Muninn - 01.04.2021, Blaðsíða 47

„„ÞAÐ VAR MARGT
SEM TELST MJÖG
SKRÍTIÐ Á ÍSLANDI
EN TELST
FULLKOMLEGA
EÐLILEGT Í BRASILÍU,
T.D. ÞAÐ AÐ ÞURFA
HENDA
KLÓSETTPAPPÍRNUM
Í RUSLIÐ EN EKKI
KLÓSETTIÐ SJÁLFT.“
Afhverju Brasilía?
Carnival og tónlist hafa alltaf heillað og mig
langaði að fara á heitan stað, langt í burtu.
Mig langaði heldur ekki að fara til
enskumælandi lands, því mig langaði að læra
nýtt tungumál.
Hvað var það helsta sem þú lærðir?
Ég lærði rosalega mikið um samskipti, að
opna mig og treysta fleirum. Í skiptináminu
kynntist ég allskonar menningu og lærði þ.a.l.
að bera virðingu fyrir menningu mismunandi
landa ásamt því að hafa lært portúgölsku. Ég
er líka ótrúlega þakklát fyrir að hafa kynnst
svona mörgum og er ég ennþá í samskiptum
við marga næstum því daglega.
Hver var helsti menningarmunurinn?
Það er eiginlega allt ólíkt við Brasilíu og Ísland.
Konur og karlar féllu nákvæmlega undir
staðalímyndir kynjanna. Strákar þurfa alltaf
að spyrja feður stúlknanna hvort þeir megi
byrja með þeim og fjölskyldurnar voru yfir
höfuð mjög nánar. Það var margt sem telst
mjög skrítið á Íslandi en telst fullkomlega
eðlilegt í Brasilíu, t.d. það að þurfa henda
klósettpappírnum í ruslið en ekki klósettið
sjálft.
Hvers saknarðu mest við Brasilíu?
Ég sakna sérstaklega matarins og veðursins .
Á sumrin verða oft 40 gráður sem er
ótrúlega heitt. Ég sakna líka fólksins og
brasilísku menningarinnar. Það er bara eins
og að ímynda sér dansa og allir glaðir.
Einhver ráð til þeirra sem langar að
fara í skiptinám?
Verið óhrædd að stökkva í djúpu laugina,
þetta er svo gaman og maður lærir mjög
mikið á þessu. Skiptinámið er svo
skemmtilegt en að sjálfsögðu koma slæmir
dagar en þá er mikilvægt að láta þá ekki
eyðileggja góðu daganna.
45