Mosfellingur - 22.12.2022, Blaðsíða 52
Sendið okkur myndir af nýjum Mos-
fellingum ásamt helstu upplýsingum á
netfangið mosfellingur@mosfellingur.is
Þetta er Matthildur Móa Böðvarsdóttir
og foreldrar hennar heita Heiðdís
Hlynsdóttir og Böðvar Páll Ásgeirsson.
Hún fæddist þann 18. október 2022
á Landspítalanum kl. 07:55. Hún var
3.730 gr og 53 cm á lengd.
aðventan
Já, komið þið sæl, það hlaut nú að koma
að því enn eitt árið, jólin eru að koma.
Alveg magnað hvernig þetta læðist að
manni á hverju ári og þó svo ég hafi
verið búinn að lofa sjálfum mér því að
á næsta ári ætli ég að vera tímanlega
að öllu og ekki vera með brækurnar á
hælunum í þeim efnum.
En nei, þetta læðist lymskulega að
kauða á hverju ári og á hverju ári er ég
alltaf jafn hissa þegar maður þarf að fara
að girða sig í brók.
Sitt sýnist hverjum um jólahátíðina og
stússið í kringum hana en ég sjálfur er
mikill jólaálfur í mér og hef mjög gaman
af þessu stússi öllu saman. Undirbún-
ingurinn, hefðirnar, kaupa gjafirnar og
meira að segja helvítis jólalögin kitla
mig svona þegar líður á desembermán-
uðinn.
Ég myndi segja að aðventan sé einn
skemmtilegasti hlutinn, því jólin sjálf
eru svo fljót að líða og áður en maður
veit af er maður farin að rífa niður allt
draslið. Klisjan gamla góða stendur
undir nafni og þetta er hátíð ljóss og
hátíð barnanna, það er nú það sem gerir
þetta líka svona gaman, að dekra við
blessaða grislingana og og gera litlu
frændsystkinin kolvitlaus af smáköku-
og nammiáti og gefa þeim í jólagjöf
einhvern ófögnuð sem helst gengur ekki
fyrir batteríum svo foreldrarnir geta
ekki tekið þau úr umferð þegar hávað-
inn er að æra þau. Svo hefur maður nú
lúmskt gaman af því að finna sinn innri
„Griswold“ og troða jólaseríum alls
staðar.... jafnvel þar sem seríur eiga ekki
að sjást.
En á þessum árstíma hugsar maður
mikið um vini og fjölskyldu og vill reyna
að eyða gæðastundum með þeim og ég
verð nú að vera smá mjúkur og segja
það hér á prenti að ég hlýt að vera rík-
asti maður í heimi þegar kemur að því
að eiga yndislega vini og fjölskyldu, því
það er þannig að þegar maður siglir inn
djúpa dali og lendir í lægðum í lífinu, þá
fyrst sér maður það hvað maður er ríkur
af ástvinum og fjölskyldu. Og á minni
dekkstu stund kom það svo greinilega í
ljós hvað ég er mikill lukkunnar pamfíll
að eiga góða að.
Ykkur sem hafið verið mínir klettar
óska ég ykkur gleðilegra jóla og jú öllum
hinum líka.
Gleðileg jól
högni snær
- Heyrst hefur...52
Í eldhúsinu
Guðbjörg og Magnús skora á Michele og Heiðu að deila næstu uppskrift í Mosfellingi
Guðbjörg Snorradóttir og Ingvar Magn-
ússon deila með okkur Mosfellingum
ítalskri uppskrift að þessu sinni sem er
í miklu uppáhaldi fjölskyldunnar.
Hráefni í kjúklingaréttinn
• 4-5 kjúklingarbringur eða einn bakki
af lundum
• 5 stk hvítlauksrif, söxuð smátt
• ½ lítri rjómi
• 1 stk piparostur (þessi hringlaga)
• 1 krukka rautt pesto
• 2 msk soyasósa
• 5 til 10 dropar af tabasco sósu
• Pastahreiður
• Íslenskt smjör
Hráefni í bruschetta
• Baguette-brauð, óskorið
• Hvítlaukur
• Litlir tómatar
• Fersk basilika
• Salt og pipar
• Rauð paprika
• Rauðlaukur
• Ólífuolía
• Parmesanostur
• Sítrónusafi
Eldun á kjúkling
1. Skera hvítlauk í smáa bita
2. Brúna hvítlaukinn upp úr íslensku smjöri
á pönnu (sirka tvær matskeiðar af smjöri).
3. Setja kjúklinginn á pönnuna með
hvítlauknum og brúna hann.
