Víkurfréttir - 09.03.2022, Blaðsíða 4

Rétturinn
Ljúengur
heimilismatur
í hádeginu
Opið:

11-13:30
alla virka daga
  Bílaviðgerðir
Smurþjónusta
   Varahlutir
Brekkustíg 38 - 260 Njarðvík
sími 421 7979
www.bilarogpartar.is
„Eftir að við komumst ekki inn á fyrra undankvöldinu
þá kúpluðum við okkur algjörlega frá. Ég keypti mér
flugmiða til útlanda og ég er allavegana hættur við
hann og við erum mætt aftur til leiks með bros á vör
í Söngvakeppnina,“ segir Már Gunnarsson tónlistar-
maður. Már og systir hans, Ísold Wilberg, koma fram
í Söngvakeppninni 2022 sem Amarosis og þau munu
keppa til úrslita með lagið „Don’t you know“. Þetta
kom í ljós á seinna undanúrslitakvöldi Söngvakeppn-
innar síðasta laugardag. Þá var tilkynnt að Már og Ísold
myndu fá að keppa til úrslita með lag sitt, enda hafi
það aðeins verið ellefu atkvæðum frá því að komast
í úrslit eftir kosningu á fyrra undanúrslitakvöldinu.
„Þetta var rosalega skrítin vika. Auðvitað var maður
að vonast til þess að komast áfram en ég þorði samt
ekki að vona of mikið,“ segir Ísold og Már bætir við: „Við
höfum fulla trú á að við getum gert geggjaða hluti.“
Þau segja að spennan síðasta laugardagskvöld hafi
verið óbærileg og það hafi endað þannig að þau horfðu
hvorugt á sjónvarpið í aðdraganda þess að úrslitin voru
kynnt. Þau hafi samt fengið fréttirnar fljótlega frá fjöl-
skyldunni og skilaboðum rigndi yfir þau á samfélags-
miðlum með hamingjuóskum.
Már og Ísold verða önnur á svið á úrslitakvöldinu sem
þau segjast spennt fyrir. Þau séu jarðbundin með þetta
allt. Það væri frábært ef þau færu út fyrir Íslands hönd,
en þau segja mesta sigurinn þegar unninn, að hafa fengið
að taka þátt í Söngvakeppninni 2022.
Í Suðurnesjamagasíni Víkurfrétta er rætt við þau Má
og Ísold og þar má einnig sjá og heyra órafmagnaða út-
gáfu af laginu þeirra úr keppninni, „Don’t you know“.
„Don’t you know“ í úrslit Söngva-
keppninnar og spennan óbærileg
Listasafn Reykjanesbæjar býður
í annað sinn meistaranemum á
fyrsta ári í sýningagerð við Lista-
háskóla Íslands að stýra sýningu í
safninu. Minningar morgundagsins
verður opnuð laugardaginn 12.
mars og stendur til sunnudagsins
24. apríl 2022.
Sýningarstjórar eru Iona Pol-
dervaart, Sara Blöndal og Sunna
Dagsdóttir. Sex listamenn taka þátt
í sýningunni; Elnaz Mansouri, Hall-
gerður Hallgrímsdóttir, Sarah Degen-
hardt, Sarah Finkle, Victoria Björk og
Vikram Pradhan.
Sýningin Minningar morgun-
dagsins er hópsýning sem setur
fókusinn á framtíðina og tengslin
við sögur, umhverfi og drauma okkar.
Minningar eru sögur fortíðarinnar
og á hverjum degi sköpum við frá-
sagnir sem breytast í minningar
framtíðarinnar. Tækniframfarir
síðustu ára hafa nú í enn meiri mæli
áhrif á daglegt líf. Með sýningunni
vilja sýningarstjórarnir varpa ljósi á
það hvernig lífið gæti orðið í fram-
tíðinni og velta vöngum yfir mögu-
leikum nýrrar heimsmyndar. Þær
varpa fram spurningum um til-
gang allsnægta, mennskunnar og
hvað teljist til lífs; höfum við stjórn
á framtíð okkar - draumum okkar -
nútímanum? Hvernig mótum við
frásagnir okkar og hvernig tökumst
við á við umhverfið? Hvernig upp-
lifum við tíma og rúm? Getum við
deilt rými til að dreyma? Hvernig
munum við búa á morgun og hvers
munum við minnast þegar við lítum
til baka í framtíðinni?
