Víkurfréttir - 04.01.2023, Blaðsíða 12

Íþróttafólk Grindavíkur 2022
Íþróttakona Grindavíkur var
körfuknattleikskonan Hulda Björk
Ólafsdóttir og í fyrsta skipti var
íþróttakarl Grindavíkur valinn en
undanfarin ár hefur íþróttamaður
Grindavíkur verið valinn. Ekki
þurfti að koma mikið á óvart að
pílukastarinn Matthías Örn Frið-
riksson varð fyrir valinu þriðja
árið í röð. Að vanda var grindvískt
íþróttafólk heiðrað í kringum ára-
mótin og fór athöfnin fram í Gjánni.
Aðrir sem voru heiðraðir voru
A-lið pílufélags Grindavíkur og
körfuknattleiksþjálfarinn Nökkvi
Már Jónsson var valinn þjálfari
ársins. A-liðið varð Íslandsmeistari
félagsliða en það sem Nökkvi Már
gerði helst var að uppfæra námsskrá
körfuknattleiksdeildar UMFG og er
um mjög metnaðarfulla vinnu þar
að ræða en auk þess sinnir Nökkvi
afreksþjálfun.
Allar deildir UMFG sem og
íþróttafélög með samstarfssamning
við Grindavíkurbæ, áttu kost á því
að tilnefna íþróttafólk, lið og þjálfara
úr sínum röðum. Kjörið fór þannig
fram að valnefnd sem samanstendur
af tíu einstaklingum, þ.e. aðalstjórn
UMFG og frístunda- og menn-
ingarnefnd Grindavíkurbæjar, fær
kjörseðla í hendur. Hver fulltrúi í
valnefnd greiddi þremur konum og
þremur körlum atkvæði sitt með
þeim hætti að sá sem settur var í
efsta sæti fékk 10 stig, sá sem settur
var í annað sæti 7 stig og sá í þriðja
sæti 5 stig. Tíu greiddu atkvæði og
mest var því hægt að fá 100 stig.
Mesta athyglin var eftir sem áður
á íþróttakonu og -karli Grindavíkur.
Hulda Björk hlaut útnefninguna í
fyrsta skipti og hafði þetta að segja:
„Ég er mjög stolt. Við sem vorum
tilnefndar komum allar til greina en
af hverju ég varð fyrir valinu skal
ég ekki segja. Ég bætti minn leik frá
árinu áður og liðinu gekk nokkuð
vel en við vorum nýliðar í fyrra og
héldum sæti okkar nokkuð örugg-
lega. Okkur hefur gengið ágætlega á
þessu tímabili, eigum möguleika á að
komast í úrslitakeppnina. Hvað fram-
tíðina varðar þá hef ég ekki ákveðið
hvað ég geri. Ég útskrifaðist úr FS
síðasta vor og er búin að vera vinna
en hvort ég reyni að komast í skóla
í Bandaríkjunum eða hér á Íslandi
kemur bara í ljós, ég reyni að taka
bara einn dag í einu og bæta mig.
Við vorum að fá liðsstyrk en Jenný
Geirdal sem var í skóla í Bandaríkj-
unum, er komin til baka og styrkir
okkur. Við munum gera það sem við
getum að komast í úrslitakeppnina.“
Pílukastarinn Matthías Örn tók
titilinn þriðja árið í röð en stundum
hefur verið sú regla að þar með
eignist viðkomandi bikarinn: „Hver
veit, það var nýr bikar afhentur
núna þar sem nafninu var breytt
úr íþróttamaður í íþróttakarl, því er
spurning hvort ég fái að eiga þann
gamla en að öllu gríni slepptu, það
var mun skemmtilegra að taka við
bikarnum núna fyrir framan fólk
en COVID setti strik í reikninginn
fyrri tvö skiptin. Það sem stendur
upp úr á árinu er að hafa keppt við
heimsmeistarann Peter Wright en
að sjálfsögðu var líka sterkt að verja
Íslandsmeistaratitilinn. Þessi leikur
við Peter Wright mun lengi verða
mér í minni en púlsinn á mér fór upp
í 145 slög m.v. 85 slög þegar ég varð
Íslandsmeistari! Ef ég fæ tækifæri
aftur þá mun ég held ég standa mig
betur því þetta er allt saman reynsla
og núna veit ég að hverju ég geng.
