Fréttir - Eyjafréttir - 06.01.2023, Qupperneq 6

6 | | 6. janúar 2023
Páll Zóphóníasson var ráðinn
bæjartæknifræðingur í Vest-
mannaeyjum árið 1967. Allt frá
þeim tíma hefur hann á ýmsan
hátt sett sterkan og mótandi
svip sinn á bæjarlífið. Sem
bæjartæknifræðingur reyndi
mjög á faglega hæfileika hans
og þar fékk hann sannarlega
að njóta þeirra. Einkum reyndi
mikið á Pál í Heimaeyjargosinu
þar sem hann var í fremstu víg-
línu og stjórnaði framkvæmd-
um og aðgerðum bæjarins bæði
í gosinu og síðan eftir að upp-
bygging hófst að nýju. Á þessu
ótrúlega og erfiða tímabili í
sögu Vestmannaeyja komu
einkar vel fram skipulags- og
forystuhæfileikar Páls.
Eftir að Páll varð bæjarstjóri,
1976 hélt hann áfram sem
forystumaður uppbyggingar-
innar eftir gos og fórst honum
það afar vel, áskorunin var
gífurleg en smám saman tók
Vestmannaeyjabær á sig þá
mynd sem að var stefnt. Eftir að
bæjarstjóraárum Páls lauk hefur
hann með miklum sóma rekið
ráðgjafa- og teiknistofu í Vest-
mannaeyjum. Þá hefur Páll um
langt skeið tekið mjög virkan
þátt í æskulýðsstarfi og verið í
forystu fyrir Skátafélagið Faxa.
Þar nýtur hann virðingar fyrir
störf sín.
Ég kynntist Páli fyrst árið
1974 þegar ég fékk kennara-
stöðu við Gagnfræðaskólann í
Vestmannaeyjum, nýbúinn að
ljúka námi mínu við Háskóla
Íslands. Hann er einn þeirra
samferðamanna sem mér hefur
þótt hvað vænst um að kynnast.
Við áttum afar gott samstarf
í bæjarstjórn Vestmannaeyja
meðan hann var bæjarstjóri og
síðan þá eru alltaf fagnafundir
þegar við hittumst. Gömlu góðu
dagarnir eru rifjaðir upp og við
keppumst við að segja hvor
öðrum frá og njótum samver-
unnar í botn.
Páll er heilsteyptur maður og
afar hreinskiptin. Hann veit
alltaf hvað hann vill, er fylginn
sér og stendur við orð sín.
Sökum þessa gat ég alltaf treyst
honum fullkomlega á mínum
bæjarstjórnarárum. Slíkt traust
er algerlega nauðsynlegt alltaf
þegar samstarf þarf að leiða
eitthvað gott af sér.
Páll Zóphóníasson er sannar-
lega einn þeirra manna sem
unnið hefur af mikilli elju að
ýmsum stórum framfaramálum
í þágu okkar Vestmannaeyinga.
Ragnar Óskarsson
Ragnar Óskarsson
Páll alltaf í fremstu víglínu:
Heilsteyptur maður
og afar hreinskiptinn
FRÉTTAPÝRAMÍDINN2022
„Mér finnst það einkenna
Palla hvernig hann hefur alltaf
verið góður og hvetjandi við
skátakrakkana, alltaf tilbúinn að
miðla af þekkingu sinni og rétta
hjálparhönd.
Fjölmargir eiga frábærar minn-
ingar af Palla Zóf úr skátastarfinu,
hvort sem það var við foringja-
þjálfun hans, frá skátamótum,
skíðaferðalögum, göngum eða
hvað eina. Það sem einkennir starf
Palla er hversu hvetjandi hann er
við unga fólkið og sér hæfileika
þeirra og hvernig megi fá það til
að blómstra og nýta hæfileika sína.
Páll Zóphóníasson er frábær leið-
togi og leiðbeinandi ungra skáta.
Páll hóf þátttöku í skátastarfi á
unga aldri og hefur hann alla tíð
verið virkur í starfinu. Hann var
félagsforingi í Skátafélaginu Faxa
frá 1986 og 2010 og var um tíma
aðstoðarskátahöfðingi allra skáta
á Íslandi og hefur hlotið fjölda
viðurkenninga fyrir störf sín fyrir
skátahreyfinguna á Íslandi.
En auk þessa hefur Palli tekið að
sér fjölmörg mikilvæg verkefni
fyrir Skátafélagið Faxa.
Má nefna sem dæmi að hann
hannaði Skátaheimilið við
Faxastíg og Hraunprýði í Skáta-
stykkinu. En hann hefur unnið
ötult starf við að byggja upp og
viðhalda skátabyggingum og
svæði skátanna suður á Eyju sem
og annars staðar. Hann hefur lagt
á sig óteljandi vinnustundir til að
tryggja að skátaaðstöðunni sé vel
við haldið og henti ungu skátunum
til að læra og vaxa.
Páll hefur unnið að því að gróð-
ursetja fjölmörg tré og stuðlað að
sjálfbærum vinnubrögðum innan
skátahreyfingarinnar. Páll er enn
virkur í skátastarfinu og skilur eftir
sig gríðarlega jákvæða arfleifð
til komandi kynslóða og hann
hefur unnið sleitulaust að því að
styrkja umgjörð fyrir skátastarf til
framtíðar í Vestmannaeyjum og á
landsvísu.
Hann er ávallt reiðubúinn að rétta
hjálparhönd og miðla öðrum af
þekkingu sinni og góðvild hans
hefur veitt ótal ungum skátum
innblástur í gegnum tíðina.
Páll er sannarlega mikill leiðtogi
og dýrmætur samfélaginu okkar
og framlagi hans verður minnst
um ókomin ár.
Frosti Gíslason
– Félagforingi Faxa.
Frosti Gíslason Eigum Páli
mikið að þakka:
Mikill leiðtogi og dýr-
mætur samfélaginu
Skátarnir Ármann Höskuldsson, Páll Zópóníasson og Frosti Gíslason.
Páll ásamt hópi af skátum leið á skátamót í sumar
Ragnar
Óskarsson
skrifar