Víkurfréttir - 04.01.2023, Blaðsíða 16

Mundi
Gleðilegt nýtt
Víkur-fréttaár!
ÚTSALANer hafin
Glasið hálffullt
eða hálftómt?
Árið 2023 er gengið í garð. Það
markar m.a. þau tímamót að 50 ár
eru liðin frá því Íslandsbikarinn í
knattspyrnu kom síðast til Kefla-
víkur og kannski rétt að minnast
þess líka að Bílaleigan Geysir á 50
ára afmæli. Geri aðrir betur. Besta
bílaleiga landsins að mati erlendra
ferðamanna.
Ef við hugsum til baka, þá erum
við væntanlega flest sammála um
að Verbúðin var besta íslenska sjón-
varpsefnið á síðasta ári. Í desember
hlustaði ég á frábæra þætti á RÚV
um Jósafat nokkurn Arngrímsson,
kaupmann í Kyndli. Eða Joe Grimson
eins og hann kallaði sig því kappinn
var í alþjóðlegum viðskiptum. Þessir
þættir ættu að vera skylduhlustun í
efri bekkjum grunnskóla. Fyrir Suð-
urnesjamenn er þetta mun áhuga-
verðara efni en Verbúðin. Stendur
okkur nær.
Ég las ræðu bæjarstjóra Reykja-
nesbæjar sem hann flutti í Ljóna-
gryfjunni þegar íþróttafólk bæjarins
var heiðrað. Þar kom fram að íbúar
Reykjanesbæjar væru 20.000 en
30% þeirra væru af erlendu bergi
brotin og bærinn væri að reka átak
sem kallaðist „Allir með“, þar sem
reynt væri að virkja erlenda íbúa
bæjarins. Við skulum átta okkur á
því að 30% af 20.000 eru 6.000
manns. Það eru fleiri íbúar en bjuggu
í Njarðvík fyrir 50 árum. Við verðum
öll að leggjast á árarnar með verk-
efninu.
Þessi staða er mjög áhugaverð.
Þurfum að spyrja okkur áleitinna
spurninga um hvernig við getum
komist áfram og gert vel fyrir alla.
Það er á engan hátt einfalt að reka
grunnskólakerfi þar sem töluð eru
næstum 100 tungumál og kerfið á
að vera fyrir alla. Helsta umræðan
um grunnskólakerfið snýst núna
um drengi sem ekki geta lesið sér
til gagns. En hvernig tekur kerfið á
börnum sem eru afburðanemendur?
Eru þau að fá verkefni við hæfi þegar
kennarinn þarf að sinna börnum
með 5-6 mismunandi móðurmál.
Eru afburðarnemendurnir dregnir
niður í meðalmennsku og fá ekki
að blómstra. Afburðanemendurnir
hafa ekki endilega íslensku sem
móðurmál.
Það sama á við um íþróttir. Af
hverju þarf barn sem æfir íþróttir
5 sinnum í viku eða jafnvel oftar
að stunda leikfimi í grunn- og fram-
haldsskólum. Er það af því bara eða
af því það var svoleiðis fyrir 50
árum?
Fyrir 50 árum voru fleiri íbúar
á Ásbrú en í Njarðvík. Þessir íbúar
voru að vísu bandarískir ríkisborg-
arar, hermenn. En þeir bjuggu samt
hér. Eitt af viðskiptamódelum Joe
Grimson tengt skemmtistaðarekstri
á Ásbrú gekk út á að velta ávísunum
fram í tímann. Það módel riði ekki
feitum hesti í dag enda þekkja þau
sem eru af X og Z kynslóðinni ekki
ávísanahefti frekar en skífusíma.
Bæði eru úrelt. Það vitum við öll.
En er ekki grunnskólakerfið okkar
úrelt líka? Við viljum bara ekki við-
urkenna það. Kerfið er uppfullt af
hæfileikaríkum kennurum sem eru
fastir í ónýtu kerfi. Kennurum sem
eru múlbundnir af því að fá hvorki
að halda uppi aga né veita nem-
endum þá fræðslu sem þeir vilja - því
þau þurfa að nota skífusíma þegar
snjalltölvan er búin að taka völdin?
Fyrir utan að við ættum að borga
þeim laun til samræmis við þing-
menn.
Þetta er kannski ekki spennandi
nýárskveðja til ykkar en ef við nálg-
umst þessi verkefni öll þannig að
glasið sé hálffullt en ekki hálftómt,
þá munum við sigra. Og Íslandsbik-
arinn snýr aftur til Keflavíkur.
Gleðilegt nýtt ár. Megi það vera
ykkur öllum farsælt. Sérstakar
kveðjur fær 1973 árgangurinn!
LO
KAO
RÐ
MARGEIRS VILHJÁLMSSONAR
Menningar- og atvinnuráð Reykjanesbæjar út-
nefndi á dögunum jólahús Reykjanesbæjar árið
2022 úr tilnefningum sem bárust frá bæjar-
búum. Að þessu sinni var það Heiðarból 10
sem hlaut nafnbótina og eru eigendur hússins
þau Magnús Ingi Jónsson og Helga Jónína Guð-
mundsdóttir. Fyrir nafnbótina afhendi Birgitta
Rún Birgisdóttir, fyrir hönd menningar- og at-
vinnuráðs, þeim viðurkenningu frá Reykjanesbæ
sem og gjafabréf frá Húsasmiðjunni í Aðventu-
garðinum á Þorláksmessu.
„Þar sem bærinn okkar stækkar stöðugt geta
glæsilegar jólaskreytingarnar leynst víða og því
fannst okkur tilvalið að smella í laufléttan jólaleik
þar sem íbúar gátu komið með tillögur að jólahúsi
Reykjanesbæjar. Súlan verkefnastofa setti leikinn
á laggirnar og var hann fyrst og fremst hugsaður
til skemmtunar og til að vekja athygli á því sem
vel er gert hjá íbúum Reykjanesbæjar. Ráðið vill
hrósa íbúum fyrir augljósan metnað þegar kemur
að jólaskreytingum og þakkar þeim sem sendu inn
tilnefningar en þær voru fjölmargar og átti ráðið
fullt í fangi með að keyra um bæinn og taka út
stórglæsileg jólahús,“ segir á síðu Reykjanesbæjar.
Jólahús Reykjanesbæjar 2022 að Heiðarbóli 10
Jólabarnið á Suðurnesjum fæddist 29. desember og kom því heldur seint
þetta árið en ekkert barn fæddist á Heilbrigðisstofnun Suðurnesja yfir
helstu hátíðardagana. Barnið, sem er stúlka, var 3.334 grömm að þyngd
og 49 sentimetra löng við fæðingu. Móðir er Sofia Karagianni og faðir
Georgios Kypritidis. Ljósmæður voru þær Rebekka Jóhannesdóttir og
Margrét Knútsdóttir.
Jólabarnið fæddist 29. desember