Muninn - 01.04.2023, Síða 34

it
Líkt og flestir sem hér við skólann hafa lært og unnið
vita, þá er þetta skóli mikilla hefða. Ríkir þó
leyndardómur mikill yfir þeim hefðum, ótalmörgu, en erum
við því hér til að segja ykkur frá hinum einu sönnu,
Defensor Moris, "Verndurum Hefðanna".
Árið er 2003, Jón Már er skólameistari hér við skólann og
trygga skólabjalla skólans er horfin. Það er ekki nema ári
seinna, er skólabjallan finnst á ný, en hún er ekki söm. Á
bjölluna er grafin talan 7, ásamt eftirfarandi setningu;
"Það besta sem guð hefur skapað er nýr dagur". En hvers
vegna? Nú er árið 2007, og hefur Inspector Scholae fengið
símhringingu, forvitnilega, vægast sagt. Símhringing þessi
varðar félagið Defensor Morris, en uppgötvuð hefur verið
Wikipedia-grein sem geymir upplýsingar um félagið. Er
Inspector gekk að leit síðunnar, fannst þó ekkert. Henni
hefur verið eytt. Hvað er þetta félag? og gæti það mögulega
haft eitthvað að gera með hvarf bjöllunnar árið 2003?
Skoðum málið nánar. Rannsókn mikil er nú hafin varðandi
tilvist félagsins. Netfang þess virðist vera fundið í hita
leiksins og sendur er póstur, án tafar. *Bling*, svar
birtist upp á skjánum, tilvist félagsins er staðfest, en er
textabrot sem sent var í lok tölvupóstsins hið sama og
fannst grafið á bjöllu skólans. Sökudólgurinn er fundinn,
en þó, ekki? 'OHM JVjSHJ
Tilvist félagsins hefur nú, að vissu leyti, verið
opinberuð. Sögur segja að einstaklingur einn, á fjórða ári,
sé valinn ár hvert af fyrrum verndara, til að taka við
hlutverkinu. Vinnur þá nemandi sá, ásamt fjórum öðrum,
brautskráðum nemendum, að starfi verndara hefðanna. Árlega
fær Inspector Scholae sent bréf frá félaginu, þar sem þau
láta vita af sér og lýsa þar með hlutverki þess. En hvert
er hlutverk félagsins? Segir félagið það einna helst vera
að styðja við bak skólafélagsins Hugins og koma í veg fyrir
að stærstu hefðir skólans falli. Sem dæmi má nefna
söngsali, busunina og Viðarstauk.