Mosfellingur - 08.12.2022, Blaðsíða 4

www.lagafellskirkja.is
kirkjustarfið HelgiHald næstu vikna
- Bæjarblaðið í Mosfellsbæ4
sunnudagur 11. desember
þriðji sunnudagur í aðventu
Kl. 12-14: JólakirkjuBRALL í Lágafells-
kirkju. Fjölskylduvæn samvera með
föndri, jólatrésrækt, ratleik, piparköku-
skreytingum, fjárhúsahvíld og helgileik
en um leið fræðast um atburði jólanna.
Góður gestur kíkir í heimsókn og
brallinu lýkur með máltíð.
sunnudagur 18. desember
fjórði sunnudagur í aðventu
Kl. 11: Aðventustund í Lágafellskirkju.
Sr. Arndís Linn leiðir stundina.
Barnakórinn syngur undir stjórn Val-
gerðar Jónsdóttur, kórstjóra. Organisti:
Þórður Sigurðarson.
gaman saman
- eldri borgara samverur
Jólafjör - söngur og dans undir
stjórn Guðmundar Hermannssonar.
Fimmtudaginn 8. desember kl. 14-16 í
safnaðarheimilinu, Þverholti 3.
Tilkynning frá Boga æskulýðsfulltrúa
vegna sunnudagaskóla.
Sunnudagaskólinn vorönnina 2023
hefst sunnudaginn 8. janúar kl. 13 en
færir sig um set í safnaðarheimilið,
Þverholti 3.
Undantekningin á þessu er æskulýðs-
dagurinn 5. mars kl. 13 og vorhátíð
barnastarfsins 30. apríl kl. 13-15 í
Lágafellskirkju.
Sjáumst í sunnudagaskólanum
(í safnaðarheimilinu) á nýju ári!
Nýjar nefndir
Mosfellsbæjar
Nýlega afgreiddi bæjarstjórn
Mosfellsbæjar nýja samþykkt um
stjórn Mosfellsbæjar. Á meðal
breytinga eru tvær nýjar nefndir
sem eru annars vegar atvinnu- og
nýsköpunarnefnd sem samþykkti
á fyrsta fundi sínum að hefja vinnu
við stefnumótun á sviði atvinnu-
og nýsköpunarmála og hins vegar
menningar- og lýðræðisnefnd.
Formaður atvinnu- og nýsköpun-
arnefndar er Sævar Birgisson og
formaður menningar- og lýðræðis-
nefndar er Hrafnhildur Gísladóttir.
Á meðal annarra breytinga á
samþykktinni er að jafnréttismálum
verður nú sinnt af velferðarnefnd
sem áður hét fjölskyldunefnd.
Jólaskógurinn opnar
á laugardaginn
Skógræktarfélag Mosfellsbæjar
opnar Jólaskóginn í Hamrahlíð
laugardaginn 10. desember kl.
12:30. Jólatrjáasalan er fyrir löngu
orðin fastur liður í undirbúningi
jólanna hjá mörgum íbúum Mos-
fellsbæjar og nærsveitungum. Það
er skemmtileg
hefð að skunda
í skóginn og
velja sér fallegt
tré. Dagskráin
hefst kl. 12:30
þar sem
tekið verður á
móti gestum með harmonikkuleik
og jólasveinar aðstoða Regínu
bæjarstjóra við að höggva fyrsta
tréð. Kl. 13 mæta Jólaálfarnir og
skemmta börnum og kl. 13:30
syngja Vorboðarnir, kór eldri borg-
ara. Boðið verður upp á skógarkaffi
og heitt súkkulaði. Í skóginum má
finna skemmtilegar gönguleiðir og
tilvalið að eiga notalega fjölskyldu-
stund á aðventunni. Jólaskógurinn í
Hamrahlíð er í hlíðum Úlfarsfells og
staðsettur við Vesturlandsveg á milli
Mosfellsbæjar og Reykjavíkur.
20 ára afmæli Lágafellsskóla var haldið með pompi og prakt
þriðjudaginn 29. nóvember. Líf og fjör var á afmælisdeginum og
var foreldrum og velunnurum boðið í heimsókn á opið hús, en ekki
tókst að halda upp á stórafmælið á síðasta ári vegna samkomu-
takmarkana.
