Veiðimaðurinn - 01.06.1980, Síða 55

Laxfoss í Laxá í Leirársveit. (Ljósm. E.H.).
sett sumaralin seiði og gönguseiði í árnar,
eftir að eldi á slíkum seiðum hófst
hér á landi eftir heimsstyrjöldina síðari.
Laxastigi var byggður í Eyrarfoss árið
1950 og endurbættur 1955. Það var
Bjarni Bjarnason læknir, frá Geitabergi
og félagar hans, sem stóðu fyrir þessari
mikilvægu framkvæmd, en þessir aðilar
leigðu svæðið af landeigendum, auk þess
sem þeir áttu sjálfir hlutdeild í því. Auk
laxastigabyggingar slepptu þeir laxa-
seiðum í svæðið ofan fossins. Skömmu
eftir 1970 byggði veiðifélagið nýjan
fiskveg um Eyrarfoss, þegar sá gamli
eyðilagðist. Minnir það á, að fiskvegir
þurfa viðhald og endurnýjun eins og
önnur mannvirki.
Laxveiðin.
Laxveiði á stöng í Laxá hefur aukist ótrú-
lega mikið síðustu áratugi. Er skýringa
þess að leita í þeirri fískrækt sem fram
hefur farið á svæðinu, auknu landnámi
laxins og upptöku neta á ósasvæði árinnar,
sem fyrr greinir. Meðalveiði á stöng á ár-
unum 1946-1950 nam 172 löxum. Hins
vegar er hliðstæð tala fyrir árin 1971-1975
1706 laxar eða tæplega 10 sinnum meira en
fyrrgreind ár. Er það um 260% betra en
landsmeðaltal þessi sömu ár. Arið
1946 var stangveiðin 120 laxar, en 1972
fengust 2.220 laxar af svæðinu, en það er
19 sinnum meiri veiði en fyrrgreint ár
1946! Frá 1974 hefur verið veitt í ánni
með sjö laxastöngum.
Arðskipting.
Hlutdeild jarða í veiði kemur fram í arð-
skrá veiðifélags. Erfítt er að glöggva sig á
þróun arðskiptingar milli einstakra jarða
frá stofnun Laxárfélagsins og til þessa
vegna stækkunar þess. Síðasta arðskrá
veiðifélagsins og reyndar sú fyrsta, er sýnir
hlutdeild aðila á svæðinu öllu, er frá 1973,
VEIÐIMAÐURINN
53