Árbók Reykjavíkurborgar - 01.12.1995, Page 94
BYGGINGARSTARFSEMI
í þessum kafla eru tölur um fjölda íbúa og íbúöa bornar saman á ýmsa vegu,
en þess skal getið, að tölum um Qölda íbúða ber ekki alls staðar saman.
Astæða þess er sú, að fjöldi íbúða í Reykjavík er fundin með þremur
mismunandi aðferðum, fasteignamati, talningu brunatryggðra íbúða og
framreikningi byggðum á fjölda fullgerðra íbúða á liðnu ári. Ljóst er að
framreiknaður tjöldi íbúða verður aldrei nákvæmur, þar sem ekki er tekið
tillit til breyttrar nýtingar íbúða og úreldingar, en á hinn bóginn er þess ekki
að vænta, að allar upplýsingar um breytingar á húsnæði skili sér fljótt til
Fasteignamats ríkisins, eða Húsatrygginga Reykjavíkur.
Aðalskipulag Reykjavíkur 1990 - 2010 áætlar að íbúafjöldi við lok
skipulagstímabilsins verði 115 - 125 þús. íbúar. Árið 1994 bjuggu 40,4%
Reykvíkinga austan Elliðaáa en verða 48% árið 2010 skv.
skipulagsáætlunum. íbúafjöldi vestan Elliðaáa verður svipaður í upphafi og
við lok skipulagstímabilsins eða um 60 þús. Um og eftir aldamót er gert ráð
fyrir að hlutfall íbúða á framtíðarbyggðasvæðunum fari vaxandi.
Ýmislegt bendir til þess að heldur dragi úr nýbyggingum á næstu árum. Við
upphaf tíunda áratugarins var mikið framboð á atvinnuhúsnæði í borginni,
sérstaklega verslunar- og skrifstofuhúsnæði, eftir hraða uppbyggingu árin á
undan. Gert hefur verið ráð fyrir að um helmingur þeirrar aukningar á
atvinnuhúsnæði, sem áætluð er næstu 20 árin, verði innan núverandi byggðar.
Þá hafa athafnahverfi miðsvæðis á höfuðborgarsvæðinu utan Reykjavíkur
verið skipulögð og gerð úthlutunarhæf.
í verslunarmálum er stefnt að því að efla miðhverfi, sérstaklega miðborgina
og Kjarna í Borgarholti. Þá er tekið frá land fyrir stórmarkað eða skylda
starfsemi í Smálöndum. Æskilegt er talið, að ekki verði lengra en 500 metrar
frá þorra heimila í nýjum hverfum í næstu matvöruverslun.
Stefnt verður áfram að uppbyggingu hátækniiðnaðar á Keldnaholti. í tillögum
að skipulagi svæðisins hefur enn verið reiknað með því að Tækniskóli íslands
flytji upp á Keldnaholt.