Víkurfréttir - 13.07.2022, Blaðsíða 15

Keppnistímabilinu í sundi lokið
Sundkonurnar Eva Margrét Falsdóttir, Katla María Brynjarsdóttir og
Sunneva Bergmann Ásbjörnsdóttir frá ÍRB hafa nú lokið keppni á stór-
mótum erlendis og er því keppnistímabilinu formlega lokið hjá ÍRB.
Eva Margrét keppti á Evrópumeistaramóti unglinga í Búkarest í Rúmeníu
dagana 5.–10. júlí og þær Katla María og Sunneva Bergmann kepptu á Norður-
landamóti æskunnar í Tallinn í Eistlandi dagana 9.–10. júlí.
Ein bæting var í þessum verkefnum en það var Katla María Brynjarsdóttir
í 200 metra skriðsundi. Besta árangrinum náði Sunneva Bergmann Ásbjörns-
dóttir þegar hún hafnaði í fjórða sæti í 400 metra fjórsundi.
Sundkonurnar Sunneva Bergmann Ásbjörnsdóttir,
KatlaMaría Brynjarsdóttir og Eva Margrét Falsdóttir.
Mynd af Facebook-síðu sundráðs ÍRB
FIMMTUDAG KL. 19:30
HRINGBRAUT OG VF.IS
Helena Rafnsdóttir fór fyrir
Íslandi í sigri á Slóvakíu
Njarðvíkingurinn Helana Rafnsdóttir var atkvæðamest í sigri U20 kvenna-
liðs Íslands á Slóvakíu í fyrsta leik sínum á Evrópumótinu í Makedóníu,
lokatölur 46:50 fyrir Ísland.
Slóvakar byrjuðu leikinn betur og
leiddu eftir fyrsta leikhluta með sex
stigum (18:12) en Ísland minnkaði
forystu þeirra fjögur stig í öðrum
leikhluta (28:24).
Þriðji leikhluti var jafn og enn
leiddu Slóvakar með fjórum stigum
þegar fjórði og síðasti leikhluti hófst
(38:34) en góður endasprettur hjá
íslenska landsliðinu tryggði Íslandi
fjögurra stiga sigur (46:50).
Í liði Íslands var Helena með tíu
stig og átta fráköst í leiknum og
Natalía Jenný Lucic Jónsdóttir úr
Grindavík bætti við níu stigum og
tók fimm fráköst.
Tap gegn Noregi
Liðið mátti þola 57:71 tap fyrir
Noregi á mánudag og hefur Ísland
því unnið einn leik og tapað einum.
Ísland byrjaði ágætlega og leiddi
eftir fyrsta leikhluta með tveimur
stigum, 17:15. Noregur snéri leiknum
sér í vil í öðrum leikhluta og hafði
sex stiga forystu í hálfleik, 31:37.
Eftir það sigldu þær norsku leiknum
örugglega í höfn og unnu með fjórtán
stigum að lokum.
Ísland mætir Slóveníu í síðasta
leik þeirra í riðlakeppni.
Hulda Björk Ólafsdóttir úr
Grindavík hér í baráttunni
við Norðmenn en hún var
með tíu stig, tók fjögur
fráköst og átti fjórar
stoðsendingar í leiknum.
Helena Rafnsdóttir í
leiknum gegn Slóvakíu.
Myndir: www.fiba.basketball
Stjarna Sveindísar Jane skín skært
Sveindís Jane Jónsdóttir var valin maður leiksins af UEFA eftir fyrsta leik Íslands á Evrópumóti
kvenna á Englandi. Eftir leikinn var þessi magnaða knattspyrnukona hlaðin lofi á samfélagsmiðlum
og mátti sjá marga gullhamra slegna um Keflvíkinginn knáa.
Þrátt fyrir að Íslendingar hafi verið
sterkari aðilinn í leiknum þá lyktaði
honum með 1:1 jafntefli. Ísland mis-
notaði vítaspyrnu eftir um hálftíma
leik en komst yfir með skallamarki
Berglindar Bjargar Þorvaldsdóttur
eftir hornspyrnu snemma í seinni
hálfleik (50’).
