Þingtíðindi Alþýðuflokksins - 25.11.1966, Side 63

12. Kína.
31. þing Alþýðuflokksins telur, að utanríkisstefna
Kínverska alþýðulýðveldisins hafi verið í ósamræmi
við sáttmála Sameinuðu þjóðanna, sérstaklega innrás-
irnar í Tíbet og Indland, og því ekki eðlilegt, að Kín-
verjum væri boðin þátttaka í bandalaginu.
Þrátt fyrir þetta er til lengdar óraunhæft að viður-
kenna ekki stjómina í Peking og halda henni utan við
alþjóðasamtök. Flokksþingið telur því, að stefna beri
að þátttöku Kínverska alþýðulýðveldisins í Sameinuðu
þjóðunum, sérstaklega ef það gæti stuðlað að friði og
jafnvægi í Suðaustur Asíu og aukið líkur á samkomu-
lagi um takmörkun kjarnorkuvopna og afvopnun. —
Taiwan verði að sjálfsögðu áfram aðili að bandalaginu.
Flokksþingið telur eðlilegt, að 21. allsherjarþing Sam-
einuðu þjóðanna skipi nefnd til að ræða þessi mál við
stjórnina í Peking, og telur, að sendinefnd íslands eigi
að styðja tillögu ítala í þá átt.