Frammistaðan var vonbrigði, ég
neita því ekki og ég datt í smá niður-
sveiflu en tók síðan ákvörðun um að
hitta þjálfara í Bretlandi og breyta
aðeins til í stílnum. Hann sagði mér
að það myndi taka mig mánuð að
ná tökum á nýjum stíl og það hefur
gengið eftir. Klassískt dæmi um að
taka eitt skref aftur á bak til að ná
tveimur stórum fram á við. Næsta
verkefni er Q-School í Þýskalandi
9.–12. janúar þar sem markmiðið er
að reyna að vinna sér rétt á atvinnu-
mótaröð þeirra bestu og vonandi næ
ég að spila mitt besta pílukast þar.“
Sigurbjörn Daði Dagbjartsson
sigurbjorn@vf.is
Agnar Sigurbjörns-
son – minning
Agnar Sigurbjörnsson lést 17. desember. Útför hans
fer fram frá Keflavíkurkirkju þriðjudaginn 10. janúar
klukkan 13. Agnar ól allan sinn aldur í Keflavík, var
lengi sjómaður og síðan starfsmaður áhaldahúss
Keflavíkur og Þjónustumiðstöðvar Reykjanesbæjar.
Leiðir okkar Agnars lágu saman í
Suðurnesjafélagi Vinstri hreyfingar-
innar græns framboðs. Þar var Agnar
traustur félagsmaður frá stofnun fé-
lagsins til dauðadags.
Svæðisfélag VG á Suðurnesjum
var stofnað 2001, tveimur árum
eftir að hreyfingin varð til. Fyrsti for-
maðurinn var Björg Sigurðardóttir
ljósmóðir og fyrsti gjaldkerinn Sævar
Bjarnason verkamaður, samstarfs-
maður Agnars. Undirritaður var
fyrsti ritarinn og síðan formaður
2002–2008 en þá tók Agnar við
formennskunni og gegndi því starfi
með sóma til 2015. Þá hafði hann
fengið alvarlegt hjartaáfall og náði
ekki fullri heilsu eftir það. Núverandi
formaður er Hólmfríður Árnadóttir.
Við Vinstri græn sem kynntumst
Agnari söknum hans og erum honum
þakklát fyrir samstarfið. Við vottum
samúð eiginkonu hans, Jórunni Dóru
Hlíðberg, og afkomendum þeirra.
Þorvaldur Örn Árnason
Skil á aðSEndu EFni
Greinar og annað aðsent efni sem óskað er
að birtist í Víkurfréttum þarf að hafa borist
ritstjórn fyrir hádegi mánudags á netfangið
vf@vf.is

Elskulegur eiginmaður minn, faðir okkar, tengdafaðir,
afi og langafi,
JÓHANN SIGURÐUR HALLGRÍMSSON
Sjafnarvöllum 9, Keflavík,
lést á Landspítalanum Fossvogi mánudaginn 26. desember.
Útförin mun fara fram í kyrrþey.
Gréta Kristín Ingólfsdóttir
Kr. Arnar Sigurðsson Racquel Sigurðsson
Hallgrímur I. Sigurðsson Hildur Stefánsdóttir
Þór Sigurðsson Hildigunnur Jónsdóttir
Inga Rós Sigurðardóttir
barnabörn og barnabarnabörn.

Ástkær eiginmaður minn, faðir, tengdafaðir, afi,
langafi og bróðir,
JÓN GUÐBRANDSSON
vélamaður og sjómaður,
Grænásbraut 3,
lést í faðmi fjölskyldunnar á Landspítalanum við Hringbraut
þriðjudaginn 27. desember.
Útförin fer fram frá Ytri-Njarðvíkurkirkju föstudaginn 6. janúar kl. 13:00.
Blóm og kransar vinsamlega afþakkaðir.
Ewa Alina Szewczyk
Þórunn Maggý Jónsdóttir Einar Þröstur Reynisson
Óli Anton Jónsson Elísabet S. Valsdóttir
Aníta Rut Jónsdóttir Andri Már Elvarsson
Daniela Szewczyk
Sigurður Sören Guðbrandsson Elín Margrét Pálsdóttir
Vigdís Guðbrandsdóttir Valgeir Barðason
barnabörn og barnabarnabörn

Ástkær móðir okkar, tengdamóðir, amma
og langamma,
VILBORG ÁSGEIRSDÓTTIR
Ásvöllum 8b, Grindavík,
lést á Landspítalanum við Fossvog miðvikudaginn 21. desember.
