Mosfellingur - 22.08.2023, Page 60

- Aðsendar greinar60
Það kom upp hugmynd hjá okkur þjálfurum heilsurækar-
námskeiðsins Heilsa og Hugur og Gleðisprengjunum að
bjóða þátttakendum upp á að þjálfa þau og undirbúa þau
til þess að taka þátt í 10 kílómetra kraftgöngu í Reykjavík-
urmaraþoni þann 19. ágúst 2023.
Eftir sumarnámskeiðið okkar sem var með mikla áherslu
á þol og styrk buðum við öllum sem vildu vera með í 8.
vikna gönguþjálfun og fór hún mest fram í fjarþjálfun
þannig að þátttakendur gátu framkvæmt göngurnar hvar
sem er t.d. í sveitinni, hér í Mosfellsbænum eða erlendis.
Við þjálfararnir hittum þau þó með reglulegu millibili og
gengum góðar leiðir saman, hvöttum þau áfram og gáfum
þeim góðar ráðleggingar.
Það voru 20 hraustir og glaðir einstaklingar sem mættu
til leiks í 10 km kraftgöngu laugardaginn 19. ágúst í sjálft
Reykjavíkurmaraþonið. Þetta var heilmikil áskorun því
flestir eru 70 ára eða eldri. Allt gekk upp og þátttakendur
úr hópnum okkar sem við köllum Frískir fætur voru ánægð
og það geislaði af þeim gleðin og hreystin. Við erum gríð-
arlega stoltar af þeim og það er alveg greinilegt að aldur
er afstæður.
Það er líka gaman að segja frá því að 12 af þessum 20
þátttakendum höfðu aldrei tekið þátt í svona stórum við-
burði eins og Reykjavíkurmaraþonið er. Þessi áheitasöfnun
og að allir geti látið gott af sér leiða um leið og þátttakendur
hlaupa eða ganga er til fyrirmyndar og setur mikinn svip á
viðburðinn. Hópurinn ákvað að styrkja Alzheimer samtökin
og náði markmiðinu sínu og meira til.
Munum að það er aldrei of seint að láta drauma sína
rætast, maður þarf bara að vinna að því.
Heilsukveðja þjálfararnir Halla Karen
Kristjánsdóttir og Berta Þórhalladóttir
Aldur er afstæður og það er ávallt hægt að bæta heilsu sína