Þingtíðindi Alþýðuflokksins - 25.11.1966, Side 27

Með Ásgeiri G. Stefánssyni er genginn einn gagnmerk-
asti borgari Hafnarfjarðar, frábær dugnaðarmaður,
jafnvígur á byggingastarfsemi og útgerð og raungóður
drengskaparmaður, sem ekkert aumt mátti sjá og öll-
um vildi hjálpa. Ásgeir G. Stefánsson var borinn og
barnfæddur Hafnfirðingur og í Hafnarfirði átti hann
heima alla sína ævi, að undanteknum stuttum tíma, er
hann dvaldi við nám erlendis eða byggingastarfsemi
úti á landi. Annar aðalþátturinn í ævistarfi Ásgeirs G.
Stefássonar er tengdur sjávarútvegsmálum. En þar ber
hæst störf hans fyrir Bæjarútgerð Hafnarfjarðar nokkuð
á þriðja áratug.
Alþýðuflokkurinn, og alveg sérstaklega Alþýðuflokk-
urinn í Hafnarfirði, á Ásgeiri G. Stefánssyni mikið að
þakka. Hann var ötull og áhugasamur stuðningsmaður
flokksins um áratugaskeið. Þykkjur hans og flokksins
fóru saman. Uppbygging atvinnulífsins í landinu til
hagsbóta fyrir allan almenning var honum hjartansmál,
og stuðningur hans við þá, sem erfitt áttu uppdráttar,
var þannig að hægri hendin vissi aldrei hvað sú vinstri
gerði. I hvað mestri þakkarskuld stendur flokkurinn
þó við hann fyrir störf hans við bæjarútgerðina. Ásgeir
sóttist aldrei eftir sæti í bæjarstjórn. Hann lét þó til
leiðast 1942 að gefa kost á sér til þeirra starfa og var
þá kosinn. Hann átti sæti í bæjarstjórninni um nokk-
urra ára skeið, en dró sig í hlé og eftirlét öðrum sætið.
Við fráfall Ásgeirs G. Stefánssonar var mikið skarð
fyrir skildi. Frábær athafnamaður var genginn, athafna-
maður, sem unni bæjarfélagi sínu og raunar þjóðinni
allri og vildi þoka henni til betra mannlífs. Drengskap-
armaður, sem hvers manns vanda vildi leysa, og styðja
25