Belgía jafnaði með marki úr víta-
spyrnu (67’) og fleiri urðu mörkin
ekki. Frekar svekkjandi fyrir Ísland
að landa ekki sigri en engu síður góð
frammistaða hjá liðinu.
Keflvíkingurinn setti heldur
betur mark sitt á leikinn í frum-
raun sinni á stórmóti þótt ekki hafi
henni tekist að skora. Hún sýndi
hvers hún er megnug og kom vörn
Belga ítrekað í vandræði með hraða
sínum og sprengikrafti en auk þess
að vera valin maður leiksins mældist
Sveindís hröðust allra leikmanna í
fyrstu umferð Evrópumótsins, hraði
hennar náði 31,7 km/klst. Það er yfir
hámarkshraða á flestum götum í
heimabæ hennar, Reykjanesbæ.
Á þeim stutta tíma sem er liðinn
frá því að Sveindís hóf atvinnu-
mennsku hefur sprungið út sem
knattspyrnukona og virðist eflast
dag frá degi, það er eins og henni
séu engin takmörk sett. Hún hefur
fest sig í sessi í einu besta félagsliði
heims og spilar eins og hún sé einn
leikreyndasti maður landsliðsins.
Í viðtali við Hafliða Breiðfjörð,
blaðamann á Fótbolti.net, eftir
leikinn gegn Belgum spurði hann
hvort hún væri sátt við frammistöðu
sína.
„Nei, eiginlega ekki. Mér finnst ég
alltaf geta gert betur. Ég er ánægð
með verðlaunin en við vildum vinna
og því er ég ekki ánægð með niður-
stöðuna. Það eru tveir leikir eftir og
það er ennþá allt opið. Við erum já-
kvæðar fyrir næsta leik. 1:1 er ekki
svo slæmt, við förum í næsta leik
til að taka þrjú stig og gera betur í
næsta leik.“
Hafliði spurði Sveindísi að lokum
út í færið sem hún bjó sér til eftir
mikinn sprett frá eigin vallarhelm-
ingi. Svekkjandi að það skildi ekki
fara inn?
„Ógeðslega svekkjandi auðvitað,
hefði mátt nýta þetta betur því
þá hefðum við komist í mjög góða
stöðu. En svona er þetta bara og ég
mun bara skora í næsta leik og bæta
upp fyrir þetta.“
Ísland mætir Ítölum í næsta leik
sem fer fram á fimmtudag. Það
verður spennandi [og kæmi ekki á
óvart] að sjá hvort Sveindís standi
ekki við stóru orðin og skori í sigri
Íslands.
Sveindís var ekki sátt við jafnteflið þrátt
fyrir að hafa verið valin maður leiksins.
Mynd af Facebook-síðunni Icelandic Football League
Berghólabraut 7 | Endurnýjun þakklæðningar
Verkfræðistofa Suðurnesja ehf, fyrir hönd Kölku sorpeyðingarstöðvar sf.,
óskar eftir tilboðum í verkið: „Kalka Berghólabraut 7 - Þakklæðning“.
Verkið felst í að endurnýja þakklæðningu á húsi Kölku sorpeyðingarstöðvar sf.,
að Berghólabraut 7 Reykjanesbæ, ásamt tilheyrandi undirbúnings- og frágangsvinnu.
Helstu magntölur og stærðir eru eftirfarandi:
Rif á núverandi þakklæðningu 1.670 m2
Rif og förgun á flasningum 260 m
Ný þakklæðning TP 46,0,65 1.670 m2
Nýjar flasningar 260 m
Þessu verki skal að fullu lokið eigi síðar en 15. október 2022.
Útboðsgögn (rafræn eingöngu) verða send með tölvupósti á þá er senda ósk
um afhendingu útboðsgagna með tölvupósti á vs@vss.is.
Tilboð verða opnuð á Verkfræðistofu Suðurnesja, Víkurbraut 13 Reykjanesbæ,
miðvikudaginn 25. júlí n. k., kl. 11:00, að viðstöddum þeim er þess óska.
víkurFrÉttir á SuðurNESjuM // 15