Skinfaxi - 01.01.2021, Page 8

8 S K I N FA X I
Ungmennaráð UMFÍ stóð fyrir rafræna viðburðinum Samtal ung-
mennaráða í samvinnu við Samband íslenskra sveitarfélaga
fimmtudaginn 8. apríl sl. Embla Hlíf Hallsdóttir, sem situr í ráði
UMFÍ, segir þetta hafa verið magnaðan viðburð. Markmiðið hafi verið
að búa til vettvang fyrir fulltrúa
ungmennaráða um allt land þar
sem þeir gætu hist, deilt reynslu
sinni og hugmyndum og rætt
saman um starfið með óformleg-
um hætti.
Embla Líf átti hugmyndina að
samtalinu, var drifkraftur þess og
stýrði viðburðinum fyrir hönd
Ungmennaráðs UMFÍ.
Á viðburðinn komu 30 þátttak-
endur frá 19 ungmennaráðum um
allt land. Þar á meðal voru ungmennaráð annarra frjálsra félagasamtaka
og ungmennaráð sveitarfélaga. Á meðal þátttakenda voru tveir fulltrúar
frá nýskipuðu ungmennaráði Norðurþings og var fundur þeirra með
ungmennaráðunum fyrsta verk þeirra.
Embla segir þátttakendur hafa verið mjög ánægða með að ræða
málin og finna að þau standa ekki ein í sveitarfélagi sínu.
„Þarna sáum við að staða ungmennaráða er mjög misjöfn. Engu máli
skiptir hvar þau eru stödd á landinu. Á sumum stöðum virðist sem þau
séu höfð til punts. Annars staðar eru fulltrúar ungmennaráða kallaðir á
fundi sveitarstjórna með markvissum hætti þegar fjallað er um málefni
ungs fólks í sveitarfélagi viðkomandi,“ segir hún og bætir við að best-
ur árangur hafi náðst þar sem staða ungmennaráða er föst í sessi, þeim
er gert hátt undir höfði og ráðin virkjuð í starfi sveitarfélaganna.
Embla Líf: Magnað að tala við
fólk í öðrum ungmennaráðum
Gott fordæmi á Akureyri
Sem dæmi um öflugt starf er Ungmennaráð Akureyrar, sem hlaut viður-
kenningu Barnvænna samfélaga um mitt síðasta ár. Ungmennaráðið
er afar öflugt í sveitarfélaginu. Það fundar einu sinni í viku og fá með-
limir þess greitt fyrir störf sín eða
12 fundi sem er svipað og aðrir
bæjarfulltrúar fá. Þetta er sjaldséð
enda oft þannig að fulltrúar ung-
mennaráða í sveitarstjórnum eða
ráðgjafahlutverkum bæjarfélaga
eru gjarnan þeir einu sem fá ekki
fá greitt fyrir nefndarstörf sín.
Nefna má sem dæmi, að til við-
bótar fá fulltrúar ungmennaráðs
Samfés greitt fyrir setu sína á
stjórnarfundum, sitji þeir þá.
Starfsemi og virkni ungmennaráðsins á Akureyri jókst verulega eftir
að Akureyrarbær fór að taka þátt í verkefninu Barnvænt samfélag og
hóf með markvissum hætti að innleiða Barnasáttmála Sameinuðu þjóð-
anna í stjórnsýslu og starfsemi bæjarins, með hagsmuni allra barna og
ungmenna þar að leiðarljósi.
Akureyrarbær var fyrstur sveitarfélaga til að hljóta viðurkenningu Barn-
vænna sveitarfélaga fyrir árangurinn og afhentu Ásmundur Einar Daða-
son, félags- og barnamálaráðherra, og Birna Þórarinsdóttir, fram-
kvæmdastjóri UNICEF á Íslandi, bæjarstjóranum á Akureyri og full-
trúunum í ungmennaráði Akureyrar viðurkenningu vegna þessa.
„Þau sögðu okkur þar að allt hefði breyst og nú gerist ekkert tengt
ungu fólki á Akureyri nema að ungmennaráðið hafi komið að málinu.
Þetta hefur greinilega mjög jákvæð áhrif í því að gera sveitarfélögin
barnvæn,“ segir Embla Líf í Ungmennaráði UMFÍ.
„Þetta var svo magnað,
að ég gat ekki hætt að
brosa. Það var svo magnað
að heyra fulltrúa ungmenna-
ráða opna sig.“
„Staða ungmennaráða á Íslandi er misjöfn og ljóst að árangur þeirra er mun meiri þar
sem ungmennaráðum er gert hátt undir höfði,“ segir Embla Líf í ungmennaráði UMFÍ.