Veiðimaðurinn - 01.06.1980, Qupperneq 51

þinghald og kann stjórn L.S. þeim beztu
þakkir fyrir.
Fyrrverandi formaður Karl Ómar Jóns-
son gaf ekki kost á sér til endurkjörs og
voru honum þökkuð frábær störf í þágu
L.S. undanfarin ár.
Núverandi stjórn skipa: Formaður
Friðrik Sigfússon, Keflavík, varaform.
Birgir Jóh. Jóhannsson, Reykjavík, ritari
Rósar Eggertsson, Reykjavík, gjaldkeri
Sigurður I Sigurðsson, Hafnarfírði,
meðstjórnandi Benedikt Jónmundsson,
Akranesi, varamenn Gylfí Pálsson, Mos-
fellssveit, Karl Ómar Jónsson, Reykjavík
og Matthías Einarsson, Akureyri.
Ný veiðisvæði SVFR
Á öðrum stað hér í blaðinu er greint frá
nýjum veiðisvæðum SVFR í Soginu, sem
félagið verður með fyrsta sinni nú í sumar
en þau eru fyrir landi jarðanna Bíldsfells
og Syðri-Brúar. Áður hafði félagið tekið á
leigu veiðiréttinn fyrir landi Ásgarðs, og er
þannig með Sogið frá báðum bökkum, frá
virkjunum niður að Álftavatni.
Nýverið hefur SVFR enn bætt við sig
veiðisvæðum. Tekið hefur verið á leigu allt
veiðisvæði Lýsu í Staðarsveit, en þar er
veitt á 10 stengur. Um þetta svæði vísast til
greinar Símonar Sigurmonssonar í Görð-
um hér í blaðinu.
Þá hefur SVFR tekið á leigu veiðirétt
Stóra-Ármóts í Hraungerðishreppi í
Árnessýslu, þ.e. veiðina af austurbakka
Hvítár neðst og Ölfusár efst, frá Langholti
að Laugardælum. Veitt verður á 3 stengur.
Þarna hefur fram til þessa verið stunduð
netaveiði, og er það vissulega ánægjuefni,
að samningur sá, sem SVFR hefur nú gert
um þetta svæði, verður til þess að fækka
netalögnum á vatnasvæði Hvítár-Ölfusár.
SVFR hefur fest kaup á vönduðu hjólhýsi,
sem komið hefur verið fyrir við veiði-
svæðið til afnota fyrir veiðimenn, og sýnir
myndin nokkra félagsmenn njörva hjól-
hýsið niður fyrir austan.
(Ljósm. Friðrik D. Stefánsson).
VEIÐIMAÐURINN
49