Muninn - 01.04.2021, Page 38

Vissulega er tíska, líkt og svo margt annað,
mjög persónubundin. Það fíla alls ekki allir það
sama en þrátt fyrir það sit ég í eldhúsinu mínu
og skrifa þennan texta um hvað mér finnst um
tísku.
Flest okkar eiga einhverjar fyrirmyndir sem við
lítum upp til þegar kemur að tísku, hvort sem
það er Bella Hadid eða Adam Sandler. Ég leita
mikið til bestu vinkonu minnar, Hrefnu
Logadóttur, þegar það kemur að þessum
málum. Enda er hún ekkert eðlilega töff að
mínu mati, hún klæðir sig af miklu sjálfstrausti
og ef þið sjáið mig í flottum buxum eða
einhverjum sérstaklega hawt bol þá gæti vel
verið að ég hafi „fengið hann í láni“ hjá henni.
Auðvitað upplifi ég mig sem ungling sem
fæddist á vitlausum áratug og held því fram að
ljós mitt hefði skinið enn bjartar á tímum
foreldra minna, í kringum 1990. Ég fæ mikinn
innblástur af gömlum myndum af þeim á
tónlistarhátíðinni Roskilde og nota mikið af
gömlum flíkum af þeim báðum. Eins og flestir á
mínum aldri er ég allt of mikið á Pinterest og
Tiktok og oft fæ ég innblástur fyrir klæðnað
dagsins þaðan.
Dögun
Halls
@dogun.halls
36