Þingtíðindi Alþýðuflokksins - 25.11.1966, Side 43

íslendingar hafa öðlazt á undanförnum árum, tryggja
áframhald stöðugrar atvinnu fyrir alla, kom í veg fyrir
óþarfar verðhækkanir og óraunhæfar kauphækkanir,
en haída jafnframt áfram sókn síðustu ára á sviði at-
vinnumála, félagsmála og memitamála.
Undanfarið árabil hefur verið skeið örra framfara á
íslandi. Þjóðarframleiðslan hefur vaxið mikið, bæði
vegna góðs afla, nýrrar tækni og betri skilyrða, sem
frjáls innflutningur og traust efnahagsstjórn hafa skap-
að. Jafnframt hefur verðlagsþróun erlendis verið svo
hagstæð, að þjóðatekjur hafa aukizt örar en nokkru
sinni fyrr. Og ekki er það sízt mikilvægt, að kjör laun-
þega hafa, þegar á allt er litið, batnað í réttu hlutfalli
við aukningu þjóðarteknanna.
Það vandamál, sem erfiðast hefur reynzt að leysa,
er verðbólgan. Hins vegar hefur hún ekki til þessa vald-
ið útflutningsatvinnuvegum og þjóðarheildinni óviðráð-
anlegum erfiðleikum vegna þess, hve ört framleiðslan
hefur aukizt og verðlag hækkað á íslenzkum afurðum
erlendis undanfarin ár.
En alltaf má búast við breytingum á þróun í efna-
hagsmálum. Hér á landi, eins og með öðrum þjóðum,
verða áraskipti að framleiðsluskilyrðum og viðskipta-
kjörum. Nú á þessu ári hafa orðið miklar breytingar
á útflutningsverðlagi, íslendingum í óhag, og jafnframt
er ekki um að ræða sömu aukningu í veigamiklum
greinum útflutningsframleiðslunnar og áður var. Þetta
hefur valdið nýjum viðhorfum í fslenzkum efnahags-
málum.
41