Mosfellingur - 22.12.2022, Blaðsíða 6
- Frítt, frjálst og óháð bæjarblað í 20 ár6
2022
sendu inn þína
tilnefningu
www.mosfellingur.is
Mosfellsbær, lögreglustjórinn á höfuðborg-
arsvæðinu, sýslumaðurinn á höfuðborgar-
svæðinu, Heilsugæsla höfuðborgarsvæð-
isins og Framhaldsskólinn í Mosfellsbæ
hafa undirritað viljayfirlýsingu um samstarf
vegna barna í viðkvæmri stöðu.
Brugðist verður við auknu og alvarlegra
ofbeldi meðal barna með þverfaglegu
samstarfi sem ætlað er að draga úr líkum
á ofbeldisbrotum og stuðla að farsæld fyrir
börn.
Börn í viðkvæmri stöðu eru einstakling-
ar yngri en 18 ára sem eru þolendur og
gerendur í ofbeldismálum og falla undir
tilkynningarskyldu almennings sam-
kvæmt ákvæðum barnaverndarlaga. Þar
er til dæmis um að ræða börn sem búa við
óviðunandi uppeldisaðstæður, verða fyrir
ofbeldi eða annarri vanvirðandi háttsemi
eða stofna heilsu sinni og þroska í alvarlega
hættu.
Fjölmenn vinnustofa haldin í vor
Haldin var fjölmenn vinnustofa í lok
mars síðastliðins með fagfólki úr Mosfells-
bæ til að safna saman ábendingum um
hvernig megi þróa þverfaglegt samstarf
þeirra sem eiga að vinna með börnum sem
teljast í viðkvæmri stöðu vegna ýmiss konar
ofbeldis og vanrækslu.
Á grunni ábendinganna frá vinnustof-
unni hafa samstarfsaðilar mótað sameig-
inlegt verklag og unnið að innleiðingu þess.
Verkefnið er hluti af heildstæðri vinnu hjá
lögreglunni við mótun á varanlegum stuðn-
ingi við börn í viðkvæmri stöðu til að draga
úr líkum á ofbeldisbrotum þeirra, en verk-
efnið var styrkt af bæði félags- og barna-
málaráðherra og dómsmálaráðherra.
Stefnt er að því að verklagið í Mosfells-
bæ muni nýtast við mótun verklagsreglna
ríkislögreglustjóra fyrir lögregluna vegna
barna í viðkvæmri stöðu, þar með talið
hlutverk lögreglu vegna laga um samþætt-
ingu þjónustu til farsældar barna, rannsókn
ofbeldisbrota meðal barna og ungmenna
og verklag um tilkynningar á milli lögreglu,
barnaverndar og skóla þegar kemur að of-
beldi gegn börnum.
Viljayfirlýsing um samstarf vegna barna í viðkvæmri stöðu • Mosfellsbær tekur forystu í viðbrögðum við auknu ofbeldi
Brugðist við ofbeldi með auknu samstarfi
Í fremri röð skrifa undir: Sigríður Kristinsdóttir sýslumaður höfuðborgarsvæðisins, Óskar Reykdalsson forstjóri Heilsugæslunnar, Regína Ásvaldsdóttir bæjar-
stjóri Mosfellsbæjar, Halla Bergþóra Björnsdóttir lögreglustjóri höfuðborgarsvæðisins og Valgarð Már Jakobsson skólameistari Framhaldsskólans í Mosfellsbæ.