Ægir - 01.01.2023, Qupperneq 26

26
klárir og að hægt sé að nýta tímann því
tíminn fram að hrygningu er stuttur,“
segir hann.
Flottrollið sundrar loðnutorfunum
Fyrr á árum voru loðnuveiðar í flottrolll
óþekktar en með tilkomu stærri skipa og
öflugra flottrolla hefur æ meira verið
veitt af loðnunni í flottroll, sérstaklega
þegar loðnan er að ganga austur með
Norðurlandi suður með Austfjörðum.
Bjarki er ekki hrifinn af flottrollsveiðum
á loðnu sem hann segir eitt þeirra atriða
í fiskveiðum og veiðitækni sem þurfi að
rannsaka mun meira. Loðnuveiðar í
flottroll geti gert meiri skaða en hitt.
„Ég veit að um þetta atriði eru skiptar
skoðanir en við sáum t.d. í fyrra að
Norðmennirnir kvörtuðu sáran yfir því
að þeir máttu ekki nota flottroll og fengu
lítinn afla í nótina. Þegar loðnan er kom-
in í gönguform út af Langanesi og suður
með Austfjörðum þá tvístrast torfurnar
undan flottrollunum og verða aldrei eins
þéttar fyrir sunnan land eins og ella
væri. Hér áður fyrr gátum við verið að
fylgja þéttum göngum og stórum torfum
en þetta er öðruvísi í dag og að mínu
mati er skýringin sú að flottrollið sundr-
ar göngunum sem nótin gerir ekki.
Þessu til viðbótar sjáum við líka að flott-
rollsveiðar á loðnu fara mun verr með
hráefnið, það ánetjast mikið af fiski í
flottrollinu en það gerist ekki á nótinni.
Notkun flottrollsins á loðnuveiðum þarf
þess vegna að rannsaka miklu meira. En
hvað loðnuvertíðan varðar sem fram-
undan er þá er alveg klárt að sá litli
kvóti sem hefur verið gefinn út verður
nýttur til manneldis en allir vona auð-
vitað að mun meira finnist. Það væri
óskandi,“ segir Bjarki Kristjánsson að
lokum.
 Stýrimaðurinn kominn út á dekk að stjórna blökkinni í drætti á nótinni.
 FRÉTTIR
Niðurstöður nýrrar vöktunar á
óæskilegum efnum í ætum hluta
sjávarfangs sem ætlað er til mann-
eldis sýna að staðan á síðasta ári er
í samræmi við niðurstöður fyrri
vöktunarverkefna á árunum 2003-
2012 og 2013-2021. Vöktunin leiddi í
ljós að íslenskar sjávarafurðir inni-
halda óverulegt magn þrávirkra líf-
rænna efna s.s. díoxín, PCB og varn-
arefni.
Matís annast mælingarnar og er
markmiðið með verkefninu að sýna
fram á stöðu íslenskra sjávarafurða
m.t.t. öryggis og heilnæmis og nýta
gögnin við gerð áhættumats á mat-
vælum til að tryggja hagsmuni neyt-
enda og lýðheilsu. Vöktunin hófst árið
2003 fyrir tilstuðlan þáverandi sjávar-
útvegsráðuneytis sem þá hét og sá
Matís ohf. um að safna gögnum og út-
gáfu á skýrslum vegna þessarar kerf-
isbundnu vöktunar á tímabilinu 2003-
2012.
Vegna skorts á fjármagni í vöktun-
arverkefnið var gert hlé á gagnasöfn-
uninni sem og útgáfu niðurstaðna á
tímabilinu 2013-2016. Verkefnið hófst
aftur í mars 2017 en vegna fjárskorts
nær það nú eingöngu yfir vöktun á
óæskilegum efnum í ætum hluta sjáv-
arfangs úr auðlindinni sem ætlað er til
manneldis, en ekki fiskimjöl og lýsi
fyrir fóður. Af sömu ástæðu eru ekki
lengur gerðar efnagreiningar á PAH,
PBDE og PFC efnum.
Vöktun á óæskilegum þrávirkum efnum í sjávarafurðum
Hreinleiki sjávarafurða staðfestur
 Íslenskar sjávarafurðir innihalda óverulegt magn þrávirkra efna.