnar, starfsmanna og
bæjarstjórnar hefur tekist að gera
Reykjaneshöfn rekstrarhæfa og
koma skuldunum í viðráðanlegt horf.
Orðspor Reykjaneshafnar hefur
lengi verið laskað vegna mikilla
skulda sem tengjast að hluta til
brostnum draumum í Helguvík.
Norðurál hefur formlega lagt árar í
bát, Thorsil gat ekki staðið við fjár­
hagslegar skuldbindingar gagnvart
höfninni og þar með féll þeirra sam­
komulag niður, nýjar fréttir af kísil­
veri Arion banka segja okkur að þeir
rembast enn við að koma því í gang
með einhverjum hætti gegn vilja
íbúa og allrar bæjarstjórnar en það
gagnast engum að dvelja of lengi í
fortíðinni.
Reykjaneshöfn til næstu framtíðar
En hvað þá? Eitt af markmiðum
stjórnar Reykjaneshafnar er t.a.m.
að flytja löndum sjávarfangs frá
Keflavíkurhöfn í Njarðvíkurhöfn og
þar með hafnarvog og skrifstofur.
Keflavíkurhöfn kemur til með
að þjóna litlum og meðalstórum
skemmtiferðaskipum sem dýpi og
stærð hafnarinnar ræður við og til
framtíðar eru miklir möguleikar í
veitingasölu og ferðaþjónustu á því
svæði. Höfnin er staðsett í hjarta
miðbæjarins, rétt neðan við Hafn­
argötu og margir möguleikar því í
göngufæri.
Á sama tíma sjáum við fyrir
okkur að styrkja sjávarútveginn á
svæðinu í kringum Njarðvíkurhöfn.
Þar eru fyrir stöndug og góð fyrir­
tæki í sjávarútvegi sem sinna spenn­
andi nýsköpun í greininni en einnig
mun skipaþjónusta skipa þar stóran
sess. Unnið er að rammaskipulagi
sem gengur út á stækkun Njarð­
víkurhafnar og skipasmíðastöðvar
Njarðvíkur auk þess sem stefnt er að
þróun skipaþjónustuklasa á svæðinu
sem á eftir að hafa jákvæða áhrif á
bæinn allan.
Framtíð Helguvíkur liggur fyrst og
fremst í vöruflutningum. Fáar hafnir
í heiminum eru jafn haganlega stað­
settar steinsnar frá alþjóðaflugvelli
og því eru miklir möguleikar til fram­
tíðar í vöruflutningum.
Ferðaþjónustumöguleikar í bæði
Grófinni og Höfnum eru miklir og
verður það skoðað áfram hvað hægt
er að gera til að efla ferðaþjónustu á
þeim svæðum.
Framtíðin er býsna spennandi
hjá Reykjaneshöfn, rétt eins og hjá
Reykjanesbæ öllum. Það er margt
gott í vændum og mikilvægt að
stjórnað sé áfram af yfirvegun og
festu.
Bein leið býður fram
í næstu kosningum
Bein leið mun bjóða fram í sveitarstjórnarkosningum í Reykjanesbæ í vor
og leitar nú eftir áhugasömu fólki til að bjóða sig fram á lista framboðsins
eða starfa með okkur í kosningunum.
Bein leið er óháð framboð sem má
staðsetja á hinni frjálslyndu miðju.
Framboðið hefur átt góðu gengi að
fagna síðustu tvennar kosningar
og starfað með meirihluta bæjar­
stjórnar síðustu tvö kjörtímabil.
Guðbrandur Einarsson núverandi
oddviti Beinnar leiðar er forseti
bæjarstjórnar, að auki hans eru eftir­
farandi aðilar í ráðum og nefndum
bæjarins, sem og í undirbúnings­
hópi framboðsins fyrir komandi
kosningar:
Kolbrún Jóna Pétursdóttir
Valgerður Björk Pálsdóttir
Birgir Már Bragason
Helga María Finnbjörnsdóttir
Kristján Jóhannsson
Halldór Rósmundur Guðjónsson
Kristín Gyða Njálsdóttir
Hrafn Ásgeirsson
Áhugasöm hafið samband með
tölvupósti á beinleidxy@gmail.com
eða með skilaboðum á Facebook
síðu Beinnar leiðar.
