Verzlunartíðindi - 01.12.1967, Page 19

ingu og mest á einstökum pakka, svo að það er auk-
inn hagur fyrir viðskiptavini að kaupa í sem stærst-
um umbúðum. í sýningarsal þessum ræður viðskipta-
vinur við sig, hvaða vörur hann ætlar að kaupa og
hversu mikið magn af hverri, tekur jafnframt miða,
er sýnir númer hverrar vöru, sem hann hefir augastað
á, og þegar hann hefir lokið þessari athugun, gerir
hann grein fyrir pöntun sinni við kassa og greiðir
andvirði hennar. Verður varan síðan tilbúin til af-
hendingar daginn eftir, og sækja menn hana við dyr í
vesturenda byggingarinnar. Óski menn hins vegar eft-
ir, að varan verði flutt heim, er það til reiðu, en tekið
verður sérstakt gjald fyrir heimsendingu.
V.________________________________________________
— Þarf ekki stóra birgðageymslu fyrir verzlun með
þessu sniði?
— Birgageymsla Vörumarkaðsins h.f., sem er vinstra
megin við anddyrið, er yfir 300 fermetrar og þar verð-
ur öllum vörum komið fyrir á sérstökum pöllum og
þeim raðað í samræmi við númer þau, sem viðskipta-
vinurinn fer eftir, þegar hann skoðar vöruna í sýn-
ingarsalnum og gerir pöntun sína. Slíkt fyrirkomulag
auðveldar afgreiðslu vörunnar, þegar þar að kemur,
því að starfsmaður í vörugeymslu þarf ekki annað en
að aka smávagni meðfram skipulegum vöruhlöðunum
og taka úr þeim umbeðið magn samkvæmt númerum
á pöntun hvers viðskiptamanns.
VL_______________________________________________
— Er hugmyndin að þessu verzlunarformi erlendis
frá?
— Nei. Hugmyndin að þessari verzlun, bæði skipulagi
og starfsháttum er mín eigin. Hér er um að ræða
verzlun með alveg nýju sniði, sem gerir almenningi
fært að berjast við dýrtíðina með því að kaupa meira
magn vöru í einu en almennt tíðkast, við lægri álagn-
ingu. Er því um beinan sparnað að ræða í slíkum við-
skiptum. Hér er um að ræða hagræðingu, sem hefur
marga kosti í för með sér, en áhættan er einnig fyrir
hendi, þar sem hér er um algjöra nýjung að ræða, en
ég taldi rétt að gera þessa tilraun, því ef hún heppnast
er ég sannfærður um að hér er fundin lausn á vöru-
dreifingu til almennings sem gerir fært að selja vör-
una með lægri álagningu en hingað til. Viirumarkað-
urinn er hlutafélag, svo sem fyrr er getið, og er Eben-
eser Ásgeirsson stjórnarformaður og framkvæmda-
stjóri fyrirtækisins, en í stjórn þess með honum eru
frú Ebba Thorarensen og Jónína Ebenesersdóttir.
YFIR
BÚÐARBORÐIÐ
VERÐLAGSNEFND.
Sem kunnugt er var sett á laggirnar ný níu manna
verðlagsnefnd nú fyrir skemmstu. Verzlunin fékk
einn fulltrúa í nefndina, og þótti ýmsum að færri
gætu þeir ekki verið.
Sveinn Snorrason hæstaréttarlögmaður, fyrrverandi
framkvæmdastjóri Kaupmannasamtaka íslands, var
valinn til þessa vandasama hlutverks, og er óhætt að
fullyrða, að vart hefði fundizt heppilegri fulltrúi
fyrir verzlunina í þessa valdamiklu nefnd.
SÖNGLAÐ í SÖLUTURNI.
í frosthörkunum um daginn kom reykvískur kaup-
maður bílgarminum sínum ekki í gang og ferðaðist
því með strætisvagni. Kom hann þá í biðskýli með
áföstum söluturni, og veitti því athygli, að afgreiðslu-
konan réri fram í gráðið og kvað fyrir rnunni sér:
Sit ég hérna sí og æ
í söluturni bara.
Æði lítið frelsi fæ,
fram í gráðið sit og ræ.
Ef mig langar ofan í bæ,
ekki má ég fara.
Viðbúinn ég verð að sjá,
vilji einhver tóbak fá,
lýði öllum liggur á,
líf mitt er að svara.
Enda þarf ég eins og hinn
afla fyrir hópinn minn.
I.ifa í barmi líka finn
löngun betri kjara.
Krónan fellur, hvað er að?
Hvernig á ég að vita það?
Einhver stétt. um eitthvað bað.
Illt mér finnst að heyra:
Lúxus-vöru ljóta þá
leggja verður minna á,
eftir því sem aðrir fá
ofurlítið meira.
Bl. sk.
VERZLUNARTÍÐINDI
79