Heimili og skóli - 01.02.1962, Page 20

12
HEIMILI OG SKÓLI
sinnt nppeldisstarfinu nema að litlu
leyti. Til þess þyrftu þeir að hafa
meira af áhugaefnum barna og ungl-
inga í starfi sínu en raun er á. Frjálst
starf við vinnubækur, bekkjarblöð o.
fl. er nær því að vera uppeldisstarf en
lexíulestur. Handavinna í barnaskól-
um er vinsæl námsgrein og þar er
áhugi barnanna vakandi. Þau eru
mjög sár yfir að missa þær kennslu-
stundir.
Auðvitað þurfa barnaskólarnir að
sinna undirstöðuatriðum allrar skóla-
menntunar, lestri, móðurmáli, skrift
og reikningi. Það þurfa allir að læra,
hvort sem áhugi er fyrir hendi eða
ekki. En ég hygg, að afnema mætti
próf í lesgreinum og hafa þar frjálsari
vinnubrögð eftir hneigð og áhuga nem-
endanna, og er námið þá farið að nálg-
ast það að vera meira uppeldisstarf.
Mætti þá leggja fram vinnubrögð nem-
enda að vorinu eins og teikningar og
handavinnu, án þess að mæla minnis-
getu þeirra í tölum. En sennilega yrði
erfiðast að breyta þessu vegna foreldr-
anna, sem alltaf vilja sjá einhverjar
einkunnir hjá börnum sínum, enda
vanir því frá því að þeir voru sjálfir í
skóla.
Þá fer einnig í vöxt frjálst tóm-
stundastarf á eftir skólatíma eða á
kvöldin í skólum á Norðurlöndum.
Það á sennilega eftir að koma hingað í
skólana. Geta nemendur þá valið sér
verkefni eftir hugðarefnum sínum, en
þurfa ekki að vinna samkvæmt fyrir-
skipunum skólans.
Erfiðleikarnir við þetta tómstunda-
starf er það, að það hlýtur alltaf að
kosta nokkuð, bæði kennsla og efni.
Hér þurfa ríki og bæjarfélög að hlaupa
undir bagga. En á Norðurlöndum eru
víða foreldrafélög, sem greiða fyrir
svona frjálsu starfi við skólana. Þar eru
forstöðumenn þessara félaga í náinni
samvinnu við kennarana.
Þetta tómstundastarf getur verið
margs konar. Eitt af skemmtilegum
viðfangsefnum þess eru lúðrasveitir
barna og önnur hljómlistarstarfsemi.
Skilningur á þessu er að vakna hér á
landi eins og kunnugt er. Sennilega
vex hann á næstu árum og tómstundir
barna og unglinga verða gerðar þeim
ánægjulegar með því að stuðla að því,
að þau geti unnið að því, sem áhuginn
beinist að.
, II-
Á Akureyri hefur undanfarin 8 ár
starfað Æskulýðsheimili templara í fé-
lagsheimilinu Varðborg. Það heimili
var brautryðjandi með námskeið í
tómstundastarfi hér á landi. Nú er sú
starfsemi víða um land fyrir ungt fólk,
einkum hefur Æskulýðsráð Reykjavík-
ur og Ungtemplararáð unnið gott verk
á þessu sviði. Allt eru þetta merk upp-
eldisatriði, að unglingar fái að vinna
eftir eigin ósk að áhugamálum sínum.
Æskulýðsheimilið í Varðborg hefur
unnið sitt starf á hljóðlátan hátt, enda
ekki haft neinn til að segja frá störf-
um sínum í útvarpi þjóðarinnar eins
og Reykvíkingar. Bæjarbúar hafa ver-
ið heldur tómlátir um þessa starfsemi,
og bæjarstjórn hefur aldrei þakkað
hana á nokkurn hátt. Þarna eru þó
bæði lesstofa með bókasafni og leik-
stofur með ýmsum leiktækjum fyrir
börn og unglinga opnar tvo daga í
viku. Þá hafa margs konar námskeið
farið fram í lieimilinu. Þó hefur of