Heimili og skóli - 01.12.1956, Blaðsíða 26

134
HEIMILI OG SKÓLI
Kennarafundur á Austurlandi
Dagana 15. og 16. sept. s.l. var 12. aðal-
fundur Kennarasambands Austurlands
haldinn í Barnaskólahúsinu í Neskaupstað.
Gunnar Ólafsson, form. samb., setti fund-
inn. Fundarstjórar voru þeir Steinn Stef-
ánsson og Oddur A. Sigurjónsson, en
fundarritarar Davíð Áskelsson og Valgeir
Sigurðsson. Á fundinum voru mættir
kennarar af sambandssvæðinu ásamt
nokkrum gestum, samtals 31 maður.
Á fundinum flutti Skúli Þorsteinsson,
skólastjóri, frásögn um utanför, en hann
hafði heimsótt allmarga skóla á síðasta
ári, og Jóhannes Óli Sæmundsson, náms-
stjóri, flutti erindi um vetrarstarfið. Auk
þess ræddi Aðalsteinn Eiríksson, náms-
stjóri, sem mætti á fundinum, ýmis við-
horf í skólamálum. Urðu allfjörugar um-
ræður um þessi erindi, og kom það meðal
annars fram, að kennarar eru mjög and-
vígir styttingu skólaskyldunnar, a. m. k.
ef engin önnur úrræðu koma þar í mót til
hjálpar unglingum.
Eftirfarandi tillögur voru samþykktar á
fundinum:
1. Tólfti aðalfundur K. S. A. beinir
þeirri eindregnu áskorun til fræðslumála-
stjórnar, að hún láti þegar á næsta ári gefa
út handbók, þar sem í heild sé að finna öll
lög og reglugerðir um skólahald, svo og
um skyldur og réttindi kennara.
2. Tólfti aðalfundur K. S. A. beinir því
til Ríkisútgáfu námsbóka, að hún láti sitja
fyrir að gefa nú þegar út litprentaða
landakortabók og einnig handhæga staf-
setningarorðabók.
3. Fundurinn felur væntanlegri sam-
bandsstjórn að koma á sýningu barna- og
unglingabóka á næsta aðalfundi. Fundur-
inn telur mjög æskilegt, að safni slíkra
bóka verði komið upp hjá Ríkisútgáfu
námsbóka.
4. Tólfti aðalfundur K. S. A. telur það
mjög illa farið og til mikilla óþæginda fyr-
ir skólana, ef Bókabúð Menningarsjóðs
hættir störfum, því að hún hefur reynzt
kennurum mjög hjálpleg um útvegun
skólatækja. Fjölbreytt skólatækjaverzlun
er brýn nauðsyn. Þess vegna beinir fund-
urinn því til Ríkisútgáfu námsbóka, hvort
hún geti tekið að sér slíka verzlun, ef hin
hættir.
í sambandi við fundinn var haldin sýn-
ing á kennslubókum og hjálparbókum
fyrir kennara á Norðurlöndum.
Á laugardagskvöld skoðuðu fundarmenn
hið svo til fullgerða, glæsilega sjúkrahús,
og voru möttókur Norðfirðinga allar hin-
ar glæsilegustu.
Stjórn sambandsins skipa nú: Steinn
Stefánsson, formaður, Guðmundur Þórð-
arson, gjaldkeri, Valgeir Sigurðsson, rit-
ari, og til vara: Skúli Gunnarsson og Jó-
hann Jónsson, allir á Seyðisfirði.
í fundarlok var setið kaffiboð bæjar-
stjórnar og fræðsluráðs Neskaupstaðar, og
var fundi slitið undir borðum.
HEIMILI OG SKÓLI
TÍMARIT UM UPPELDISMÁL
Útgejandi: Kennarafélag EyjafjarÖar.
Ritið kemur út í 6 heftum á ári, minnst
24 síður hvert hefti, og kostár árgang-
urinn kr. 25.00, er greiðist fyrir 1. júní.
Útgáfustjórn:
Hannes J. Magnússon, skólastjóri.
Eiríkur Sigurðsson, yfirkennari.
Páll Gunnarsson, kennari.
AfgreiÖslu- og innheimtumaÖur:
Árni Björnsson, kennari, Þórunn-
arstræti 103, Akureyri.
Ritstjóri:
Hannes J. Magnússon, skólastjóri.
Pósthólf 183. — Akureyri.
Sími 1174.
Prentverk Odds Björnssonar h.f.