4. Setja kjúklinginn í eldfast mót.
5. Sósan er elduð á sama tíma og verið er
að steikja kjúllann.
6. Rjóminn, pestó, rifinn piparostur,
soyasósa og tabasco sósan sett í pott og
þetta látið malla þangað til allur osturinn er
bráðnaður.
7. Sósunni er hellt yfir kjúklinginn og hann
settur inn í ofn á 175° í 30 mín eða þangað
til hann er eldaður.
8. Pastað soðið þegar 10 mín eru í mat.
Bruschetta
1. Tveir hvítlauksgeirar pressaðir eða
skornir í mjög litla bita.
2. Tómatar skornir mjög fínt.
3. Rauð paprika skorin mjög fínt.
4. Basilika skorin niður.
5. Hálfur til heill rauðlaukur skorinn mjög
fínt.
6. Þessu öllu blandað í skál og kryddað
með salti og pipar ásamt slatta ólífuolíu
sem er sett yfir.
7. Sítrónusafi settur yfir salsað eftir smekk.
8. Brauðið skorið í um 1 til 2 cm sneiðar.
9. Brauðið steikt á pönnu og penslað með
ólífuolíu með miklum hvítlauk í.
10. Borið fram með parmesanosti.
Verðiykkuraðgóðu!
Kjúklingur í rjómasósu hjá GuðbjörGu oG inGvari
heyrst hefur...
...að blásið verði í heljarinnar áramóta
ball í Hlégarði um áramótin þar sem
Stuðlabandið heldur uppi stuðinu.
...að oddviti Vina Mosfellsbæjar og
skólastjóri í Hvassaleitisskóla hafi
sagt upp störfum sem skólastjóri.
...að kurr sé í starfsfólki á bæjar
skrifstofunum vegna yfirvofandi
skipulagsbreytinga eftir að ný
forysta tók við.
...að árlegt áramótapartýbingó verði
á Barion kvöldið fyrir gamlárs.
...að Stormsveitin verði með útgáfu
og þrettándatónleika laugardaginn
7. janúar í Hlégarði.
...að Kristín María og Teddi hafi
eignast stúlku í vikunni.
...að Sigga Beinteins, Hreimur, Erna
Hrönn og Gunni Óla séu öll að fara
koma fram á Þorrablóti Aftureld
ingar 21. janúar.
...að lítill „fugl“ hafi gert sig heima
kominn í Blómabúðinni.
...að Mosfellingar geti gætt sér á skötu
á Þorláksmessu en bæði Blik og
Hlégarður verða með veisluborð.
...að Þröstur Lýðs sé orðin 67 ára og
löglegur.
...að jólasveinarnir fái hjálp frá
knattspyrnudeildinni við að útdeila
pökkum til barna á aðfangadag.
...að aflýsa hafi þurft jólaballinu með
Pöpununum og Á móti sól í Hlégarði
vegna ófærðar.
...að mikil umræða hafi skapast á
samfélagsmiðlum um snjómokstur
innan bæjarins, bæði lof og last.
...að Guðrún Sól og Röggi hafi eignast
stúlku í síðustu viku.
...að Sonja Noack og Súsanna Sand
Ólafsdóttir frá Hestamannafélaginu
Herði hafi báðar verið tilnefndar sem
reiðkennari ársins.
...að Stefán Sölvi sé 25 ára í dag.
...að íþrótta og tómstundanefnd óski
eftir tilnefningu um sjálfboðaliða
ársins nú í fyrsta sinn.
...að boðið sé upp á tvær vegalengdir
í Gamlárshlaupi Aftureldingar,
5 og 10 km. Ekkert þátttökugjald.
...að Björgunarsveitin Kyndill sé
búin að opna fyrir netverslun á
flugeldum.
...að Subway sé að leita að nýju
húsnæði í Mosfellsbæ eftir að hafa
þurft að loka á N1.
...að Mosfellingurinn Sjafnar sé
kominn í 18 manna úrslit í Idolinu
...að stákarnir í handboltanum séu
komnir í 8liða úrslit í bikarnum eftir
sigur á HK í vítakastskeppni.
...að íþróttakona og íþróttamaður
Aftureldingar verði kynnt milli
hátíðanna.
...að íbúar geti sent inn tilnefningar til
Mosfellings ársins á Mosfellingur.is
...að fjöldi íbúa í Leirvogstunguhverfi
hafi fengið 20 daga frest til að halda
sínum eignum innan lóðarmarka.
mosfellingur@mosfellingur.is
Sendið okkur myndir af nýjum
Mosfellingum ásamt helstu
upplýsingum á netfangið
mosfellingur@mosfellingur.is