Feykir - 14.09.2022, Síða 8

Heilir og sælir lesendur góðir.
Það er hinn ágæti félagi í hagyrðinga-
hópnum, Sverrir Magnússon áður bóndi
í Efra-Ási í Hjaltadal, sem er höfundur
fyrstu vísunnar að þessu sinni.
Alltaf veitir yndi mest
upp fer neisti falinn.
Þegar að nú sólin sést
syndra um Hjaltadalinn.
Ekki er Sverrir vel sáttur við ástandið í
dalnum sínum er næsta vísa er gerð.
Magnast ekki menntapóll
merkjum dóma næga.
Hnignandi fer Hólastóll
höfuðbólið fræga.
Þegar Sverrir hugleiðir stöðu stjórnmál-
anna verða næstu vísur til.
Nú hefur svikið þína þjóð
þráir valdapottinn.
Er nú bara á íhaldsslóð
allur vilji dottinn.
Orða gjálfur endist skammt
erfitt veg að rata.
Enginn vafi er nú samt
ofmetin var Kata.
Áður hefur í þessum þáttum verið vikið
að presti sem nú í sumar talaði nokkuð
djarflega um vist í Víti. Hallmundur
Kristinsson yrkir svo:
Blessað getur bæði spé
og boðskap sinna feðra.
Kann að vera að karlinn sé
kunnugur í neðra.
Ekki mun þessu tengt það sem kemur
hér næst. Minnir að höfundur sé skáldið
frá Fagraskógi.
Dimm og þung er dómsins raust
dæmt, frá engu – er þokað.
Helvíti er hurðarlaust
en himnaríki lokað.
Þegar vorið fór að taka yfir í síðastliðnum
maí og vetrarríki fór að linna orti Jón Atli
Játvarðsson svo:
Ánamaðkar dansa dátt
dráttarvélar puða.
Við lúpínunnar blómið blátt
býflugurnar suða.
Friðrik úr Mývatnssveitinni yrkir svo:
Gjörvallt lífið gegnum sneitt
glaður mjög ég kjaga,
ekki virðist ellin neitt
ætla mig að plaga.
Það er Jón Bjarnason, áður bóndi í
Garðsvík, sem hugsar svo til vistaskipt-
anna hér á jörð með þessari ágætu vísu:
Þegar eg loksins frelsi fæ
-úr fangelsi lífs er öllum smokrað-
í himnaríki eg háttum næ
á hinum staðnum er fullt – og lokað.
Önnur vísa kemur hér eftir Jón:
Eg hef reynt og reyni enn,
rýr þó virðist forðinn,
Vísnaþáttur 815
( GUÐMUNDUR VALTÝSSON ) palli@feykir.is
að stundum hafa heimskir menn
hitt á réttu orðin.
Þar sem nú er farið að dimma, að dómi
undirritaðs allt of snemma, á kvöldin,
rifjast næst upp þessi ágæta vísa
Fjallaskáldsins:
Fölnar rós og bliknar blað
á birkigreinum,
húmar eins og haustar að
í hjartans leynum.
Hef vonandi oft birt í þessum þáttum,
án þess að muna það fyrir víst, þessa
landskunnu vísu Fjallaskáldsins:
Yfir kaldan eyðisand
einn um nótt ég sveima,
nú er horfið Norðurland
nú á ég hvergi heima.
Kannski þyngir svo yfir okkur við þennan
lestur að ósjálfrátt kemur næst upp í
hugann þetta innlegg, sem mun hafa
orðið til þegar nálgaðist haustmyrkrið
hjá okkar góða félaga hér áður fyrr,
Kristjáni Runólfssyni.
Ágúst brátt er liðinn
svo yndislega hlýr
ýmislegt hann bar í skauti sínu,
himinninn er dáfallegur,
heiður, blár og skír
hátíðleika finn í brjósti mínu.
Nokkuð hefur verið blautt um að litast
þegar Kristján orti þessa:
Veðurguðinn völdin tekur
víða hér um land.
Himinþakið lengi lekur
ljótt er þetta stand.
Ekki skal því neitað að undirritaður
er hálffúll yfir þeirri staðreynd sem
kemur fram í þessari ágætu vísu Jóns í
Víðimýrarseli.
Það er svo með þetta líf
þegar aldur hækkar.
Samskiptum við vín og víf
verulega fækkar.
Og því miður heldur Jón áfram með
staðreyndir:
Minnkar yndi okkur hjá
yfir skál og vínum.
Þegar ellin þokugrá
þyrnum stráir sínum.
Falleg er þessi sumarvísa Ingólfs Ómars:
Veröld ljómar drungi dvín
daga rómum langa.
Söngvar óma, sólin skín
sumarblómin anga.
Gott að enda með þessari góðu kveðju
frá Sverri í Efra-Ási:
Hægt er stundum víða að vappa
veraldar um veg.
Eiríksstaða knáum kappa
kveðju sendi ég.
Veriði þar með sæl að sinni.
Guðmundur
Valtýsson
Eiríksstöðum,
541 Blönduósi
Sími 452 7154
Umhverfisviðurkenningar
Skagafjarðar árið 2022 voru
veittar í Húsi frítímans
fimmtudaginn 8. september og
voru viðurkenningarnar sjö að
þessu sinni. Þetta var átjánda
árið sem Soroptimistaklúbbur
Skagafjarðar hafði veg og vanda
að tilnefningum og afhendingu
umhverfisviðurkenninga fyrir
hönd sveitarfélagsins.
