Heimili og skóli - 01.02.1964, Síða 9

freistingu og horfið frá heimilum sínum að meira eða minna leyti og
sogast út í atvinnulífið. Það er eins víst og tveir og tveir eru fjórir,
að þetta kemur niður á umhirðu og uppeldi barnanna. Oft er þessarra
peninga, sem móðirin vinnur sér inn, brýn þörf, en ekki alltaf, og upp-
eldi barnanna er líka verðmæti.
Já — nýja árið færir okkur mörg verkefni og mörg tækifæri. Það
færir okkur tækifæri til að stunda uppeldi barna okkar af meiri á-
byrgðartilfinningu og alúð en nokkru sinni áður. Það færir okkur
tækifæri til að gera heimilið heilbrigðara og sterkara en áður. Það
fœrir okkur mörg tækifæri til að firra börn okkar hinni geigvænlegu
reykingahættu, bœði með því að foreldrarnir hœtti að reykja, og ef
þeir gera það ekki, þá að fara varlega með þetta eitur og láta það
ekki liggja fyrir börnunum hvar sem er.
Já, nýja árið er ný von fyrir alla; einmitt fyrir þá, sem áttu
við erfiðleika, raunir og sjúkdóma að stríða á liðnu ári.
Quð gefi okkur öllum gott og gleðiríkt nýtt ár.
H. J. M.
HEIMILI OG SKÓLI