Ritið : tímarit Hugvísindastofnunar - 01.05.2021, Qupperneq 82
FRÁ ÁST TIl ÓnOTA
81
Kristín sjálf endurspeglaði þessa sýn í viðtali við Guðmund Odd Magn-
ússon í Skírni árið 1998.5 Hún vísar sérstaklega til áhrifa kennara síns, lo-
renzos Bonechi, en það er ljóst að miklar hliðstæður eru með list Kristínar
á tíunda áratugnum og verka hans. Bonechi gat sér gott orð upp úr 1980
með sterkum mynd- og teiknistíl sem sótti áhrif sín víða. Þar ber sérstaklega
að geta áhrifa ítalskrar fígúratífrar listar á millistríðsárunum, til listamanna
eins og De Chirico sem á þeim tíma skáru sig úr með tilvísun í fyrirmyndir
endurreisnarinnar. einnig má sjá í verkum Bonechis tengsl við myndlist
bæði frum- og síðendurreisnar, til málara eins og Giotto, el Greco og Reni.
Um 1990, þegar Kristín kynntist Bonechi, hafði tjáningarríkur teikni- og
málunarstíll hans undirgengist breytingar í átt til meiri hófstillingar og ein-
földunar í lit og formi, nokkuð sem sjá má samsvörun við í list Kristínar á
tíunda áratugnum.6
Það er ljóst að á námsárum sínum í Róm og Flórens hefur Kristín gert sér
far um að kynna sér myndhefðir frumendurreisnar. Þar ber sérstaklega að
geta áhrifa frá landslagsbeitingu listamanna eins og Giotto, sem byggðu upp
landslag í bakgrunni mynda sinna sem studdi við áherslur í persónusköpun.
einnig má sjá í vinnubrögðum Kristínar sterk áhrif frá Fra Angelico, en
hann vék frá anatómískri nákvæmni samtíðarmanna sinna um og fyrir miðja
fimmtándu öldina í túlkun sinni á biblíuþemum fyrir klaustur í Flórens og
nágrenni. Málverk Kristínar, Boðun Maríu frá 1991, er endurvinnsla hennar
á einu þekktasta verki Fra Angelico, Boðun Maríu frá um 1440 í klefa 3 í San
Marco klaustrinu í Flórens.
Kristín vakti verulega athygli í íslenskum listheimi með sýningu sinni á
Kjarvalsstöðum árið 1995. Á þessari sýningu gefur hún tóninn fyrir það sem
koma skal; hér sýnir hún málverk sem flest hafa sterka skírskotun í íkona-
hefð miðalda og trúarlega myndlist fyrr á öldum. Margar af myndunum eru
táknrænar mannamyndir, táknsögur með vísan í mýtur og sköpunarsögur.
Í Tondo, frá 1995, fljúga tveir grannir karllíkamar á fleti með sólarform að
baki, báðir með vængjaða getnaðarlimi. Í Vinir, frá 1995, eru tvær kynlausar
verur í sitjandi stöðu á bláum fleti undir gullinni sól, önnur veran er kven-
legri en hin, sú strýkur höfuð hunds. Í Blár alheimur, hringlaga mynd frá
1995, fljóta tvær kynlausar verur sem þó virðast vera karl og kona, á fleti sem
mótast af gullnum skínandi hring sem málaður er á bláum grunni. Að baki
5 Guðmundur Oddur Magnússon, „Sjálfsmyndir af manneskjunni — Samræða við
Kristínu Gunnlaugsdóttur og verk hennar“, Skírnir vor/1998, bls. 255–261.
6 Um list Bonechis, sjá Carl Brandon Strehlke og Moreno Bucci, Lorenzo Bonechi,
1955-1994. Pittore di Luce, Flórens: Aska ediqioni, 2004.