Fyrirkomulag Soroptimista-
kvenna við að skoða og meta
býli og lóðir í dreifbýli og
þéttbýli Skagafjarðar var líkt og
áður, sex hópar skiptu með sér
svæðinu frá Fljótum inn allan
Skagafjörð að Hofsvöllum og út
að Hrauni á Skaga. Akra-
hreppur bættist svo við skoð-
unarsvæðið í ár og var það
einkar ánægjulegt.
Að mörgu er að hyggja við
vinnu verkefnisins og valnefnd
klúbbsins endurskoðar reglu-
lega viðmiðin varðandi um-
hverfismatið. Sem dæmi um
þau atriði sem horft er til og
gefin einkunn fyrir er m.a.
frágangur bygginga/íbúðar-
húsa, geymsla tækja og áhalda,
viðhald girðinga, almenn um-
gengni og heildarmynd húsa,
lóða og sveitabýla.
Að mati Soroptimista er
umgengni stöðugt að batna í
sveitarfélaginu og íbúar að gera
umhverfið snyrtilegt og fallegt
en í þessu eins og mörgu öðru
má lengi gott bæta. Með
samtakamætti íbúa má ná
miklum árangri í þessum
málum sem öðrum, til ánægu
fyrir okkur sjálf og þá sem
sækja okkur heim.
Á þessum 18 árum sem
Soroptmistaklúbburinn hefur
haft veg og vanda af tilnefn-
ingum til umhverfisviður-
kenninga í Skagafirði hafa 100
viðurkenningar verið veittar. Í
ár voru veittar sjö viðurkenn-
ingar í fimm flokkum og voru
það: Sveitabýli með hefðbund-
inn búskap, snyrtilegasta lóð
við fyrirtæki, snyrtilegasta lóð
við opinbera stofnun, einstakt
framtak og í flokknum snyrti-
legasta lóð í þéttbýli voru þrjár
lóðir valdar, þ.e. ein í Varmahlíð,
ein á Hofsósi og ein á Sauðár-
króki. Það var sérstaklega
ánægjulegt að viðurkenningar
dreifðust vel um sveitarfélagið.
Umhverfisviðurkenningar
Skagafjarðar 2022
Sveitabýli með hefðbundinn
búskap var valið Flugumýrar-
hvammur, eigendur eru Sigrún
Hrönn Þorsteinsdóttir og
Rögnvaldur Ólafsson. Í um-
sögn segir að þar sé einstök
snyrtimennska og fegrun
umhverfis höfð að leiðarljósi
hvert sem litið er. Þegar ekið er
í hlað blasi fjósið við með
blómum skrýddum veggjum. Í
garðinum er fjölbreyttur gróð-
ur, gróðurhús með ávaxtatrjám
og býlið allt og umhverfi þess
allt hið glæsilegasta.
Snyrtilegasta lóð við fyrir-
tæki var valið Dalasetur en þar
hafa þau Jakobína Helga Hjálm-
arsdóttir, Þórarinn Þórðarson,
Daníel Þórarinsson og Stefán
Óskar Hólmarsson byggt upp
einstaklega snyrtilegt og fallegt
svæði í landi Helgustaða í
Unadal. Þar hafa verið byggð
þrjú bjálkahús þar sem boðið er
upp á gistingu, stórt landssvæði
grætt upp, trjám plantað og
markmiðið að byggja upp
heilsusetur þar sem hægt er að
njóta náttúrunnar í fjallgöngum,
í heitum potti við ána, í frisbí-
golfi eða bara njóta kyrrðarinnar.
Snyrtilegasta lóð við opin-
bera stofnun var valin Byggða-
stofnun en þar þykir hafa tekist
AÐSENT | Soroptimistaklúbbur Skagafjarðar
Umhverfisviðurkenningar í Skagafirði
einstaklega vel til við hönnun
og frágang húss og lóðar. Allt
snyrtilegt og vel um hugsað og
til eftirbreytni þegar svo vel er
gengið frá húsi og lóð strax. Hjá
Byggðastofnun hefur verið sett
fram það markmið að við
rekstur og viðhald bygginga og
lóða á vegum stofnunarinnar
skuli leitast við að velja vistvæna
kosti hverju sinni s.s. máln-
ingarvörur, ljósaperur, garða-
úðun, áburð o.fl. eins og segir
á heimasíðu Byggðastofnunar.
Arnar Már Elíasson, forstöðu-
maður Byggðastofnunar, tók
við viðurkenningunni.
Einstakt framtak: Kakala-
skáli. Hjónunum á Kringlumýri,
þeim Maríu Guðmundsdóttir
og Sigurði Hansen var veitt
viður-kenning fyrir einstakt
framtak, sem er uppsetning
Grjóthers Hauganesbardaga
ásamt uppbyggingu og starf-
semi í Kakalaskála. Þar hefur
verið sett upp einstök sögu- og
listaverkasýning þar sem sögu-
sviðið er Sturlunga með áherslu
á ævi Þórðar kakala. Grjót-
herinn er sunnan Kakalaskála
8 34/2022