Heimili og skóli - 01.10.1987, Qupperneq 29

Skólaskipti
- Ingibjörg Magnúsdóttir -
Er æskilegt íyrir böm að
skipta um skóla milli sjötta og
sjöunda bekkjar gmnnskóla?
Eg treysti mér ekki til að svara
þessari spurningu játandi eða
neitandi, þar sem aðstæður á
hinum ýmsu stöðum geta verið
mjög mismunandi. Ég hef t.d.
ekki trú á að svo róttækar
breytingar séu æskilegar fyrir
börn á þessum aldri, að skipta
um skóla, bekkjarfélaga, um-
hverfi og kennara. Þetta er við-
kvæmur aldur og á þessum
aldri em börn oft mjög háð
vinum sínum í skólanum. Þó
þekki ég dæmi um börn, sem
flust hafa með fjölskyldum
sínum á milli staða á þessum
aldri og gengið hefur ljómandi
vel að aðlagast breyttum að-
stæðum.
Viss aðskilnaður barna í
efstu og neðstu bekkjum
gmnnskólans hefur sína kosti
þar sem gífurlegur munur er á
nemanda í forskólabekk og
nemanda í níunda bekk
grunnskóla.
Hér á Húsavík flytjast börnin
í gagnfræðaskólann þegar þau
hefja nám í sjöunda bekk.
Mjög skammt er á milli skóla-
húsanna og leikfimikennsla
fyrir báða skólana hefur farið
fram í húsnæði barnaskólans.
'léngslin við gömlu félagana
rofna ekki, þar sem aðeins er
um einn skóla fyrir þennan
aldursflokk að ræða, á staðn-
um. Þau börn sem ég þekki
best til láta mjög vel af þessari
skiptingu, því þó kennslu-
hættir breytist nokkuð og nýir
kennarar taki við þá em börn-
in þó enn í vissum tengslum
við gamla skólann sinn og
skólafélagana.
Á þessum aldri er líka eitt að-
almarkmiðið að verða stór og
þegar börnin flytja sig úr
barnaskólanum í gagnfræða-
skólann stækka þau öll skelf-
ingar býsn, í raun má segja að
þau breytist bæði í sínum eigin
augum og annarra, úr börnum
í unglinga.
Þegar ég sjálf steig þetta
skref var barnaskólinn og
gagnfræðaskólinn í sama
skólahúsi, en gagnfræðaskól-
inn var á efri hæðinni. Það var
ein af þessum stóm stundum í
lífinu að ganga upp stigann um
haustið og vera komin í gaggó.
I^esið af
meginljorra
þjóðarinnar
daglega!
Auglýsingasíminn er 23634
Áskriftarsíminn er 21100
Hafnarstræti 85, Akureyri
29