Feykir - 19.01.2022, Blaðsíða 10

Nyrst á Skaga, út við
ysta haf, býr Karen Helga
Rabølle Steinsdóttir
ásamt Jóni Helga, manni
sínum, og tveimur ungum
herramönnum. Þau búa
nánar tiltekið í Víkum þar
sem þau reka sauðfjárbú
en Karen vinnur að auki
á leikskólanum Barnabóli
á Skagaströnd. Auk
þess er hún sporðdreki.
Feykir plataði hana til að
gera upp árið 2021 sem
hún lýsir svona í þremur
orðum: „ Leið of fljótt.“
Hver er maður ársins?
Held ég verði bara leiðinleg þar og segi foreldrar mínir. Sama hve annríkt þau
eiga hafa þau alltaf tíma fyrir gesti, tíma til að aðstoða nágrannana eða hjálpa
dótturinni með barnabörnin.
Hver var uppgötvun ársins? Portúgalskur matur er sennilega full sterkur
fyrir eldri borgara. Hjá okkur var sem sagt drengur frá Portúgal sem sá um
eldamennskuna á sauðburði. Strákarnir okkar útvötnuðu spaghetti bolognese
í mjólkurglösunum sínum en öldungarnir tveir sem voru hér á sauðburði
hölluðust hellst að því að fela kryddbaukana.
Hvert var lag ársins? Mest spilaða lagið á Spotify hjá mér er Ding Dong með
Eddu Borg og barnakór. Mögulega ekki mitt uppáhalds. Lagið sem kemur fyrst
upp í huga mér er Ástrós með Bubba og Bríet.
Hvað var broslegast á árinu? Brúðkaupsdagurinn var mikil gleðistund þó hann
endaði með öðru sniði en til stóð sökum covid. Við áttum frábæran dag með
nánustu fjölskyldu og þeim Baunum sem héldu sig við að koma til landsins.
Hvers heldurðu að þú eigir eftir að sakna frá árinu 2021 – eða ekki? Sumarið
var óneitanlega einstaklega hlýtt og gott en við bændur munum ekki sakna
þurrkanna.
Varp ársins? Við höfum lítið horft á sjónvarp undanfarið. Frumburðurinn fór
á fluguveiðar í gluggakistunni í vor og skrikaði honum fótur. Hann datt og tók
sjónvarpið með sér í fallinu. Það fór ansi illa út úr því en strákurinn slapp með
skrekkinn sem betur fer. Svo er ég gift svo skemmtilegum manni að mér nægir
að hlusta á hann á kvöldin þegar strákarnir eru sofnaðir.
Reyndar get ég mælt með hlaðvarpinu Unruffled með Janet Lansbury þó
auglýsingarnar séu þreytandi. Þættirnir hafa auðveldar mér lífið sem foreldri
og gert barnauppeldið skemmtilegra. Mjög áhugaverð nálgun.
Hverju viltu skella á brennuna og hvers vegna? Mér er nú meinilla við að
henda hlutum...
Hver var helsta lexía ársins? Það að eiga gæðastund með fjölskyldu og/eða
vinum er það sem skiptir mestu máli. Er alltaf að uppgötva þetta og gleyma
því á víxl. /ÓAB
Árið 2021 | Karen Helga
„Við bændur munum
ekki sakna þurrkanna“
Karen Helga kát og hress. MYND AÐSEND
Feykir náði í skottið á
Blönduósingnum Auði
Húnfjörð sem starfar
nú sem sölumaður
hjá Fréttablaðinu, er
bogmaður og býr í
Hafnarfirði. Hún var beðin
um að gera upp árið í
stuttu máli en fyrst að
skýra tengslin norður.
„Föðurættin mín er frá
Blönduósi, Húni afi minn
og Óskar pabbi minn
áttu bakaríið Krútt. Ég
flutti frá Blönduósi um
aldamótin og er nýlega
farin að koma aftur í
heimsókn í bæinn þar sem sonur minn og tengdadóttir búa í sveitinni með
börnum sínum tveimur,“ segir Auður.
Hver er maður ársins? Sóttvarnarlæknir hlýtur að fá þann titil aftur!
Hver var uppgötvun ársins? Hvað vegalengdin Hafnarfjörður-Hjaltabakki
hefur styst eftir að sonur minn flutti þangað með fjölskylduna sína…
Hvert var lag ársins? Styttist í það með Baggalút og Bryndísi Jakobsdóttur fór
beint á repeat í hausnum á mér.
Hvað var broslegast á árinu? Þegar við systur mættum óvart alveg eins
klæddar í fjölskylduveislu.
Hvers heldurðu að þú eigir eftir að sakna frá árinu 2021 – eða ekki? Alls ekki
grímunnar… þó ég sé ansi hrædd um að hún fylgi okkur eitthvað inn í 2022...
Varp ársins? Verbúðin byrjar einstaklega vel!
Hverju viltu skella á brennuna og hvers vegna? Covid má fara á brennuna,
svo margra hluta vegna.
Hver var helsta lexía ársins? Að muna að njóta daganna, við vitum ekkert
hverju verður skellt í lás á morgun.
Árið í þremur orðum: Úff, innilokun og barnabarnalán. /ÓAB
Árið 2021 | Auður Húnfjörð
„Verbúðin byrjar einstaklega vel!“
„Hvað var broslegast á árinu? Þegar við systur
mættum óvart alveg eins klæddar í fjölskylduveislu og
fótósjoppuðum svo litla bróður inn á myndina til að
hafa hann með," segir Auður um myndina að ofan.
Auður er í miðjunni, Brynjar til vinstri og Guðrún hægra
megin. MYND AÐSEND
AÐSENT | Stefán Vagn Stefánsson skrifar
Sóknaráætlanir landshlutanna eru
stefnumótandi áætlanir sem taka til
starfssvæða landshlutasamtaka sveitarfélaga.
Um er að ræða einkar vel heppnaða aðgerð
þar sem lands-
hlutasamtök
sveitarfélaga
stofna með sér
samráðsvettvang
og stilla upp
áætlun sem setur
fram sýn og
markmið sem
draga fram sér-
stöðu svæðanna.
Þannig er stutt við
ákvarðanir um
úthlutun fjár-
magns og verkefni sem unnin eru undir
merkjum sóknaráætlana.