Í tvígang byggt við skólann
Nemendur sýndu afrakstur þemadaga en áhersla þemans var
Lágafellsskóli og nærumhverfi. Nokkrir nemendur stigu á stokk í
sal skólans og bæði sungu og sýndu leikrit. Boðið var upp á ýmis-
legt góðgæti og var afmæliskakan vinsælust.
Gríðarlega góð mæting var á afmælishátíðina og fullt út úr dyrum
þá tvo tíma sem hún stóð yfir. Ekki var annað að sjá en að allir hafi
skemmt sér vel og notið samverunnar.
Lágafellsskóli var stofnaður árið 2001 og vígður 10. nóvember
það sama ár. Nemendafjöldi var innan við 300 og starfsmenn
rúmlega 40. Í tvígang hefur verið byggt við skólann, áfangi tvö var
tekinn í notkun árið 2004 og áfanga þrjú var lokið 2007.
Öll grunnskólabörn sameinuð í fyrra
Lágafellsskóli er samrekinn leik- og grunnskóli og hefur verið frá
árinu 2006 þegar samstarf hófst við leikskólann Hulduberg. Lengi
vel var um að ræða eina deild fyrir fimm ára nemendur.
Árið 2014 tók Höfðaberg til starfa sem útibú frá Lágafellsskóla,
í fyrstu voru þar 5 ára leikskólabörn, 1. og 2. bekkur grunnskóla.
Smám saman fjölgaði leikskólabörnum á Höfðabergi og nemend-
um í aðalbyggingu skólans fækkaði.
Árið 2021 voru öll grunnskólabörn sameinuð undir einu þaki á
ný í aðalbyggingu skólans en á Höfðabergi eru 6 leikskóladeildir
þriggja til fimm ára barna.
Nemendafjöldi grunnskólahluta er 611 og á leikskólanum Höfða-
bergi eru 146 börn. Starfsfólk grunnskóla, leikskóla og frístundar
er um 140 talsins.
20 ára afmæli fagnað • Afrakstur þemadaga sýndur • Samrekinn leik- og grunnskóli
afmælishátíð lágafellsskóla
lísa greipsson skólastjóri og jóhanna
Magnúsdóttir fyrruM skólastjóri
Aðalfundur Samtaka sveitarfélaga á höf-
uðborgarsvæðinu, SSH, var haldinn 18.
nóvember í Félagsgarði í Kjós.
SSH er vettvangur samráðs og samstarfs
sveitarfélaganna á höfuðborgarsvæðinu.
Auk þess að reka saman byggðasamlögin
Strætó, Sorpu og Slökkvilið höfuðborgar-
svæðisins vinna samtökin að sameigin-
legum hagsmunamálum og eru málsvari
sveitarfélaganna. Loks hafa samtökin sam-
ráð við ríkisvaldið, ráðuneyti og stofnanir
um málefni er varða hag sveitarfélaganna
og vinna með þeim hætti að framþróun og
hagsmunum höfuðborgarsvæðisins.
samstaða sveitarfélaganna mikilvæg
Auk almennra aðalfundarstarfa urðu
formannsskipti í stjórn samtakanna en
formennska í stjórn skiptist milli fram-
kvæmdastjóra sveitarfélaganna og gegnir
hver þeirra formennsku í tvö ár.
Á fundinum tók Regína Ásvaldsdóttir
bæjarstjóri Mosfellsbæjar við kefl­inu af
Almari Guðmundssyni bæjarstjóra Garða-
bæjar og mun hún gegna formennsku fram
að aðalfundi samtakanna haustið 2024.
„Það er mikilvægt fyrir íbúa að sveitar-
félögin á höfuðborgarsvæðinu haldi áfram
að vinna í anda þeirrar samstöðu sem hefur
náðst meðal annars í samgöngumálum því
að það eru fjölmörg verkefni fram undan
þar sem er mikilvægt að sveitarfélögin stilli
saman strengi, svo sem á sviði velferðar-
mála og í tengslum við ný lög um hringrás-
arhagkerfið,“ segir Regína Ásvaldsdóttir
bæjarstjóri.
Alm­ar Guðm­undsson, bæjarstjóri Garðabæjar og
Regína Ásvaldsdóttir, bæjarstjóri Mosfellsbæjar.
Regína tekin við sem nýr formaður Samtaka sveitarfélaga á höfuðborgarsvæðinu
Mosfellsbær með formennsku í sHH
neMendur stigu á stokk