Verzlunartíðindi - 01.12.1967, Blaðsíða 9

Að ofan: Valgarð Breiðfjörð og Jean Claessen virða
fyrir sér nýbrenndar og ilmandi kaffibaunirnar.
Að neðan: Ur rannsóknarstofu verksmiðjunnar.
O. Johnson
& Kaaber hf.
Langvarandi geymsluþol katfisins
er tryggt með innblæstri ilm- og
bragðverjandi loftefna um leið og
pakkanum er lokað. Pakkinn er
gerður úr loft- og ilmþéttu efni.
Eftir að pakkinn hefur verið opn-
aður geymist kaffið betur, ef brot-
ið er upp á og lokað með bréf-
klemmu eða teygjubandi.“
III.
Flestum mun kunnugt, að blönd-
ur af Java-kaffi, og þó einkum af
Mokka-kaffi, eru mun dýrari á
heimsmarkaðnum heldur en Rio-
kaffi í sama gæðaflokki. Það mun
því engum koma á óvart, að verð
þessara kaffitegunda er nokkru
hærra heldur en verð þess Rio-
kaffis, sem nú er á markaðnum
hér.
Rio-kaffið verður framleitt áfram
í óbreyttum umbúðum og á sama
verðgrundvelli og áður.
Varðandi Rio-kaffið er það talið
öruggt, að sú kaffitegund muni
hér eftir sem hingað til falla vel
í smekk íslendinga, þrátt fyrir til-
komu hinna nýju tegunda og
verður hér eftir sem hingað til ein-
göngu keypt Rio-kaffi í hæsta
gæðaflokki. Hins vegar er það
jafn augljóst, að allir munu fagna
því, að hér eftir er kaffineytend-
um gert mögulegt að velja um
kaffitegundir, sem víða um heim-
inn eru taldar standa fremstar í
liokki og eru mjög eftirsóttar, þó
að nokkru dýrari séu.
IV.
í hinni nýju Kaffibrennslu O.
johnson & Kaaber h.f. er nýtízku
vélvæðing í hávegum höfð. Manns-
höndin þarf ekki að snerta kaffi-
sekkina frá því að þeir eru settir
á pall í skipi, þar til hellt er úr
hverjum einstökum sekk í inntak
vélakerfisins. IJr hrákaffigeymsl-
unni fer kaffið um vél, sem hreins-
ar það, og um leiðslur í mikinn
sívalning, sem getur tekið við
mörgum kaffitegundum í einu,
og haldið þeim aðskildum. Kaffi-
blöndurnar fara svo sjálfvirkt inn
i brennsluvélarnar, eftir því sem
brennslumennirnir ákveða.
Brennsluvélarnar vinna þannig, að
fyrstu brennslu aí Inerri blöndu
er stjórnað af brennslustjórunum,
en þeir liafa allir margra ára og
sumir áratuga reynslu i kaffi-
brennslu.
Java- og Mokka-kaffinu er pakkað
í nýja gerð af umbúðum úr plasti,
sem sérstaklega eru gerðar til þess
að halda ilmi og bragði kaffisins
óbreyttu. Súrefnið í andrúmsloft-
inu getur valdið skemmdum á
fituefnum og olíurn kaífisins. —
Pökkunarvélin dregur því allt loft
úr pakkanum þannig, að hann
verður grjótharður viðkomu eins
og viðarkubbur. Erlendis tíðkast
það nokkuð, að kaffið sé sett á
markaðinn í þessu formi, en þó
hefur reynzt vinsælla að pakkinn
sé mýktur á ný með innblæstri
loftefna, án súrefnis, og eykst við
það geymsluþol innihaldsins.
Þannig skýrist það, að loft er í
pökkunum, þó að lofttæmingarað-
ferðinni hafi verið beitt. Áherzla
skal lögð á, að það kaffi, sem pakk-
að er með lofttæmingaraðferðinni
í plastumslögin, gevmist von úr
viti, án þess að nokkur breyting
eigi sér stað.
Þess skal að lokum getið, að hér
eítir sem hingað til verður Rio-
kaffið brennt og malað eftir því
sem markaðsþörfin krefur frá degi
til dags, og dreift í búðir og um
landið nýmöluðu og nýpökkuðu á
hverjum degi. Kaffitegundirnar
eru fáanlegar bæði í möluðu og
ómöluðu formi.
VERZLUNARTIÐINDI
69