Skinfaxi - 01.01.2019, Blaðsíða 35

SKINFAXI 35
Würth á Íslandi ehf
www.wurth.is
Norðlingabraut 8
Reykjavík
Bíldshöfði 16 Tryggvabraut 24
AkureyriReykjavík
Lífið verður flóknara
Benjamín segir mikið hafa verið skrifað
um ástæður þessa. Hann hafi því farið út
fyrir kassann til að horfa á málið út frá
annarri hlið. Hann viðurkennir að eftir
mikla leit hafi hann ekki fundið mikið efni
sem fjalli um málið frá hans sjónarhorni.
„Það er tilhneiging til þess að flest 13–15
ára börn hætti að stunda margar íþrótta-
greinar og taki að einbeita sér að einni
grein. Þau sem gera það ekki hætta í
íþróttum. Ástæðan fyrir því er sú að iðkun-
in er komin á alvarlegra stig, þetta er mikil
skylda og þau sem halda áfram ætla sér
að komast langt. Um leið er þrýst á ung-
menni að standa sig í skóla ásamt mörgu
fleiru,“ segir hann og bætir við að fyrst
að miklar upplýsingar séu til um ástæðu
þess að ungt fólk hættir í íþróttum hafi
hann vilja skoða hvað valdi því að þau
haldi áfram og vilji fara af einni æfingu
á aðra.
Styrkjum það sem er gott
Benjamín segir engar endanlegar niður-
stöður liggja fyrir. Hann hafi þó ákveðna
tilfinningu fyrir nokkrum þáttum sem skili
því að börn hætta ekki að stunda íþróttir.
„Það er gaman að stunda íþróttir. Þú
verður oftast að hafa gott bakland heima
fyrir og góða upplifun af iðkuninni á heimil-
inu. Foreldrarnir þurfa að styðja iðkand-
ann. En svo þarf þjálfarinn að vera
skemmtilegur, sem felur í sér að hann sé
með fjölbreyttar æfingar og að hann sé
tilbúinn að leggja á sig mikla vinnu fyrir
börnin. Félagsskapurinn þarf að vera góð-
ur. Í stuttu máli þarf umhverfið að vera
gott,“ segir hann og ætlar í framhaldi af
þessu að skoða hvað einkenni góðan
þjálfara, góðar æfingar og þar fram eftir
götunum.

En lumar Benjamín á ráðum?
„Jú, ég lít svo á að að auðvitað verði að
bæta úr því sem er slæmt. En það er svo
margt gott í starfsemi íþróttafélaga og
þess vegna megum við ekki gleyma að
styrkja það sem er gott.“