Ritið : tímarit Hugvísindastofnunar - 01.12.2006, Síða 39

FEMÍNÍSK GAGNRÝNI í AUÐNINNI
Skrif og sálarlíf kvenna
Femínískir gagnrýnendur sem aðhyllast sálgreiningarstefnu leita
skýringa mismunarins á skriíum karla og kvenna í sálarlífí höfundar og í
tengslunum milli kynferðis og sköpunar. Þessi nálgunarleið sameinar líf-
fræðilegar og málfræðilegar skýringar á kynjamun í kenningu um kven-
legt sálarlíf eða sjálf, mótað af líkamanum, málþroska og félagsmótun
kynhlutverka. Hér eru einnig ýmis vandamál sem þarf að yfírstíga; til
þess að gera aðferðafræði Freuds kvenhverfa þarf hún stöðugrar endur-
skoðunar við. Sem dæmi um öfgarnar sem freudísk smættahyggja gat
leiðst út í, hélt Theodor Reik fram þeirri kenningu að konur væru síður
þjakaðar af ritstíflum en karlar vegna þess að líkami þeirra væri hannað-
ur til að auðvelda losun: „Það að skrifa, eins Freud sagði okkur undir lok
ævi sinnar, er tengt þvaglosun, sem er líkamlega auðveldari fyrir konur
— þær eru með víðari þvagblöðru".32 Almennt séð hefur sálgreiningar-
stefna þó einbeitt sér minna að ummáli þvagblöðrunnar (ætli hérna sé
komið líffærið sem konur geta búið til texta með?) en að fallusarskortin-
um. Reðuröfund, geldingarótti og Odipusarstigið eru orðin að freudísk-
um viðmiðum sem notuð eru til að skilgreina samband kvenna við
tungumálið, ímyndunaraflið og menninguna. I franska sálgreiningar-
skólanum er geldingin nú um stundir orðin að heildarmyndhverfíngu
fyrir lakari bókmenntalega og málvísindalega stöðu kvenna, fyrir áhrif
kenninga Lacans. Lacan heldur því fram að málmyndun og innvígsla í
táknkerfi málsins eigi sér stað á Odipusarstiginu, á sama tíma og barnið
sættir sig við kynferðisímynd sína. Cora Kaplan hefur útskýrt hvernig
yfirburðatáknstaða fallusins lærist á þessu stigi og valdi því að stúlkur
verða utanvelm:
Táknmynd fallusins gegnir lykilhlutverki í tungumálinu því að
ef við lítum svo á að tungumálið sé birtingarmynd feðraveldis
menningarinnar, vísa grundvallarmerkingar þess til hins end-
urtekna ferlis sem skapar kynjamun og sjálfsvitund. ... Litla
stúlkan getur aðeins nálgast hið táknræna, þ.e. tungumálið og
lögmál þess á neikvæðum grundvelli og/eða eftir að því hefur
52 Tilvitnun fengin frá Erika Freeman, Insights: Conversations with Theodor Reik (Eng-
lewood Cliffs, N.J.: Prentice-Hall, 1971), bls. 166. Reik heldur áfram, „En hvur
fjandinn, að skrifa! Meginstarf kvenna er að fæða börn inn í þennan heim.“
37