Við afgreiðslu fjárlagafrumvarpsins nú í des-
ember lagði fjárlaganefnd til 100 m. kr. styrk-
ingu á verkefninu um sóknaráætlanir lands-
hluta. Ég fagna að sú tillaga hafi hlotið
samþykki. Mikilvægi sóknaráætlana kemur
fram í stjórnarsáttmála ríkisstjórnarinnar en
þar er sérstaklega tekið fram að unnið verði
áfram að eflingu sóknaráætlana landshlut-
anna.

Uppbygging í takt
við áherslur heimamanna
Sóknaráætlanir hafa sannað sig sem öflugt
byggðarþróunartæki og þeir fjármunir sem í
þær er veitt nýtast hratt og vel til ýmiss konar
uppbyggingar í héraði í takt við áherslur
heimamanna. Sóknaráætlanir og uppbygging-
arsjóðir gegna lykilhlutverki til þess að efla
nýsköpun og menningarstarf á landsbyggðinni.
Í kjölfarið á heimsfaraldri kórónuveirunnar var
veitt viðbótarfjármagni inn í áætlanirnar til
þess að sporna við áhrifum faraldursins.
Undirritaður telur mikilvægt að áframhald-
andi stuðningur sé til staðar, bæði vegna þess
að faraldurinn ætlar að vera þaulsetnari en
upp-haflegar áætlanir gerðu ráð fyrir og einnig
til að styðja við uppbyggingu vegna áhrifa far-
aldursins sem mun væntanlega gæta eitthvað
áfram komandi ár.
Landshlutasamtökin
eru mikilvægur hlekkur
Landshlutasamtökin hafa svo sannarlega
staðið undir þeirri ábyrgð að verja fjármagni í
mikilvæg verkefni til stuðnings atvinnu- og
byggðarþróun og nýsköpun með hagkvæm-
um og skilvirkum hætti. Þau eru vel til þess
fallin að styðja við hverskonar nýsköpun á
landsbyggðinni og hagnýtingu hugvits. Með
samstarfi sem þessu gerum við atvinnulífið á
landsbyggðinni fjölbreyttara og fjölgum
spennandi og verðmætum störfum. Við viljum
styðja við umhverfi þar sem sköpunarkraftur
fólks fær að njóta sín og það getur vaxið og
dafnað. Sóknaráætlanir í gegnum landshluta-
samtökin stuðla að jákvæðri samfélags- og
byggðarþróun í takt við heimsmarkmið Sam-
einuðu þjóðanna um sjálfbæra þróun, þær
treysta stoðir menningar og auka samkeppnis-
hæfni landshluta og landsins alls í leið.
Áfram veginn
Aukin stuðningur við sóknaráætlanir eru í
takt við stefnu Framsóknarflokksins, en við í
Framsókn höfum alltaf verið talsmenn öflugrar
byggðastefnu. Mikilvægt er að á kjörtímabil-
inu verði enn aukið samstarf milli landshluta-
samtaka og allra ráðuneyta til þess að tryggja
að stærri aðgerðir sóknaráætlana nái fram að
ganga um allt land. Þannig byggjum við Ísland
framtíðarinnar.
Stefán Vagn Stefánsson
Höfundur er þingmaður Framsóknar í NV kjördæmi
Áfram í sókn
Textílmiðstöð Íslands
Fundað um mótun
samstarfs um Textílklasa
Textílmiðstöð Íslands á Blönduósi vinnur nú
að mótun Textílklasa í samstarfi við Samtök
sveitarfélaga á Norðurlandi vestra. Með
klasasamstarfinu
verður skapað
vistkerfi fyrir
hagaðila af öllu
landinu.
Textílmiðstöðin
hefur það megin-
markmið að vera
alþjóðleg miðstöð
öflugrar rann-
sóknar- og þróun-
arstarfsemi í textíl-
framleiðslu, textíllistum og handverki í textíl.
Fyrsta stafræna textílsmiðjan var opnuð á síð-
asta ári sem er nauðsynleg stoð fyrir aðila í
textíliðnaði. Textílmiðstöðin er þátttakandi í
ýmsum samstarfsverkefni á borð við
Horizon2020 í verkefninu CENTRINNO og
lausnamótið Ullar-
þon.
Textílklasi er
formlegt samstarf
sem fylgir ákveðnu
utanumhaldi en nán-
ar má lesa um það á
heimasíðu SSNV þar
sem einnig er hægt að
skrá sig á opinn fund
sem boðaður hefur
verið um mótun sam-
starfs um Textílklasa þann 27. janúar kl. 13:00-
16:00 og fer hann fram á netinu. /ÓAB
10 03/2022