Útförin hefur farið fram í kyrrþey að ósk hinnar látnu.
Jón Steinar Sæmundsson Helga Ólína Aradóttir
Þorvaldur Sæmundsson Steinunn Dagný Ingvarsdóttir
Stefán Jóhann Sæmundsson Linda Dögg Agnarsdóttir
Rúnar Sæmundsson Ásta Kristín Bjarnadóttir
barnabörn og barnabarnabörn.
„Tók skref aftur á bak til að
taka tvö stór fram á við,“ segir
Matthías Örn Friðriksson,
íþróttakarl Grindavíkur.
„Við sem vorum tilnefndar
komum allar til greina,“
segir Hulda Björk Ólafsdóttir,
íþróttakona Grindavíkur.
Eva Margrét Falsdóttir er íþróttakona Reykjanesbæjar 2022:
Alltaf stefnt á Ólympíuleikana
„Ég set mér alltaf einhver markmið,
þá hefur maður eitthvað til að
setfna að. Íslandsmótið er eitt af
þeim, maður vill alltaf gera best
þar. Svo er ég með mjög góðan
þjálfara, Steindór Gunnarsson sem
drífur mig áfram,“ segir Eva Mar-
grét Falsdóttir, Íþróttakona Reykja-
nesbæjar 2022.
Hún segir helstu markmiðin fyrir
2023 að komast inn á stærstu
mótin. „Evrópumeistaramótið,
heimsmeistaramótið og allt það,
því þetta var síðasta árið mitt í
unglingaflokki. Að komast á þessi
mót og vinna fleiri Íslandsmeist-
aratitla,“ sundkonan unga.
Þegar þú lítur yfir síðasta ár, ertu
ánægð með árangurinn?
„Já, ég vann marga Íslandsmeist-
aratitla. Það geta ekki allir gert það
svo ég er nokkuð sátt.“
Ertu farin að hugsa eitthvað
lengra, ertu að velta risamótum
eins og Ólympíuleikunum fyrir
þér?
„Já, það hefur eiginlega alltaf verið
markmið að komast inn á Ólymp-
íuleikana.“
Eva og annað sundfólk leggur
sérstaklega mikið á sig til að ná
árangri í sinni íþrótt og er gjarnan
mætt á æfingar eldsnemma á
morgnana.
„Við æfum níu sinnum í viku,
í lauginni við Sunnubraut, svo
lyftum við þrisvar til fjórum
sinnum í viku. Við æfum þrisvar
í viku á morgnana og erum þá í
svona einn og hálfan til tvo tíma,
svo eru sex aðrar sundæfingar
þannig að þetta tekur mikinn
tíma – það þarf mikinn metnað
og manni þarf að þykja gaman að
þessu til að geta vaknað á æfingu
klukkan fimm á morgnana. Svo er
ég í framhaldsskóla, sem er líka
erfitt en mér gengur alveg vel.“
Hvernig gengur að koma þessu
öllu saman, æfingum og námi?
Þarftu ekki að fá að vera ungl-
ingur líka?
„Jú, það er náttúrlega ekkert rosa-
lega mikill tími til þess en fyrstu
tvö árin eru alltaf aðeins erfiðari.
Nú byrjar þetta að vera aðeins
auðveldara í skólanum, vonandi.“
Er stóri draumurinn að verða
alvöru keppnismanneskja í út-
löndum?
„Já, algerlega. Ég er samt ekki alveg
búin að plana hvert ég ætla að fara,
mig langar kannski til Danmerkur
til að ná aðeins betri árangri – en
svo er alveg fínt að vera heima og
ná sem bestum árangri hérna,“
segir Eva Margrét sem að lokum
þakkaði þjálfaranum sínum, for-
eldrum, ömmum og afa ... eiginlega
öllum í kringum sig, fyrir að styðja
dyggilega við sig.
Sundkonan Eva Margrét Falsdóttir og Hörður Axel Vilhjálmsson,
körfuknattleiksmaður, eru íþróttafólk Reykjanesbæjar 2022. Hjalti Vilhjálmsson
tók við verðlaununum fyrir hönd bróður síns sem var staddur erlendis. VF-myndir: JPK
Páll Ketilsson
pket@vf.is
12 // vÍkurFrÉttir á SuðurnESjuM