Skinfaxi - 01.01.2017, Qupperneq 29

SKINFAXI tímarit Ungmennafélags Íslands 29
Á hugi og ástundun á blaki hefur aldrei
verið meiri en um þessar mundir. Iðk-
endum hefur fjölgað viðstöðulítið
frá aldamótum að undanskildum
árunum 2005 og 2009 þegar þeim fækkaði
lítillega á milli ára. Á síðasta ári voru iðken-
dur 3.323 og höfðu þeir þá aldrei verið fleiri.
Iðkendur eru í 14 sambandsaðilum UMFÍ og
tugum íþróttafélaga um allt land.
Blak hefur verið stundað lengi á Akureyri
og í Reykjavík og er þátttakan mest á suð-
vesturhorninu. Síðustu ár hefur uppgangur-
inn verið mikill í Neskaupstað og á Ísafirði og
fáein ár eru síðan blakdeild var sett á lagg-
irnar í Keflavík.
Í ársskýrslu Blaksambands Íslands fyrir árið
2016 segir að blakíþróttin sé í hægum en
öruggum vexti. Vöxturinn byggist á því að
fjölga ungum iðkendum. Í ljósi þess hefur
stjórn Blaksambandsins ásamt landsliðsnefnd
fjölgað yngri landsliðunum og verkefnum
fyrir þau. Öldungum hefur fjölgað mikið í röð-
um iðkenda. Á öldungamóti Blaksambands
Mikill uppgangur í blaki
Íslands í Garðabæ og Álftanesi í maí 2016
mættu fleiri þátttakendur 30 ára og eldri til
leiks en nokkru sinni fyrr. Þetta var engu að
síður 41. skiptið sem öldungamót var haldið.
Til leiksvoru skráð 158 lið, þar af 107 kvennalið
en 51lið karla og var keppt frá fimmtudegi til
laugardags á 13 völlum í þremur íþróttahúsum.
Blakíþróttin hefur átt miklum vinsældum að fagna upp á síðkastið.
Metþátttaka er í greininni og hefur öldungum í íþróttinni fjölgað
mikið. Íþróttin er stunduð víða um land. Strandblak
Strandblak er fremur ung íþrótt hér á landi.
Nú eru tæplega 40 strandblakvellir um allt
land. Flestir eru þeir þó á SV-horni landsins,
þar af níu á höfuðborgarsvæðinu. Ástand
vallanna er hins vegar mismunandi. Margir
eru þó mjög góðir. Árið 2016 fjölgaði þátttak-
endum í keppnum í strandblaki en alls tóku
189 einstaklingar þátt í strandblakmótum
sumarsins og höfðu þeir aldrei verið fleiri.