Skinfaxi - 01.01.2017, Side 26

26 SKINFAXI tímarit Ungmennafélags Íslands
Hver er staðan á
tryggingamálunum
hjá félaginu þínu?
Dæmi um íþróttaslys:
• Leikmaður í knattspyrnu fótbrotnar
eftir tæklingu annars leikmanns
• Handknattleiksmenn fá tíð högg á
andlit með þeim afleiðingum að þeir
nefbrotna og/eða fá heilahristing.
• Lyftingamaður getur misst lóð með
ófyrirsjáanlegum afleiðingum.
• Stúlka í leikfimitíma í grunnskóla
stekkur yfir kistu. Stökkið mistekst
og hún fellur við dýnu á gólfinu.
Skólabróðir hennar stekkur yfir
kistuna og lendir á baki stúlkunnar
sem fellur í gólfið og meiðist á ökkla.
• Iðkandi í tennis er að hita upp með
fleirum á æfingu. Bolti fer af einum
velli í auga iðkandans.
Á gráu svæði
Sum íþróttafélög hafa farið þá leið að
greiða leikmönnum, sem slasast, verk-
takagreiðslur eftir á og náð því í gegn
að ríkið greiði fyrir sjúkraþjálfun leik-
manna sinna í gegnum almannatrygg-
ingakerfið. Ef um vinnuslys er að ræða
fellur slysið undir vinnuslysalöggjöfina
en er ekki flokkað sem íþróttaslys. Í
þeim tilvikum þarf ekki 10 daga óvinnu-
færni til að fá endurgreiðslu sjúkra-
kostnaðar. Þetta er auðvitað á gráu
svæði siðferðislega séð. Í þessum til-
vikum sleppa íþróttafélög nánast við
allan kostnað vegna sjúkraþjálfunar.
3.843 íþróttaslys
á Íslandi árið 2015
Eftir því sem íþróttaiðkun almennings eykst
því meiri verður slysahættan. Fjöldi skráðra
íþróttaslysa á Íslandi 2015 var 3.843. Það er
rúmlega 10% af öllum skráðum slysum. Þar
af kemur fram í samantekt embættis land-
læknis, að árið 2015 voru 558 skráð slys í
aldursflokknum 10–14 ára og 351 í aldurs-
flokknum 15–19 ára.
Íþróttaslys eftir aldri 2015*
Aldur Karlar Konur Bæði kyn
0–4 7 7 14
5–9 114 116 230
10–14 459 558 1.017
15–19 564 351 915
20–24 399 134 533
25–29 209 89 298
30–34 158 56 214
35–39 98 48 146
40–44 106 56 162
45–49 52 45 97
50–54 45 35 80
55–59 21 20 41
60–64 17 22 39
65–69 18 12 30
70–74 6 1 7
75–79 4 - 4
80–84 4 - 4
85–89 - - 0
90+ - 1 1
Samtals 2.281 1.551 3.832
* Embætti landlæknis (http://www.land-
laeknir.is/tolfraedi-og-rannsoknir/tolfraedi/
allt-talnaefni/).
Hefðbundin slys eru samstuð í knatt-
spyrnuleikjum. Ungmennafélagið Sindri
vinnur að því að upplýsa iðkendur um
tryggingamál sín.
„Félagið er ekki tryggt vegna mögu-
legra slysa á iðkendum umfram almanna-
tryggingar á íþróttafólki. En við erum ný-
lega búin að setja upp mjög fastmótað
kerfi um sjúkrakostnað sem til dæmis er
útskýrt í nýjum samningum við leikmenn
meistaraflokka í knattspyrnu og erum að
vinna í því að setja upplýsingar á heima-
síðuna hjá okkur um tryggingamál iðk-
enda. Þar ætlum við líka að hafa upplýs-
ingar um tryggingamál á ferðalögum,
það er hvernig iðkendur eru tryggðir, til
dæmis í rútum á okkar vegum og þess
háttar,“ segir Jóna Benný Kristjánsdóttir,
framkvæmdastjóri Ungmennafélagsins
Sindra á Höfn í Hornafirði.
Tryggingar íþróttafólks í almannatrygg-
ingakerfinu ná aðeins til 16 ára og eldri
og eru takmarkaðar við að einungis þeir
sem hljóta 10 daga óvinnufærni vegna
slyss eigi möguleika á endurgreiðslu
sjúkrakostnaðar. Aðrir þurfa að bera kostn-
aðinn sjálfir.
Ungmennafélagi, eins og öðrum félög-
um, ber skylda til að tryggja knattspyrnu-
fólk sem er á sambandssamningi KSÍ, en
inni í þeim tryggingum eru slysadánar-
bætur, örorkubætur og dagpeningar.
Erlendir leikmenn, sem félagið hefur
fengið dvalar- og atvinnuleyfi fyrir, eru
sjúkratryggðir samkvæmt þeim reglum
sem gilda um tryggingar til að fá slíkt leyfi.
Félagsmenn hafa lent í slysum í æfing-
um og keppnum. Jóna segir þau ekki
alvarleg. „Hefðbundin slys eru samstuð í
knattspyrnuleikjum og þess háttar sem
hafa komið upp. Slík slys eru tilkynnt til
Sjúkratrygginga Íslands og sótt er í sjóði
hjá ÍSÍ og stéttarfélögum til að standa
straum af kostnaði vegna endurhæfingar
og lækniskostnaðar. Niðurstaðan í þeim
málum hefur verið sú að félagið eða sá slas-
aði hafa fengið endurgreiðslu sjúkrakostn-
aðar. Ekki hefur komið til þess að sækja
þurfi um miskabætur eða annað slíkt, en
ef svo væri yrði óskað eftir mati á miska
viðkomandi einstaklings (læknisfræðilegri
örorku) til Sjúkratrygginga Íslands.“
Félagið eða sá slasaði hafa fengið
sjúkrakostnað endurgreiddan
Jóna Benný
Kristjánsdóttir,
framkvæmdastjóri
Ungmennafélags-
ins Sindra á Höfn
í Hornafirð.
Lokuðu skíðasvæði
eftir þungan dóm
Héraðsdómur Norðurlands eystra dæmdi í apríl Skíðafélag
Dalvíkur til að greiða skíðakonu 7,7 milljónir króna í skaða-
bætur, auk vaxta og málskostnaðar, vegna slyss sem konan
lenti í í Böggvisstaðafjalli snemma árs 2013. Konan, sem var
varaformaður skíðafélagsins, renndi sér á skíðum af svæðinu
fram hjá færanlegu öryggisneti og í átt að bílastæði. Þar fór
hún fram af mishæð sem myndast hafði við troðslu skíða-
svæðisins og slasaðist. Nokkrum dögum eftir að dómurinn
féll var svæðinu lokað um óákveðinn tíma. Stjórn félagsins
sagðist kanna hvort rekstrargrundvöllur svæðisins hefði
brostið við þetta.