Skil á aðSeNdu efNi
Greinar og annað aðsent efni sem óskað er
að birtist í Víkurfréttum þarf að hafa borist
ritstjórn fyrir hádegi mánudags á netfangið
vf@vf.is
Viðburðir í febrúar
Aðventusvellið verður opið í febrúar
svo það er um að gera að skella sér
á skauta. Það er opið fimmtudaga
til sunndags. Þú skráir þig á svellið
annað hvort í appinu *Svellið* eða
á www.adventusvellid.is
SKRÚÐGARÐURINN Í KEFLAVÍK
Aðventusvellið
Við höfum opnað aftur ljósmynda-
sýninguna Víkurfréttir 40 ára í Bíósal
Duus Safnahúsa sem sýnir fólk á
Suðurnesjum í 10 ár, frá 1983 til1993.
Tilvalið fyrir þá sem misstu af sýningunni
fyrir áramót.
DUUS SAFNAHÚS
Víkurfréttir 40 ára
Viltu standa fyrir viðburði eða dagskrá
á BAUN; Barna- og ungmennahátíð
sem fram fer 5.-15.maí eða ertu með
snilldarhugmynd sem þú vilt koma á
framfæri? Hafðu samband við okkur á
sulan@reykjanesbaer.is
BARNA OG UNGMENNAHÁTÍÐ
BAUN hugmyndir
Þrátt fyrir að viðburðahald hafi verið með minna
móti í upphafi árs vegna samkomutakmarkana
hafa söfnin verið opin og taka vel á móti
ykkur áfram. Því er um að gera að næra
andann og kíkja þangað í heimsókn. Þá eru
ýmis verkefni í undirbúningi, svo sem eins og
BAUN, og tökum við fagnandi á móti góðum
hugmyndum að verkefnum og dagskrá.
BÓKASAFNIÐ
Lestraráskorun
Boðið eru upp á þrjár mismunandi
áskoranir, þar sem hægt er að velja
um eina bók á mánuði, tvær bækur á
mánuði nú eða eina bók í hverri viku.
Stórskemmtilegar hugmyndir að bókum
til að lesa.
Bókasafn Reykjanesbæjar hefur að
geyma safn af plötum tengdum átthögum
Reykjaness. Okkur langar til að dusta
rykið af þessum gögnum og vonandi
bæta í safneignina. Sýning sem vert er
að skoða.
BÓKASAFNIÐ
Smá-brot
BÓKASAFNIÐ
Heimsendingar
Bókasafn Reykjanesbæjar býður upp
á heimsendingarþjónustu fyrir fólk sem
á ekki heimangengt í safnið, vegna
veikinda eða annarra ástæðna. Þeir geta
fengið safngögn send til sín aðra hverja
viku. Þjónustan er gjaldfrjáls.
Ertu nokkuð að missa af
viðburðum í Reykjanesbæ?
Í hverjum mánuði fer fram fjöldinn allur af alls konar skemmtilegum viðburðum á
vegum menningarhúsanna í Reykjanesbæ. Núna er hægt að vera með ókeypis áskrift
að rafrænni viðburðadagskrá sem er send með tölvupósti einu sinni í mánuði. Er þetta
nokkur spurning? Skráðu þig á heimasíðu Reykjanesbæjar við næsta tækifæri.
www.reykjanesbaer.is
Opið er fyrir umsóknir í Menningarsjóð og þar
hægt að sækja um styrki fyrir góðar hugmyndir
sem auðga menningarlíf bæjarins. Enn er
hægt að skella sér á skauta sem er auðvitað
frábær hreyfing og tilvalin í Lífshlaupinu sem er
framundan. Verið með okkur í vetur og njótið
þess sem bærinn hefur upp á að bjóða.
Menningarsjóður
Reykjanesbæjar
Vilt þú sækja um styrk í spennandi menningarverkefni?
Við auglýsum eftir umsóknum í Menningarsjóð Reykjanesbæjar.
Menningar- og atvinnuráð Reykjanesbæjar auglýsir eftir
umsóknum um tvenns konar styrki sjóðsins. Annars vegar er um
að ræða þjónustusamninga við menningarhópa og hins vegar
verkefnastyrki til menningartengdra verkefna. Umsóknum þarf
að skila rafrænt í síðasta lagi 14. febrúar nk. í gegnum Mitt
Reykjanes. Eftir innskráningu er smellt á Umsóknir á forsíðu og
svo á viðeigandi umsókn undir Stjórnsýsla – Menningarmál.
vÍkurfrÉttir á SuðurNeSJuM // 13