Fréttablaðið - 08.03.2023, Blaðsíða 13

KYNN INGARBLAÐ
ALLT
MIÐVIKUDAGUR 8. mars 2023
Nærandi fyrir líkama og sál
Utanvega- og fjallahlaup hafa skipað stóran sess í lífi Kjartans Long frá árinu 2015. Þar er
auðvelt að njóta í stað þess að þjóta og upplifa landslagið með bros á vör. Stærsta áskorun
hans í ár er stóra þríþrautarkeppnin í Hamborg í Þýskalandi í byrjun júní. 2
Hayden Panettiere syrgir nú yngri
bróður sinn sem lést í febrúar.
thordisg@frettabladid.is
Bandaríska leikkonan Hayden
Panettiere (33) snýr aftur á hvíta
tjaldið í hrollvekjunni Scream VI
sem frumsýnd verður 10. mars.
Þar verður hún í hlutverki Kirby
Reed sem hún lék síðast í Scream-
seríunni árið 2011.
Hayden lék nær óslitið í sjón-
varpi sem barn og unglingur. Hún
tók við aðalhlutverki í sjónvarps-
þáttunum Nashville árið 2012 en
þegar framleiðslu þeirra lauk 2018
dró hún sig í hlé frá sviðsljósinu.
„Ég vissi ekki hvað ég vildi gera
næst. Ég varð að taka mér fjögurra
ára hvíld og guði sé lof að ég gerði
það. Ég varð að sinna andlegri og
líkamlegri heilsu“ sagði Hayden
við Good Morning America.
Leikkonan ræðir jafnframt
andlegt heilsufar sitt í aprílhefti
Women’s Health. Þar segist hún
hafa skráð sig í meðferð árið 2015
þegar hún var að „drukkna“ í
þáttagerð Nashville. Hún upplifði
fæðingarþunglyndi eftir fæðingu
dóttur sinnar og viðurkennir að
hafa þá hallað sér að flöskunni.
„Ég hefði átt að fara á þung-
lyndislyf en maður þarf að finna
réttu lyfin. Þau virka ekki vel með
alkóhóli og ég var ekki tilbúin að
hætta að drekka,“ sagði Hayden
sem fór í áfengismeðferð 2021.
Þegar tækifæri gafst til að snúa
aftur í Scream var hún tilbúin.
„Ég fann að ég vildi verða hluti af
Scream á ný því ég vonaði að Kirby
Reed væri enn á lífi.“ n
Opnar sig um
andlega vanheilsu
„Á fjallastígum og slóðum verður tíminn og kílómetrar afstæðir,“ segir Kjartan Long sem hefur stundað utanvega- og fjallahlaup frá árinu 2015.
FRÉTTABLAÐIÐ/ANTON BRINK
Alla daga
gegn kulda og sól
Apótek, Hagkaup og Fjarðarkaup
www.celsus.is