Meistaranám í sýningagerð er ný
námsleið í myndlistardeild Lista-
háskóla Íslands sem kennsla hófst
við haustið 2020. Þar er litið á sýn-
ingagerð sem sjálfstæða listgrein á
breiðum vettvangi myndlistar sem
einskorðast ekki þó ekki við eitt svið
lista. Hanna Styrmisdóttir er pró-
fessor við námsleiðina.
Minningar morgundagsins
í Listasafni Reykjanesbæjar
12. mars – 24. apríl 2022
Smelltu á myndskeiðið til að horfa og hlusta
MYNDSKEIÐIÐ ER AÐEINS AÐGENGILEGT Í RAFRÆNNI ÚTGÁFU VÍKURFRÉTTA
FIMMTUDAG KL. 19:30
HRINGBRAUT OG VF.IS
D-listi Sjálfstæðismanna og
óháðra og H-listi, Listi fólksins
í Suðurnesjabæ, hafa sameinast
og munu bjóða fram í komandi
bæjarstjórnarkosningum undir
merkjum D-lista Sjálfstæðis-
manna og óháðra. Er þetta
niðurstaða eftir viðræður Sjálf-
stæðisfélags Suðurnesjabæjar
og fulltrúa Lista fólksins.
„Það er trú okkar að með
sameiningu listanna séum við
sterkari heild til að vinna að
umbótum fyrir íbúa Suður-
nesjabæjar. Uppröðun verður
á listann og mun verða auglýst
eftir áhugasömum einstakl-
ingum á listann,“ segir í tilkynn-
ingu sem Einar Tryggvason,
formaður Sjálfstæðisfélags
Suðurnesjabæjar, Gísli Rúnar
Heiðarsson, formaður fulltrúa-
ráðs, og Magnús Sigfús Magn-
ússon, H-lista, skrifa undir.
Framkvæmdir við Reykjaneslínu 1
hófust í síðustu viku með slóðagerð
nærri tengivirkinu við Rauðamel.
Reykjaneslína 1 er hluti af Suður-
nesjalínu 2 verkefninu og mun
liggja frá nýju tengivirki á Njarð-
víkurheiði og tengjast inn á Rauða-
melslínu 1 við Rauðamel. Rauða-
melslína 1 mun aftengjast tengi-
virkinu á Rauðamel og verða hluti
af Reykjaneslínu 1 sem mun tengja
tengivirki við Reykjanesvirkjun og
Njarðvíkurheiði.
Stefnt er að því að slóðagerðin
klárist í vor og í framhaldinu verði
settar niður undirstöður og stag-
festur. Í haust er svo ráðgert að
hefja framkvæmdir við yfirbygg-
ingu sem felst í reisingu mastra og
strengingu leiðara. Stefnt er að því
að ljúka framkvæmdum við línuna í
lok þessa árs.
Umhverfis- og skipulagsráð
Reykjanesbæjar hefur samþykkt
byggingaáform Skólamatar ehf.
við Iðavelli 1 í Keflavík en félagið
óskaði eftir auknum byggingar-
heimildum í samræmi við upp-
drátt Riss verkfræðistofu dags. 30.
desember 2021. Óskað er heimildar
til að byggja tveggja hæða húsnæði
austur af núverandi húsi. Gert verði
ráð fyrir vinnslurými á neðri hæð
en skrifstofu- og starfsmannarými
á efri hæð. Á fundi umhverfis- og
skipulagsráðs var samþykkt að
senda erindið í grenndarkynningu.
Engar athugasemdir bárust.
Skólamatur ehf. hefur verið með
starfsemi á Iðavöllum í nokkrum
húsum og hefur starfsemin verið í
stöðugum vexti undanfarin ár. Fé-
lagið hefur í dag eignast alla mats-
hluta á lóðinni Iðavellir 1 ásamt því
að eiga hluta af húsnæðinu Iðavellir 3.
Til stendur að nýta áfram allt það
húsnæði sem er til staðar og bæta
jafnframt við.
Þá stendur til að fara í endurbætur
á húsnæðinu á lóðinni Iðavellir 1.
Samhliða breytingum og endur-
bótum hefur Skólamatur ehf. óskað
eftir heimild til að byggja tveggja
hæða húsnæði, u.þ.b. 20m x 20m
að grunnfleti, austur af núverandi
húsnæði. Í nýju húsnæði yrði gert
ráð fyrir vinnslurými á neðri hæð
en skrifstofum og starfsmannarými
á efri hæð.
Samþykkja uppbyggingu Skólamatar við Iðavelli
Fyrsta skóflustungan
í Reykjaneslínu 1
– áfangi í Suðurnesjalínu 2
d- og H-listi í
suðurnesjabæ
sameinast
4 // vÍkurFrÉttir á suðurNEsJuM